Góðan daginn sólskin!

Loksins, loksins lohoksihins!

Sjáið bara hvað beið mín þegar ég kom heim í dag!

Hihiiiii! Svaðalega fallega fínt innpakkað... og...

...voila!

Glæsilega fínt uppáhalds át áhald!

Svo keypti ég tilraunaböggul í grautinn á morgnana. Aftur þurfti ég að fórna bút úr sálinni, handlegg og nýra.

Ég er farin að verða uppiskroppa með útlimi og sálartetur til að gefa í þessar "heilsuvörur".

Smakkaði dýrið þó áðan og jújú, það er smávegis möndlubragð af "mjólkinni". Kannski smá súr? Er skeptísk á að þetta geri kraftaverk í grautinn en hver veit? Kannski það sé skemmtilegra að nota þetta en vatnið eintómt og gæti orðið ágætist kostur fyrir þá sem ekki þola mjólkurvörur! Ætla líka að prófa vanillu-sojamjólk í náinni framtíð. Gæti verið gleðilegt í grautinn.

Sökum þessa hræri ég í eftirfarandi iGraut í kveld:

1/3 bolli hafrar

2/3 bollar möndlumjólk

1 msk chia

1 tsk vanilludropar

smá salt

Skeiðin góða verður svo vígð í morgunsárið. Frumraun tveggja nýrra atómsplæsaðra eininga!

Ónáttúrulegt hvað ég hlakka mikið til að borða með þessari skeið!

Gleym-mér-ei

Þvílíkir dýrðar dásemdar ofurdagar.

Íslandið fagra kæra að sumri til. Það er bara ekkert betra.

Gærdagurinn var stórkostlega latur og feitur og heitur og frábær! Pallaslímseta og almennt ónennelsi yfirtóku alheiminn og átvaglið átti auðvelt með að fylgja í kjölfarið.

Bjó til mikinn eðalgraut í morgun. Sagði einhver Chia? Eruð þið orðin leið á að heyra orðið Chia? Chia chia... cia?

Ekki ég!

 

Einn einfaldur með chiafræjum, vanillu og berjum.

Tæplega 1/3 bolli hafrar

2 eggjahvítur

1/2 msk chia

gomma af vatni

Smá salt

vanilludropar

Hafragrautsskraut:

Þiðin ber og berjasafi.

Allt í skál, hræra vel, inn í örbylgju. Taka út eftir 30 sek, hræra vel aftur - endurtaka þangað til grauturinn er orðinn að þínu skapi.

Gjörninginn setti ég svo inn í ísskáp á meðan ég sjænaði mig til. Toppaði með berjum eftir ísskápsveru og úr varð þessi snilld!

Svona líka flauelsmjúkur, deigó, mildur og berin súr á móti! Uss! Ris-a-la mande kikk! Gaman og gleðilegt að borða þessa snilld í morgun. Sérstaklega þegar safinn byrjaði að leka inn á milli, í og með. Kom skemmtielga út á móti vanillukeimnum.

Garðurinn hennar mömmu er svo glæsilega fínn. Þarf að setja inn myndir við tækifæri. Hann inniheldur líka sjö tonn af uppáhalds "blóminu" mínu! Gleym mér ey! Jú víst, þetta er blóm! Sjáið bara hvað það er fullkomlega fínt og æðislegt!! Er svo ákkúrat! Pínkupons, blátt, gult, hvítt, fíngert... og... það er hægt að festa það við fötin sín! Ójá!

Morgunmats-át-aðstaðan inniheldur líka stóra bróður uppáhalds blómsins! Ég gæti setið og gónt á þessa bjútíbombu svo klukkustundum skiptir. Fíhííínt!

Bootcampó í kvöld! Hlakka til!

Þegar maður heldur að það verði ekki betra...

...þá verður það barasta betra!

Þvílíkur dagur! Húhhh!

11:00

Átvaglið og átvaglspabbi viltu graut í morgndegismat!

Hafragrautsskraut - check!

11:15

Rétt náðir mynd af restinni. Gleymdi meira að segja að taka mynd af mínum disk.

