Berjasósa með chia fræjum, skyr og krums

Æji maður!

Gumsið var svo gott. Of gott.

Ég er hálf miður mín að þetta sé þátíðarát.

Er því verr og meður ekki með skref fyrir skref því þetta varð eiginlega "óvart" til í gær. Ætlaði að fá mér graut en snarsnerist og sveik lit.  Ég sveik grautarlit fyrir fjálubláan berjaskyrlit!

Óóóó skömmin! Maður á samt alltaf...

...hmmm! Alltaf?

Maður á samt yfirleitt að gera það sem átvaglið segir og skrokkurinn heimtar. Í gær gargaði mitt innra villikvikindi hástöfum á nákvæmlega þessa skál af berjum, hamingju og regnbogum. Enda var átgleðin epísk með tilheyrandi tárum, fnasi og stappi.

Blá- og hindberja balsamic sósa, blönduð með chia fræjum (þarf ekki) með skyri! Guð... berjaguð og ská frændi hans Skyrmill! Svo gott á bragðið - súrsætt með balsamic sparki í bland við torani mildað skyrið.

Ooommpfh gompfh!

Næst fara chia gleðibomburnar út í skyrið og sósan fær að dúlla sér á kanntinum. Held meira að segja að ég geymi sósuna í sér skál inní kæli og helli yfir rétt fyrir át.

Þetta var eitt... gott... ét! Það humlaði í mér á meðan ég reyndi eftir fremsta megni að borða hægt. Það reyndi meira á en stunuæfingin sem ég tók í morgun.

Ætli ég hafi ekki verið með 1/2 bolla af frosnum berjum, rúmlega. Setti út í það 2 tappa af balsamic ediki, 2 tappa af torani heslihnetu og 1 tappa af torani vanillu. Örbylgjaði svo í spað, bætti chia útí og leyfði að standa þangað til þykkt.

Þið getið líka gert sovsen ofaní potti, oná hellu, uppá stól. Jafnvel undir borði ef þið vijið og ef ykkur er illa við örbylgjurnar blessaðar.

En ég er letihrúga... kærið mig!

Blanda hamingjunni út í vantsblandað, og vanillu torani bætt, skyr ásam lúku af grófum höfrum. Rétt hræra, kanilla, ísskápa!

Verður þykkara yfir nóttina!

Toppa með muldum möndlum og smá múslí fyrir kram.

ÓMÆGOD?

Ekki satt?

Ef þið vissuð ekki að þið væruð með munnvatnskirtla, þá vitið þið það vonandi núna!

Berjasósur og skyr.

Já takk fyrir og amen eftir efninu.

Tilraunir

Tvær.

Tvennar.

Dos.

Duo.

Einn, tveir.

II

Bananabrauð! Enn eitt... bananabrauðið! NEMA... þetta er eins og að bíta í skonsu!!

Átti ekki brauðform svo ég dúndraði öllu í kökuform.

Hafra- og hindberjamuffins. Ójá! Ójá! 

Átti ekki muffinsform svo ég... dúndraði öllu... í.. jah.. kökuform.

EN... bragð og áferð breytist ekki þó svo gumsið sé ekki í laginu eins og gíraffi!

Hlakka til að koma með almennilegar uppskriftir.

Vel, vel heppnaðar tilraunir mín kæru! Enginn sykur, bara hunang og hamingja... og ávextir... og hafrar... og skonsufílíngur... og fluuuuundurmjúkar og djúsí þessar muffins!

Ætla að fá mér annan bita. Skonsubanani með ostsneið og muffinsbiti með kanil-chiasmurning.

Betri birta + almennileg módel + rétt bökunarform = uppskriftir væntanlegar!

Nótt í hausinn á ykkur!

Hohhh... svo er ég með Balsamic-chia-berjablandað skyr að gerjast inn í ísskáp í þessum skrifuðum. Morgunmatur morgundagsins toppað með örmúslí og möndlum. Hihiiiiii hvað ég hlakka til!

