S.O.S

Neyðarástand í Gúmmulaðihellinum!!! Eggjahvíturnar eru búnar! Shit... afsakið orðbragðið! Ég tók mjög dramatíska dýfu á hnén og æpti reiðilega í átt að loftinu "Hvííí?? HVÍÍÍÍ?". Ekki ósvipað þessum:

En ég áttaði mig sem betur fer á því, áður en bölv og ragn tók yfir, að Scitec-ið mitt beið með eftirvæntingu upp í skáp. Krísunni aflýst, ofurpróteinið aðstoðaði mig í að útbúa súkkulaðihafragums með bláberjum í staðinn og ég umturnaðist ekki í She Hulk! Guði sé lof fyrir það...

Var gumsið gott? Reddaði það eggjahvítuleysinu og dramatíkinni sem því fylgdi?

Ójá... já, þetta var bara snilldin einar!

Svo er ég að ofnbaka kjúlla með grænmeti í þessum töluðu orðum. Rósmarín, salvía, hvítlaukur... nohm. Lyktin hérna inni er önaðsleg, ég segi það satt. Ofnbakað fiðurfé er eintóm gleði svo ég tali nú ekki um grænmetið sem fylgir fiestunni.

Farin að gefa krumma smá bita í gogginn - álfahóllinn minn, hérna fyrir utan, er stútfullur af krumma!

Loksins segir hungrið til sín

Haldið þið að kvendið hafi ekki gleymt að birta færsluna í morgun. Ég skrifaði þetta samviskusamlega eftir morgunmatinn og kem að blogginu tómu um kvöldið. Betra seint en aldrei býst ég við? 

Ég er orðin svöng aftur.... loksins. Eftir átið um jólin var ég hrædd um að verða aldrei aftur svöng en til allrar heilagrar hamingju og gleði tók maginn við sér í morgun. Þvílík óhemja í áti! Ojbara! Svo tekur annað eins við ekki á morgun heldur hinn! Ætli ég éti ekki á mig svarthol í þetta skiptið!

Þið megið geta einusinni hvað ég fékk mér í morgunmat.

Blámann!

Lord of the Rings maraþon er hér með hafið. Ein mynd á dag fram að áramótum, jafnvel tvær 31.des. Við sjá um til!

Annars, úr því þessi skrif mæta svona seint á svæðið og til að játa allar mínar "syndir" fyrir almenningi, þá hef ég gúmslað ofan í mig kjúlla, epli, kartöflum og nautakjöti í dag ásamt hnetusmjöri. Dásamlegt alveghreint. Sálin sátt, skrokkurinn kátur, brennsla yfirstaðin og lyftingum lokið. Fullkominn dagur að kveldi kominn. Ahh... ljúfa líf.

Þorlákur

*tilhlökkunarspenningur*

Á MORGUN!

*hopp*

JÓLIN ERU Á MORGUN!

Ótrúlegt.

Morgundagurinn í hnotskurn

Í tilefni skipulagsfíkilsins hið innra, og bloggsins sem ég setti inn í dag, þá verð ég í vinnu á morgun frá 08:00 til 20:00. Sem er í sjálfu sér ekkert stórmál hvað matinn varðar, eina sem bætist í raun við er kvöldmaturinn. En hér er mynd af fjallinu mínu.

Morgunmatur: Eggjahvítu- og hafrapönnsur. Notaði reyndar ekki lyftiduft í þessar. Önnur með hindberjum, sem þiðna yfir gúmmulaðið í ísskáp í nótt, á meðan hin verður skreytt með eggi sem ég steiki mér á morgun. Úhh... get ekki beðið eftir því að vakna Verður líka spennó að sjá hvernig þær koma út kaldar.

Morgndegismatur: Hnetusmjörs prótein búðingur.

Hádegismatur: Eggjahvítu og möndlugums. Mjög sterkt, hot sauce og allur pakkinn.

Síðdegisviðbit: Hreint skyr og ristaðar pecanhnetur.

Kvöldmatur: 4% nautahakk og karamelliserað steikt grænmeti. Vel kryddað og spæsað upp. Verður afskaplega notalegt að bíta loks í hakk eftir kjúllatörn síðustu vikna.

Annars vorum við Palli að afreka það að bera niður 4 hæðir, risastóra IKEA kommóðu sem vegur án efa 170 þús. kíló! Seljanda láðist sumsé að nefna það við okkur að kommóðan væri jafn þung og hvítur dvergur, að hún væri á 4. hæð og að þetta væri gömul bygging með litlum, mjóum... ó svo mjóum stigagangi. En þetta hafðist og var heljarinnar líkamsrækt. Ég fékk marblett á sköflunginn og þumalputtann af öllum stöðum. Beint á fingrafarið. Palli skrapaði á sér upphandlegginn og kramdist á milli kommóðu og veggjar. Þrátt fyrir mikið puð er kvikindið komið inn í þvottahús og passar svona líka assgoti flott! Vel marðra útlima virði!

Nattn skrattn mín kæru!

Kjúlli og blár vettlingur

Kjúllinn klikkar aldrei. Hann er næstum því alltaf gómsætur og gleðilegur fyrir bragðlaukana. Undantekningin er ofsoðið kjúklingkjöt sem er stíft og grátt og hræðilegt. Ughhh... EN.. það sem átti sér stað í kvöld var samruni salts, pipars, papriku og örlítils kanils að sjálfsögðu. Bringu velt uppúr krumsinu og grilluð í Foreman á meðan grænmetið var steikt á pönnu. Skreytt með möndlu dukkah og steinselju. Hryllilega gómsætt og kryddin áttu vel saman bæði með kjúlla og grænmeti. Laukur og gulrætur urðu "smjörkennd" og sæt við steikinguna, sem gladdi mig óstjórnlega.