Og bara svo þið vitið af því, þá er grautur + grísk jógúrt = himnaríki!

 

Alveg geggjaður þessi. Chia bananagrautur með döðlum.

1/2 bolli hafrar

1/2 bolli sólskyns múslí

1 bolli léttmjólk/undanrenna

1 bolli vatn

smá salt

1 stappaður banani

2 msk chia

10 niðurskornar þurrkaðar döðlur

ríflega teskeið vanilludropar

Sjóða - hræra - hafragrautsskreyta - njóta!

 

11:20

Svo bjó ég til þessa krúttusprengju úr afgöngum fyrir systur mína.

WAAA.... of mikil sól. Inn með þetta!

Ahh.. betra.

Afgangsgrautur, banani, sykurlaus bláberjasulta, múslí og grísk! Bara geggjað.

15:10

Rassgatakleina!

Buns of steel!

18:00

Grillum, grillum, grillum út á palli.

Syngist eins og "Á Sprengisandi"

18:10

Húúabbaaa...

...babbarawhamm! Og FLIPP!

Voila! Grilltaktar extraordinaire!

18:30

Hrefna fyrir.

18:31

Hrefna á meðan.

18:32

Hefna eftir.

18:33

18:40

18:41

Hrefna löngu eftir! Glæsilegt, ekki satt? 

Aaaaðeins nær!

19:10

HVAÐ?

Ekki horfa svona á mig!

Þetta var dónalega gott - enda fékk ég mér líka tvisvar!

Kaffigrautur, taka tvö

Vaknaði fyrir allar aldir í morgun. Fór frammúr um 6 leitið og beinusu leið út í þessa andskotans endemis blessuðu rjómablíðu í smá hlaup.

Uss - hlaup á tóman maga er ekki góð hugmynd! Man það næst! En... ég náði þó að hlaupa í 30 mínútur, á hægustu sniglaferð, án þess að stoppa. Mikið afrek fyrir átvaglið engu að síður.

Gleypti flugu í leiðinni.

Það var ógeð.

Stoppaði samt ekki!

Á svona degi hefði ég, undir venjulegum kringumstæðum, fengið mér góðan, frískandi og djúsí kaldan skyrdrykk en kaffigrauturinn og chia fræin ásækja átvaglið svo stíft um þessar mundir að grautur og kaffi unnu frískleikann og hamingjuna!

Prófum kaffigleðina áfram og sjáum hvað setur! Hellugrautur. Hvað annað? Hlakka til, hlakka til!

Sjóða saman:

• 1/3 bolli hafrar
• 1/3 bolli vatn/mjólk
• 1/3 bolli kaffi
• 1/2 banani
• 1 msk chia fræ
• 1 tsk vanilludropar
• smá salt

Hafragrautsskraut:

• Heslihnetur (tekur einhver eftir því að ég á poka af heslihnetum?)
• Múslí
• Hunang
• Nokkrar tsk auka kaffi + mjólk

 

 

 

 

 

 

Voila! 

Greyið. Hann lítur nú ekki par fallega út. Girnilegri grauta hef ég augum litið, svo mikið er víst. Ætla ekki einusinni að segja ykkur á hvað þetta minnir mig. Held þið getið gert ykkur það í hugarlund sjálf.

 

Vanalega hefði ég hlammað mínum sérlega afturenda í hornið mitt ásamt graut og kaffi. Í dag var hornið góða hinsvegar svo kalt og blautt og grátt miðað við...

 

...TADAAAAA! *englahljóð* 

Ekki það að ég vilji svíkja lit... en... æji, sjáið hvað þessi dýrð er miklu girnilegri til á(t)setu!

Átvaglið á leiðinni... grauturinn alveg að fá að smakkast!

Rassinum komið fyrir í rúmi hengisins! 

Grauturinn aaaalveg... að fá að smakkast!

*tilhlökkunarspenningur*

Hmmmm..... 

Ohhhhh... vonbrigði! Ég sem hlakkaði svo til!