Ok... fjúhh!

Núna...

...nótt í hausinn á ykkur!

Cheerios prótein... muffins?

1. Það er ekki góð hugmynd að fara í kvartbuxum í ræktina þegar það er kalt úti.
2. Dr. Hook eru töffarar og enn eitt uppáhalds í uppáhaldssafnið.
3. Cherrios er snilldarinnar eftir æfingu fóður - í kolvetnum talið.

Yfirleitt nota ég próteinið eins og "mjólk" og borða út á Cheeriosið.

Jah... yfirleitt hræri ég próteinið þykkt og nota eins og "jógúrt" út á Cheeriosið.

Prófaði því í morgun, áður en í rækt var haldið, að gera eins og "yfirleitt" en skipta gumsinu í 4 kúlur og henda inn í ísskáp.

Cheerios prótein muffins! Klessu? Kúlur?

Átti því miður ekki muffinsform, það hefði verið fullkomið. Cheeriosið verður að sjálfsögðu mjúkt, því þetta er jú sykurlaust, óbakað og vatnsblandað, og allur bitinn er eins og hálfgerð karamella.

Hafið þið tekið eftir því hvað allt er eins og karamella í mínum heimi?

En þetta var ógeðslega skemmtilega gleðilegt að borða (þið vitið, á perralega áferðarháttinn) og ég er að spá í að útbúa mér nokkrar kúlur til að geyma í frysti/ísskáp.

Einfalt.

Eftir æfingu - 4 kúlur!

Rútínan

Ekki alltaf nákvæmlega eins, en í öllum tilfellum nákvæmlega svipuð!

Nákvæmlega svipuð í grófum dráttum:

1. Vakna
2. Klósettast (innifelur meðal annars andlitsvþott, sprænerí og einn trylltan Riverdans)
3. Útbúa te sem fær að standa á meðan ég:
4. Borða graut
5. Drekk kaffið mitt
6. Loksins sötra te
7. Rækt
8. Vinna
9. Kaffi
10. Te

Þetta eru mínir 10 rútínustöplar á morgnana.

Það eru þó nokkur atriði á þessum lista sem kalla stífar á átvaglið en önnur. Ef ég fæ ekki kaffið mitt eða te-ið eða... *anda rólega*... grautinn! Þá staulast ég um eins og hauslaus hæna. Tala í tungum, gátum og læt fremur illa.

• "Elín, veistu hvernig fór með Jón Sveinsson og risaeðlurnar?"
• "MMMNEIII...!!" Stappa niður hægri fæti, krosslegg hendur, fetti upp á trýnið og ulla.

Margir vilja þó meina að HH syndromið sé til staðar hvort sem maginn á mér sé fullur af graut eður ei, fyrir utan ullið þarna í endann.

Ég dýrka og dái morgnana mína. Þeir eru uppáhalds uppáhald.

Þeir eru notalegir og þægilegir og krúttaralegir og riverdans og afslappelsi er í hámarki.

Þegar ég loks mæti í vinnu þá er ég búin að vera vakandi, með ráði (stundum óráði), í 3 - 5 tíma. Það hefur ýmsa kosti í för með sér eins og:

• Koma sér fyrir í rólegheitunum
• Ekkert koddafar í andlitinu
• Ræða "dularfullan" síð-október skítakulda og hissa sig á því. "Mikið assgoti er kalt úti maður" - "Já, segðu..."! Því maður virðist aldrei muna eftr skítakulda síðasta árs!

Ahhhhh!

Forréttindi segi ég nú bara.

Jæja, er komin að stöpli numero siete! Komum okkur í ræktina gott fólk.

Einn, tveir og föstudagur

Viljið þið bara sjá hvað beið mín glæsilega fínt þegar ég mætti í vinnuna í morgun!

Það fyrsta sem ég gerði!

