Margskonar matarsmakk

Fann í Bónus drykk sem ég hef verið að góna á í svolítið langan tíma. Hef aldrei tímt að kaupa mér gripinn þar sem ein 250 ml flaska, þyngdar sinnar virði í gulli, kostar tæpar 400 krónur. Lét þó verða af því í gær að fjárfesta í einu stykki þar sem:

1. Að drekka eina svona flösku jafngildir ávaxtaáti upp á 2 ávexti.

2. Út af þessari ótrúlega lítillátu setningu utan á flöskunni.

Þessi drykkur er samt svakalega fínn og væri fullkominn í allskonar prótein/skyr hræringa og grautarmall. En... þrátt fyrir gleðilegheit, kem ég nú frekar til með að bíta bara í tvö epli, til að fullnægja ávaxtaþörfinni, og gera ekki út af við veskið mitt kært.

Að auki við Frooshið fékk ég mér eina skúbbu af GRS-5 próteininu mínu, graut og smá múslí. Ekki örvænta, Frooshið fékk að njóta sín eitt og sér. Þegar ég mætti svo upp á vinnuhæðina mína biðu nokkrar mismunandi útgáfur af mat. Allar úr sinni áttinni!

Nýtíndar gulrætur - mjööög góðar!

Svakaleg súkkulaðikaka - kemur úr allt annarri átt en gulræturnar! Ég er reyndar ekki alveg í morgunmats-súkkulaðikökugír, en ég veit að hún er mjööög góð!

Niðurskorin orkustöng frá mér! Þó ég segi sjálf frá - mjöööög góð! Með fíkjum, apríkósum, döðlum, heilhveiti, höfrum, hveitikími, sólblómafræjum, undanrennudufti... you name it! Bara gott!

Allskonar matur úr allskonar áttum og dagurinn rétt að byrja! Jííhaaa...

Athugasemdir

[Valkyrja, 8.9.2009 kl. 10:36]

Datt í bloggið þitt í gær. Og finnst þú frábær penni og glæsilegt að halda út mynda og uppskriftabloggi. Bætti þér við sem bloggvini þarsem að ég mun pottþétt fylgjast með þér  Eigðu frábæran dag

[Elín Helga Egilsdóttir, 8.9.2009 kl. 10:41]

Sæl Valkyrja og takk kærlega fyrir  Vona svo sannarlega að þú njótir vel og að sama skapi vona ég að dagurinn þinn verði frábærlega fínn!

[Erna (IP-tala skráð) 8.9.2009 kl. 12:52]

Ú ég gæti alveg hugsað mér svona drykk! Sérstaklega þar sem ég er að reyna að borða amk 5 ávexti á dag en enda yfirleitt með að borða þá alla í einu = ekki alveg nógu gott.

[Hungradur (IP-tala skráð) 8.9.2009 kl. 14:29]

Valkyrja...ég hef verid hooked frá fyrsta degi.  Thú verdur ekki fyrir vonbrigdum!