Já, smá kaffibragð! Já, fullkomin áferð en hmm.., vantar ennþá eitthvað. Setti reyndar ekki kanil. Chia fræin eru svo gott sem bragðlaus, gefa bara önaðslega áferð. Kannski það þurfi að krydda dýrið meira vegna þessa? Bananinn var ekki nægjanlega þroskaður heldur. Yfirleitt er 1/2 banani meira en nóg til að sæta - kannsi chia fræin hafi deyft það eitthvað!!

Hmmmm... tilraunum skal áfram haldið.

EN... aftur... aaaalls ekki vondur. Enda skálin sleikt!

Allt á réttri leið þó!

 

 

 

 

 

 

 

Njóta svo útsýnisins eftir sérdeilis gott át og slappa af í sólinni!

Þessi ákvað að kíkja í heimsókn.

Garðurinn er stútfullur af humlum.

 

 

Alveg kyrrt. Alveg hljótt. Hlýtt. Humlur. Fuglasöngur. Hvíld eftir hlaup. Mett eftir graut.

Gæti tekið mér kríublund.

Notalegt. Mjög... notalegt! Forréttindi að fá að nýta morgnana á þennan hátt.

Yfir og út!

Chia iGrautur með skyri, banana, bláberjum, múslí og heslihnetum

iGrautur = Ísskápsgrautur! Er það ekki bara ágætis viðurnefni?

Ókeilí... rifja upp. 

Það sem ég gerði í gærkvöldi var að blanda saman:

• 1/4 bolli hafrar 
• 1/2 lítil skyrdolla
• 1/4 bolli vatn (eða mjólk... eða bæði)
• 1/2 msk chia fræ (óóhhbeibeh)
• smá vanilludropar 
• ögn af salti

 

Beint út úr ísskáp leit dýrðin svona út í morgun! Smá munur ekki satt?

Guð.Minn.Góður! Ég get ekki beðið!

Áferðaperrinn að fara úr skinninu við þessa sjón!

Hafragrautsskraut:

• Banani
• Bláber (frostin, því miður)
• Múslí
• Heslihnetur

 

Hómægod hómægod... hlakka til! Búin að koma öllu fallega fyrir í útsýnis horninu mínu. Fífan þarna hress á kanntinum.

Með kaffi! Ahhhh....

Átvagls útsýni rétt aður en fyrsti sopinn er gúllaður.

Ég elska þessa bolla svo mikið!

JESS! Allt tilbúið í ofurát!

Tvöfalt JESS!

HOLYMOLYNESS! Ég er svo spennt yfir þessum gjörning að mörkin milli eðlilegrar og óeðlilegrar hamingju eru óskýrari en rugluð stöð 2.

Ég lokaði augunum, beindi skeiðinni ofan í diskinn og skúbbaði upp smávegis graut. 

Mjög gott.

Mjög mjög gott... jákvæð fyrsta skeið. SJÁIÐETTABARA! Hohh ég elska chia fræ svo mikið! Þessi grautur var ákkúrat réttsælis þykkur og fínn og deigó og gvöðdómlegur! Gumsið hreyfist ekki einusinni, lafir bara sem mest það má fram af uppáhalds át áhaldinu!

Enda át ég líka lafið hraðar en ljósið ferðast... og heilagur hafragrautsguð og áferðabúdda!

Áferða... himnaríki!

Skúbbið skildi meira að segja eftir sig dæld í grautnum!

Bitinn á myndinni hér að ofan, án alls hafragrautsskrauts, lofaði svo góðu að án þess að vita hvað framtíðin bæri í skauti sér hefði ég getað dáið hamingjusöm... og þá skúbbaði ég í annað sinn!

Engin orð! *hamingjugleðisprengja*

Gwaaaah! HRÆRA!

Haldið þið að ég hafi planað þessa litasamsetningu?