Ég þefaði reyndar af gumsinu áðu en ég smakkaði!

Antje mín kær útbjó graskers og gulrótarsultu í gær og gaf mér afleggjara!

Sultan er stútfull af engifer og kanil og kryddum og allskonar gleðilegu skemmtilegu. Sultan... er... æði! Ég sé allskonar grautar- og/eða skyrgleði fyrir mér á komandi dögum!

Takk fyrir eeeeeelsku besta að hugsa til mín

Er annars mikið að gúddera grænmetisátið í eftirmiðdaginn. Þykir það með eindæmum gott og gleðilegt. Fyllir svartholið, friðar átvaglið og þessa furðulegu þörf mína fyrir að... jah... tyggja?!?

Hljómar kjánalega en ég hef því miður ekki betri skýringar á þessu athæfi sem stendur.

Spáið svo í því elsku fólk. Nóvember! Nóvember eftir tvær vikur og þið vitið að maður telur aldrei líðandi mánuð svo það er eiginlega bara mánuður í jólin! Hversu ógeðslega æðislegt er það?

Rökfræði mín í niðurtalningum er óbrigðul!

Dagskrá næstu vikna er annars sem hér segir:

• Erna vinkona flytur eftir tæpa viku! Við erum búin að bíða í 7 mánuði eftir því. Já við.. ég er svo gott sem alveg jafn óviðráðanlega spennt!
• Ég flyt eftir 1,5 viku! Jebb... meira um það síðar :)
• Okkar árlega fjölskyldu Halogenpartý eftir tvær vikur.
• Uppáhaldshittingur eftir 2,5 vikur.
• Árshátíð eftir 3 vikur.
• Árleg Þakkargjörðarháðtíð okkar vinanna í lok nóvember og svo barasta... jólin! Ööööölska jólin!
• Jólaskraut, jólaljós, jólabíltúrar, bakstur, smákökur, jólaönd, jólafylling, graflax, risalamande, kertaljós... jólajóla!

Ok.. að öðru!

Ég hef ákveðið að kaupa mér kort í ræktarhúsi. Já, ætla að taka intervalæfingarnar og jú, ég kem kannski til með að hvíla lyftingar á meðan, en það er ágætt að hafa aðgang að stöð sé veðrið Ömmi eða eitthvað álíka.

Þar af leiðandi langar mig að bera eina spurningu undir ykkur.

Hvar mynduð þið kaupa ykkur kort? Meðmæli, mótmæli, afmæli?

Þar sem ég hef bara verið að sniglast í Sporthúsinu, síðastliðin 3 ár eða svo, þekki ég lítið annað. Hið fínasta ræktarhús. Bara spurning hvort ég prófi eitthvað nýtt?

Annars er aftur kominn föstudagur, fyrir ykkur sem ekki tókuð eftir því. Munið þið ekki? Yfirleitt kemur sunnudagur svo mánudagur. Hálfur þriðjudagur og svo... föstudagur! Ástæðurnar fyrir þessum hamagangi í tímanum eru óútskýranlegar og dularfullar mjög. Veit ekki hvert innvols vikunnar hverfur alltafhreint, en eitthvert fer það, svo mikið er víst.

Mitt takmark í lífinu verður því hérmeð að komast að því... ásamt því að finna uppskrift að hinni fullkomnu ostaköku.

Ábendingar/tillögur vel þegnar.

Og af því hún Dísa bað svo fallega, þá er þetta tannburstinn minn!

Hann heitir Jóhannes!

Brostu...

...ef þú vildir vera svo væn(n).

Ég er ekkert að skipa þér fyrir... þú þarft ekkert að brosa nema þú viljir það. 

Það er bara svo gott fyrir sálartetrið af og til...

...svo ertu að sjálfsögðu að þjálfa andlitsvöðvana! Jájá! Fá massaðar kinnar.

Fallegt!

Hádegismaturinn brosti til mín í dag!