Sjáið þið svo hvað kisinn minn kom með inn áðan. Ekkert nema krúttaralegheitin enda fengurinn mikill!

Rétt í tíma fyrir snjókomuna og kuldann! Hefði reyndar verið ágætt að fá tvo, heimtufrekja í undirritaðri - þarf að þjálfa hann upp í þessu! Nú er samt einhver sorgmæddur í snjónum með einn vettling.

Markmið fyrir næstu jól: Að kisarnir sæki fyrir mig nóa kropp og kanil í tonnatali!

Risaber... bláber!

Ég bara varð að setja inn mynd af þessu ofurberi.  

Það þurfti tvo bita til að klára... næstum því þrjá!

Hefði eiginlega átt að setja það í formalín og geyma um aldur og ævi. Átvaglið tímdi því ekki... átvaglið ræður.

Allt er vænt sem vel er...

...bleikt?

Bleikur ofurgrautur í morgun! Þið megið geta ykkur til um innihaldsefnin en eitt get ég þó sagt... jarðaber og kanill komu við sögu!

Ef ég væri 4 ára, á leiðinni í leikskólann, þá væri þetta án efa uppáhalds grauturinn minn! 'Stelpugrautur' með meiru!

Margskonar matarsmakk

Fann í Bónus drykk sem ég hef verið að góna á í svolítið langan tíma. Hef aldrei tímt að kaupa mér gripinn þar sem ein 250 ml flaska, þyngdar sinnar virði í gulli, kostar tæpar 400 krónur. Lét þó verða af því í gær að fjárfesta í einu stykki þar sem:

1. Að drekka eina svona flösku jafngildir ávaxtaáti upp á 2 ávexti.

2. Út af þessari ótrúlega lítillátu setningu utan á flöskunni.

Þessi drykkur er samt svakalega fínn og væri fullkominn í allskonar prótein/skyr hræringa og grautarmall. En... þrátt fyrir gleðilegheit, kem ég nú frekar til með að bíta bara í tvö epli, til að fullnægja ávaxtaþörfinni, og gera ekki út af við veskið mitt kært.

Að auki við Frooshið fékk ég mér eina skúbbu af GRS-5 próteininu mínu, graut og smá múslí. Ekki örvænta, Frooshið fékk að njóta sín eitt og sér. Þegar ég mætti svo upp á vinnuhæðina mína biðu nokkrar mismunandi útgáfur af mat. Allar úr sinni áttinni!

Nýtíndar gulrætur - mjööög góðar!

Svakaleg súkkulaðikaka - kemur úr allt annarri átt en gulræturnar! Ég er reyndar ekki alveg í morgunmats-súkkulaðikökugír, en ég veit að hún er mjööög góð!

Niðurskorin orkustöng frá mér! Þó ég segi sjálf frá - mjöööög góð! Með fíkjum, apríkósum, döðlum, heilhveiti, höfrum, hveitikími, sólblómafræjum, undanrennudufti... you name it! Bara gott!

Allskonar matur úr allskonar áttum og dagurinn rétt að byrja! Jííhaaa...

Laugardagur til lukku

Af því að Palli á afmæli á morgun taldi ég vænlegra til vinnings að afmæla hann í dag. Eftir sprikl í rætkinni var skundað heim og hádegismatnum skúbbað saman. Uppáhaldið þessa dagana - skyr, GRS-5, múslí, frosin jarðaber og hunangsdreitill. Setja jarðaberin frosin út í gumsið og leyfa þeim að þiðna örlítið áður en hafist er handa við hádegisát. Mmm...

Þar sem ég á óstjórnlega erfitt með að halda í mér þegar verið er að gefa gjafir eða skipuleggja eitthvað óvænt, þá gaf ég honum gjöfina sína strax í hádeginu, í staðinn fyrir eftir kvöldmt eins og ég hafði planað til að byrja með. LITTLE BIG PLANET! Jíhaaa... 

Rifinn úr klæðum og spilaður með hraði! Virkilega skemmtilegur leikur!

Kisi ekki jafn hrifinn - en frekar sáttur með gúmfey staðinn sem hann fann svo gott sem ofan á fjarstýringunni.

Það sem átti líka að koma á óvart er út að borðelsi á Orange Lab í kvöld, en ég gat að sjálfsögðu ekki haldið því leyndu líka. Okkur er búið að langa að prófa þennan stað í svo langan tíma. Planið var að fara út að borða, óvænt (einmitt), gefa leik og tölvuspila frameftir kveldi með nachos og ís. En þar sem ég er blaðurbelgur, og virðist ekki þola álagið að vita af gjöf og gefa hana ekki (sérstakelga þegar ég veit að afmælisbarnið á eftir að verða hrifið), þá er tölvuleikurinn í spilun núna, við góðar undirtektir. Út að borða gleði á eftir og jah, meiri tölvuleikjaspilun eftir það.

Við getum ekki beðið eftir kvöldmat. Miklar væntingar að byggjast upp hérna!

Borðað á ferð

Hádegismaturinn borðaður á ljóshraða, hádegið notað í snatt.

 

Margt og mikið skemmtilegt að fara að gerast á eftir. Hihh.. get ekki beðið!