Morguntær... af hverju ég er að setja jafn girnilega mynd og þessa hingað inn er ofar mínum skilningi? Af hverju ég stoppa þessi spjöll ekki í fæðingu geri ég mér heldur ekki grein fyrir? Sérstaklega þar sem ég fyrirlít kræklur út í hið óendanlega. Eitthvað svo gígantískt ónáttúrulegt við þær. Með óhuggulegri líkamspörtum. Segi það satt. Fyrir utan þá óumflýjanlegu staðreynd hvað tær eru, yfir höfuð, hræðilega ófríðar þá getur einnig oft verið vond lykt af þeim! Talandi um að bæta gráu ofan á svart - greyin! Einu tær alheimsins sem gætu mögulega talist sætar eru flundurnýjar barnatær.

Ókei. Aftur að grautnum! 

Þetta var svo gooooott! Æjj... og enginn fékk að njóta þessa með mér! Synd og skömm. Væri hægt að bæta út í þetta hunangi eða agave viljir þú sætara skúbb - bananinn og berin voru passleg fyrir mig.

Það góða við þennan iGrauts gjörning, að auki við augljósa kosti, er að þú finnur vart fyrir því að hafrar feli sig í gumsinu. Þar af leiðandi, ef þú átt erfitt með hafragrautsát, ættir þú að geta gert þér þessa bjútibombu að góðu án nokkurrar velgju

Ég á heilan dúnk af chia gleðisprengjum í viðbót! Þrjátíu máltíðir hið minnsta! Hihihi.. margir chiagrautar framundan, chia skyrgums, chia smoothies, chia chia.

Hafragrauts chia-móðursýkin er alveg að renna af mér hérna.

Hef hinsvegar komist að því að át-áhöld og matargeymslur skipta undirritaða töluverðu máli þegar troddað er í andlitið! Svo perralega skemmtilegt að breyta til og nota mismunandi skálar, bolla. Borða beint upp úr skyrdollunni, hnetusmjörskrukkunni... við skulum ekki einusinni hætta okkur út í umræður á teskeiðum!

Ahh... hafið það ljúft í dag fólkið mitt

Amk 11,5 tímar þangað til!

Laaaaaaaaaaawd allmighty!

Sjáið bara, elsku fólkið mitt, hvað ég fjárfesti í fínum dunk af hamingju!

Þessi fræ eru reyndar hvít. Veit ekki hvort það skipti einhverju máli áferðarlega séð, held nú varla, en við sjáum til... og já, ég gat ekki beðið og opnaði dúnkinn í bílnum í dag!

Þessi græna plastkrukka kostaði mig þó ekki nema hægra augað og frumburðinn! Já takk! Ekkert svo hræðilegt. Ég meina.. þeir hefðu getað beðið um bæði augun nú eða handlegg aukalega!

Hlakka samt svo mikið til grautaráts á morgun! Það er næstum því kjánalegt hvað ég hlakka mikið til.

Í kvöld blandaði ég sumsé eftirfarandi hráefnum saman:

• 1/4 bolli hafrar 
• 1/2 msk chia fræ (óóhhbeibeh)
• 1/2 bolla skyr
• 1/4 bolli vatn (eða mjólk... eða bæði)
• smá vanilludropar 
• ögn af salti

Hvað gerist á morgun í hafragrautsskraut-málum er eigi fyrirséð. Eftirfarandi kemur hinsvegar sterklega til grænna greina: Bláber, banani, múslí, hnetusmjör, sulta, hungang, rúslur, döðlur... guð má vita hvað!

Valkvíði? Rétt svo í stóru tánni já, en bara rétt svo.

Svo vil ég nýta tækifærið og vegsama hana Fanneyju Dóru sem mest ég má. Ég á barasta ekki orð hvað sumt fólk er einstaklega dásamlegt og vel af guði gert - þú ert perla mín kæra. Þakka þér kærlega fyrir mig

Kaffigrautur með heslihnetum og hunangi

Jú, já, einmitt, takkfyrirgóðandaginn!

Sameinum kaffið og grautinn í einni allsherjar byltu og sjáum hvað gerist.

Ekki að það hafi eitthvað stórkostlegt átt sér stað! Flugu amk ekki fiðrildi úpp úr grautarskálinni við sameininguna - einn jarðálfur jú en kötturinn náði honum. Skulum samt byrja á byrjuninni.

Hlöðver stendur sína plikt með prýði eins og alltaf.