Annars hefur þetta verið einn af þessum "ekkert brjálæðislega matarspennó hingað til" dögum!

Var að spá í að skella í muffins á morgun eða um helgina. Hafra- og heilhveiti berjamuffins! Ég, persónulega og prívat, er ekki mikil muffinskerling. Af hverju, veit ég ekki alveg því muffins eru jú bara minikökur! En það er eitthvað sem heillar mig ekki upp úr skónum. Hef útbúið tvennskonar muffins síðan ég byrjaði að djöflast þetta og þær voru æði! Pistasíu og glúteinlausar-súkkulaði. Sjáum hvað hafra- og heilhveitimuffins gera fyrir sálartetrið. Kannski þær breytist í steypuklumpa sökum hráefna?

Eruð þið ekki fegin að vita þetta? Um mínar sérlegu baksturs fyrirætlanir?

Tók tvennar Stunuæfingar í beit í morgun, 15 mín létt skokk í upphitun, dýnamískar teygjur og svo byrjaði ballið!

Þær voru sveittar og erfiðar og ... meira... erfiðar.

Þeir sem sendu mér póst og höfðu áhyggjur af frostbitna fingrinum, þá hefur hann það fínt greyið. Þið þurfið ekki að hafa áhyggjur lengur.

Eruð þið ekki fegin að vita þetta líka? Er ég ekki góð og nytsamleg upplýsingaveita?

Viljið þið fá að vita hvernig tannburstinn minn er á litinn?

Er þetta ekki stórkostlega mikilvægt umræðuefni?

Takk samt fyrir að hugsa til puttans!

Í þessum skrifuðum orðum er gumsið, á myndinni hér að neðan, að hverfa hægt og rólega upp í ginið á undirritaðri.

Hægt og rólega?

BWAAAAHAHHAAAAAAA.... ahhh... hmmmh... einmitt!

Já... ananasinn er djööðbilaðslega góður!

Sjáið nú hvað þessar elskur eru glæsilega fínar þrátt fyrir vonda birtu og vonda vél!

Og hahh... reif hnetur úr pokanum, í eftirrétt, og flundraði þeim á borðið í eintómri hnetubræði. Lét þær hangsa þar á meðan ég át nokkrar velvaldar beint úr uppsprettunni.

Ég lofa, lofa svo langt sem augað eygir að ég raðaði þeim ekki upp!

Maturinn minn er mjög hamingjusamur í dag!

OSSOBUKKO í kvöldmatinn. OSSOBUKKO OSSOBUKKO!! Jafn mikil er Ossobukko hamingjan og þegar BOLOGNESE lítur dagsins ljós.

Mikið elska ég nautakjöt.

Guð blessi beljur.

Amen

Krydduð kanil-karamelluepli með hindberjum

3K með hindberjum! KKK með hindberjum? Hmm... gleymið þessu og vinsamlegast haldið áfram lestri!

Næstum því eplakaka, næstum því piparkaka.

Karamellubragð í bland við kanilepli og piparkökufíling. Negull, engifer, súr ber, chia.

Ómægod 3!

Ómægod 303 * marzipan!

Krydduð kanil-karamelluepli með hindberjum

• 20 gr. hafrar
• salt eftir smekk
• 1 tappi vanilludropar
• 2 tappar vanillu torani
• 2 tappar heslihnetu torani
• kanill, negull, engifer
• 50 gr. ósætað eplamauk
• 1/2 msk chia
• Lítil dolla hreint skyr
• Gomma af frosnum hindberjum
• Ómægod3 lýsi

1. Hafrar í skál ásamt vatni -> örra. Þykkt eftir smekk.
2. Eftir örbylgjun bæta þá við salti, dropum og kryddum.
3. Röra.
4. Bæta eplamús og chia við og...
5. ... röra að sjálfsögðu!
6. Glomma skyri í skálina ásamt frosnum berjum og ómægod, rétt hræra til að blanda, toppa með muldum möndlum! Ekki hræra of mikið, hafið grautarklessur á víð og dreif! Það er gvöðdómlega karamellukennt og yndislegt fyrir áferðaperra og bragðlaukagúbba!
7. Ísskápa 
8. EKKI.. BORÐA... STRAX!