Finnum okkur svo skál og setjum í hana hafra. Rauðir Solgryn. Er persónulega hrifnari af þeim grænu og grófu - er svoddan bredda sjálf sjáðu til! Þeir eru barasta svo miklu skemmtilegri til átu og áferðar, gaman að bíta í þá.

Herra Sólargretta, má ég kynna þig fyrir afkvæmi Hlöðvers!

Svolítið sætir svona saman ekki satt?

Fjarskyldu frændurnir Mister Vanilló og Herra Kanilló áttu þátt í samrunanum. Þeir eru báðir frá Spáni. Mjög hressir í dag eftir gærdaginn!

Smá kanill? Kanilfjall? Meira eins og Himmelbjerget frekar en Esjan, en Himmelbjerget engu að síður.

Eplaskálin! Uppáhalds skál hérnamegin Vestmannaeyja! Þær eru svo fínar.

Jæja. Lokins kemur að því. Samruninn!

*trommusláttur*

Virkilega Elín! Hélstu virkilega að þetta myndi ganga smurt? Segðu mér satt kona, í guðs lifandi bænum! Myndavél í hægri, ofurbolli í vinstri - verandi rétthentari en allt sem rétthent er.

Sullið fjarlægt og rest af kaffi komið, myndavélalaust, vandlega og varlega fyrir í skálinni með hægri. Ohhh... ekki einusinni sopi eftir!! Hjartað brast smávægilega við þessa sjón.

Vanillurnar skárust í leikinn á þessu stigi en grauturinn enn of blautur fyrir átvagslins smekk. Inn í örbyglju í 40 sek...

...og voila! Perfecto!

Á þessum tímapunkti var erfitt að hemja villikvikindið svo grauturinn var smakkaður!

Hmm... ekki alveg það sem ég bjóst við. Aðeins of rammt, bara aðeins. Þarf að fínstilla þennan gjörning betur svo mikið er víst. Nota mjólkurkaffi, minna af kaffi, chia fræ, banana... hmmm... spáum'í'essu. 

Bætti amk tsk af þessari snilld við. Gerði mjöööög mikið fyrir bragð og gæði og gleði. Ohhh my god!

Dýrið hafragrautsskreytt með heslihnetumulning! Hugsið ykkur bara ef hneturnar væru hunangsristaðar... óherraguð!

Heyyy... súkkulaðibita grautinn... ef það væri laugardagur... mm... sem það er ekki, augljóslega, svo við skulum ekkert ræða það neitt frekar.

Hunang... hnetur... hamingja! Get samt ekki sagt að ég hafi setið og sagt "Uhmmpfhh... hohhh.. mhnohhh... nohm... mmhmmm... choomhp" eftir hvern bita! Grauturinn var alls ekki vondur! En hann er svo sannarlega hægt að betrumbæta!

Saknaði þess nú svolítið að fá ekki að súpa kaffið mitt meðferðis, til hliðar og á ská með átinu í morgun. Sjáið bara hvað eplaskálin er einmana þessi elska.

Ég er vanafastari en beljan á básnum!

Þrátt fyrir kaffileysi í ókaffileysi, þá er bara gleði að byrja daginn á pallasetu, grautaráti og þessari sjón! Ekki amalegt mín kæru! Ahhhh.... gott, gott að vakna snemma og nýta sumarblíðuna og rólegheitin sem morgnarnir bjóða upp á!

Vinnan reddaði þó súpþörfinni enda var henni svalað um leið og ég mætti á svæðið! Get svo svarið það.

Næsta skref - kaffi í pela!

Kaffigrautinn þarf þó að fullkomna! Hann á framtíðina fyrir sér þessi, ójá!

Spögúlerum í þessu mín kæru. Áferð, bragð, gæði, froða... jebb, pottþétt froða!

Vakna snemma, nýta daginn...

...hnýta daginn?

Ætlaði að fara í ræktina í morgun og brenna pínkulítið en veðrið var of gott til að sleppa. Fattaði þó ekki fyrr en aðeins of seint að nóta niður fyrstu skrefin í myndum  - þið getið svosum gert ykkur í hugarlund hvernig morgunrútínan er.

Frammúr - vatnsglas - bíða eftir því að þreytan fari úr augunum - bursta tennur - íþróttaföt - ipoda - út!

Tók einn snöggan ör-rúnt í morgunblíðunni - þvílík flemmings forréttindi mín kæru. Sjáið bara dýrðina... og IKEA.

 

Másandi video-beljan er að sjálfsögðu ég og þó það mætti halda að ég sé búin að hlaupa í 45 mín. samfleytt þá eru rétt 10 mínútur liðnar af örhlaupi undirritaðrar. HAHH!! Mér til varnar þá byrjaði hlaupið þó í urð og grjóti, upp í móti, ekkert nema urð og grjót-i... svona næstum. Fyrir utan stórkostlega lélegt hlaupa- og þol-form þá þarf nú ekki nema smáhreyfingu á litlu tá til að ungfrúin svitni eins þaulvön gufubaðsrotta í áskrift!

Mætti halda að ég hafi verið að klára maraþon. Gvöð hvað það er samt stórkostlega æðislegt að vera með tónlist í gangi sem hentar þínum eyrum á meðan hlaupi stendur.

1. Tíminn líður hraðar og þú ert í meiri fílíng.
2. Ég heyri ekki hvæsið í sjálfri mér þegar lungun eru með mótþróa. (truflar mig geypilega)
3. Ég get einbeitt mér að því að taka "lítil skref Elín, lítil skref.... lítil skref" í takt við gleðibylgjurnar sem leika í kringum hamar, steðja og ístað.

Leynilög með meiru!

Eftirfarandi hrygðarkvein, í bland við harmastunur, glumdi svo í Garðabænum "ON THE COOVER OF THE ROOLING STOOOOOOOONES...." í morgun þegar átvaglið tók geysifína bíómyndabyltu niður eina brekkuna og hrökklaðist með andfælum síðustu metrana í átt að Gúmmulaðihöllinni.

Núh.. yfirleitt, á þessu stigi máls, þá fer ég í sturtu og tek 30 - 40 mínútna pallaslökun + morgunmatsát áður en ég fer í vinnuna. Sökum myndatöku á graut, og því sem fram fer í þessum ágæta pistli, frestaði ég sturtunni þar til eftir grautarát.

Byrja á því að umskera aumingjans eggin í einn einfaldan. Ohh... þvílík sóun. Þarf að koma mér í Garra sem fyrst.

Vatn og vítamín. Geislar svoleiðis af þessu hollustan!

Mangó á hliðarlínunni. Ég stóðst ekki mátið þegar ég sá það í ísskápnum. Þetta mango var fullkomið - algerlega fullkomið. Sjáið svo hvað hnífurinn í bakgrunn er lýsandi fyrir framtíð gulu gleðisprengjunnar. Yfirvofandi mangó-ógn.

Svo á ég svona vanilló. Var búin að gleyma þessari dýrð og vá, þetta er snilldin einar í grautinn mín kæru. Snilldin einar. Gefur virikilega gott og milt bragð. Get svo svarið það ég man ekki alveg hvar ég keypti þetta! Held það hafi verið í Trader Joes í Bandaraíkjalandi.

Mangó og frosin bláber í blíðunni, svo glæsilega fínir litir. Beint út á pall. Bláberin fersk, og þessi skál hefði farið á lista yfir topp 150 bestu grauta sem ég hef smakkað!  

Grauturinn heppnaðist líka súper - alveg eins og deig. Ohohoo...

Að graut meðtöldum ásamt afkvæmi Hlöðvers, í uppáhaldsbolla, gerist startið varla betra!

Hræra - óguð - ógeð!

Lúlli ljóti! Eggjahvítur og bláber er efnasamband sem gerir sér enga grein fyrir fagurfræðileika grautarskála!

Guð minn góður. Þetta verður bara verra. það er eins og eitthvað hafi dáið í skálinni!

Hresst... og blátt... og gott!

Vinnan handan við hornið.