Ég fékk mér samt bita í gær. Kannski tvo... mjög líklega þrjá. En þeir voru 7 talsins.

BARA LITLIR... en sjö engu að síður

Getið þið álasað mér! Hmmm... haaa? Í alvöru?

Skyrið eins og grísk jógúrt og mildar allt krydd en heldur í karamelluna, súr ber, eplakeimur, kanill og kryddspark! Verð nú samt að viðurkenna að eplamaukið + ómægod nutu sín ekki til fullnustu. Næst kem ég til með að sleppa neguldýrðinni, þó svo hún sé góð, og jafnvel bæta við kanilristuðum eplabitum í staðinn fyrir berin! Minnka skyrmagn örlítið!

En þetta var gott. Ójá. Svo gott að ég er enn að hugsa um átið! Það er alltaf jákvætt í minni bók!

Ég lýt höfði fyrir þér, ó þú almáttugi Grautarguð, og segi ekki orð meira!

Þennan iEG mun ég búa til aftur!

Nú getum við öll andað léttar! Grautardrama dagsins er hérmeð lokið!

*anda inn* *anda út*

Þó svo það sjáist kannski ekki á sönnunargögnunum hér að neðan, þá frusu fingurnir á mér næstum af við módelmyndun í morgun! Næstum... mjög nálægt því. Ég rétt náði inn, í slow motion, áður en frostbitið smokraði sér inn að beini og fingurnir héngu á bláþræði.

Sem hefði verið mjög svo truflandi fyrir sálartetrið að upplifa og sjá!

Jú... svona nú. Þið hljótið að sjá það?!?!?

Alveg... að detta af!

Það sem maður leggur ekki á sig fyrir fínar grautarmyndir! *hendi á enni*  

Ég held að vettlingar komi við sögu á næstu dögum. Að minnsta kosti þangað til myrkrið frekjast til að hanga á okkur til hádegis!

Svo bjó ég þennan til fyrir systur mína kæra. Banana og karamellusprengja með skyri og sólblómafræjum!

Margt er líkt með systrum. Áður en þið lesið lengra, getið þið séð hvað það er?

...

Ég varð vör við verksummerki í hennar skál þegar ég sótti gumsið mitt í morgun!

Verks-át-merki!!

Sumir hafa tekið eldra eintakið sér til fyrirmyndar og bitið í grautinn í nótt sökum át-spennings!

Gott er að borða grauta... ójá!

Fisk, meiri fisk

Allskonar fisk.

Fiskur í teppi, fiskur og grænt! Vitið svo til, það er fiskur í kvöldmatinn!

Get ekki beðið.

Þetta var annars með eindæmum ógeðslega gott hádegisát! Fiski fajita frá Hafinu! Þessir menn eru æði og snillingar miklir! Jebb, ég er samt plebbi og át innanúr rúllunni, og grjónin, í staðinn fyrir teppið. Þykir ekki nógu skemmtilegt að éta mig sadda af brauðmeti, graðga frekar meira af grænmeti eða grjónum... nú eða fisk!

Ég og fiskur erum annars miklir vinir og ég er farin að meta þennan ávöxt sjávarins meira og meira með árunum! Aldrinum?

Óóó mig auma....óóó grimma tilvera... ellin... og fiskurinn!

Fékk sjúklegri kjötþörf minni fullnægt um helgina. Ég át svo mikið kjöt að járnbirgðir líkamans endurnýjuðust í þrígang. En gott var það. Úhh! Ekkert nema gott.

Munið þið? Ohooooo beiiiibí!