Meira kaffi. Haldið þið að ég eigi við vandamál að stríða?

Gott start inn í helgina. Mmmmmyyyeeees!

Eigið góðan og blessaðan dag strömparnir mínir!

Verkir, vitleysa og helgin handan við hornið

Ging gang gully gully gully gully wash wash
Ging gang goo, ging gang goo
Ging gang gully gully gully gully wash wash
Ging gang goo, ging gang goo

Haila, oh haila shaila, oh haila shaila haila huhu
Haila, oh haila shaila, oh haila shaila haila huhu

Shalowah, shalowah, shalowah, shalowah
Umpah umpah umpah...

Hverjum dettur þessi vitleysa í hug? Og hvað í ósköpunum var viðkomandi að borða á meðan þessum skrifum stóð? Ég væri til í einn bita af því forboðna gumsi!

Morgunmatur extraordinaire! Ef ég spreða peningum í eitthvað (annað en Ástralíuferðir), þá spreða ég þeim með engri eftrsjá í ber!

Glæsiber! Sjáið'etta!

Fulkomin HSB blanda. Hafrar, skyr, ber!

Ég þarf að kaupa mér chia fræ. Chia fræ í þessa skál myndu rota allra hörðustu morgunmats beikon- og sýrópspönnsuætur vestanshafs!

HSBC, hljómar svolítið eins og sjónvarpsstöð sem sýnir einvörðungu amerískan fótbolta!

BHSB - Blanda höfrum, skyri og berjum. Ekki jafn fallegt, alveg jafn gott.

Annað í fréttum: Er með harðsperrur í öllum skrokknum. Allstaðar. Ekki einn vöðvi sem fær frí - meira að segja nasavængirnir eiga erfitt með að blakta í vindinum. Ég hef aldrei, ég endurtek, aldrei... fengið svona svapalegar harðsperrur.

Svapalegt verandi verra en svaðalegt!

Bootcampf á eftir... mig vantar aðstoð!

Umpah, umpah, umpah...

Gamli vin, nýi vin

Almáttugur gvöð og öll hans fylgidýr! Ef maginn hefur einhvertíman verið jafn kátur og við át á jólaönd og fyllingunni sem prýðir veisluborð Ásbúðinga 24.des....

...kynnin við einn einfaldan voru endurnýjuð í morgun við mikinn fögnuð nærstaddra. Nærstaddir verandi undirrituð og allir hennar persónuleikar. Smá salt, kanilla og vanilla - with a cherry on top!

Gamli vin, hvað ég saknaði þín geypilega!

Eitt kirsuberið ákvað þó að vera með yfirgang og frekju. Það lét svo illa, í baráttunni við tennurnar á mér, að það að það rifnaði í tvennt í hamagangnum. Held þetta hafi verið bersins leið til að hefna sín á kaldrifjuðu átinu - enda sprakk það með svodda offorsi og fítons krafti að konan í næsta húsi hefur líklegast fengið dropa af berjasafa á trýnið. Þetta þýðir samt ekki að ég borði ekki með lokaðan munninn! Ég borða hinsvegar aðeins of oft upp í rúmi - sem er óæskilegt, samanber...

...sundur-ber? Hohoho!

Ég er ekki frá því að eitt eða tvö tár hafi fallið við þennan gjörning...hvað þá átið! Enda var skálin sleikt. Einnig lofa ég og sver við grautinn almáttugan að ég borðaði ekki einn berjastilkinn. Berið var stilklaust við komu í skálina - þó það væri ekki ósennilegt að ég myndi, í epískri gratuarmóðu, éta allt sem í skálinni er á góðum græðgisdegi.

Ekki í þetta skiptið!

Svo megum við ekki gleyma hinum nýja vin! Nýjaðasta viðbótin í fíknarsafnið mitt!

Gamli vin, nýi vin - borðað í eyðimerkurvin... næstum því.

Gamli vin + nýi vin?

Ómægod!  Hugmynd.. hugdetta...

Kaffigrautur??!?!?!? Cappuccino grautur... með froðu!!! FROÐU!!!

I´ll keep you posted!