EN! Blóðbaðið er yfirstaðið og ég get ekki ímyndað mér að spisa rautt í bráð...

...bráð verandi amk vika! Hmm hmm! Mmmmm, villibráð!

*kinnhestur* snap out of it kvenmannsbelgur!

Var annars hræðilega ræktarspræk í gær, tók þyngdir sem fengi Hulk til að roðna. Næstum því - ef aumingja Hulkinn gæti roðnað. Yrði nú svolítið jólalegur snúðurinn, grænn og rauður! Allavega... Smá allsherjar skrokkmyrðing og epískar þyngdir, amk á minn skala. Loksins, síðan fyrir Ástralíu, náði ég 62,5 kg. í hnébeygju. Tók 1,5 mánuð að komast úr 40 í 62,5. Tók 40+ kg. í bekkpressunni blessaðri, 60+ í stiff, 35 í push press og náði að hífa mig upp einusinni. Gleði.

Tekur alltaf smá tíma að koma sér í gírinn aftur eftir pásu, en gaman er það þegar ákveðnum áfanga er náð. Dagsformið er síbreytilegt. Nema kjötátið hafi gefið átvaglinu aukinn styrk - það er ekki allskostar ólíklegt.

Tók svo þennan hring í morgun. Hann var merkilega erfiður og tók lengri tíma en ég bjóst við!

1. Endurtaka þennan hring 3x. Engin pása fyrr en í endan og þá eins lítil og þú mögulega getur. (13,21 mínúta, stopp ekki tekin með, munið formið)

• Hindú hnébeygjur - 15
• Jafnfætishopp upp á kassa - 15
• Splitt hnébeygja með hoppi - 15
• Hindú hnébeygjur - 15
• Afturstig - 15 á hvorn fót
• Framstig - 15 á hvorn fót
• Froskur, engin armbeygja, ekkert hopp, þrýsta upp úr armbeygjustöðu og standa upp - 15

Smá hvíld þegar 1. hefur verið þristaður, vatnssopi og almennt fnas. Ekki meira en 2 min.

2. Endurtaka þessar snúllur 3x, engin hvíld á milli - SVITI, TÁR, BRUNI

• (Armbeygjustaða -> lyfta hægri handlegg beint fram og vinstri fæti upp, miðjan spennt, bein lína, halda -> armbeygja. Endurtaka með vinstri handlegg/hægri fæti) * 5
• Beint í:
• 30 - 60 sek planki

Og ef þið viljið fá að vita það, á er ég að snæða þetta núna!

Grænmeti á grænmeti ofan með smá kotasælu. Svo, af því nammipúkinn sækir grimmt á undirritaða eins og er, þá hrærði ég saman smá hreinu próteini og hnetum. Getið bætt við auka skammti af ómynduðum hnetum og kanil! Mmmmm....

Grænt te í jólasveinabolla!

Jól jól skín á mig...

Fiskur fiskur fiskur fiskur... bara 3 tímar enn!!!

Bleikmundur

Ég planaði þetta át í síðustu viku. Bað sérstaklega um þennan himinn 14. október.

Svo nýmóðins, hipp og kúl að borða morgunmat í stíl við veðrið... nú eða fötin þín!

Enn eitt skyr-hafragumsið. Ekki skyrgums, ekki hafragrautur.

Kannski það sé málið?

Kalla þetta "Ekki-grautur"! Ég held það barasta! Því gumsið inniheldur jú hafra og þeir vinna alltaf!!

Ekkigrauturinn samanstóð af 1/4 bolla höfrum, kannski 100 gr. skyri, vanillu/heslihnetu torani, kanil, tvemur lúkum af frosnum hindberjum og muldum möndlum sem fela sig í dýrðinni. Hræra graut fyrst með vatni og örra. Blanda þá út í hann bragðefnum ásamt smá salti, þá skyri og frosnum hindberjum - rétt hræra - inn í ísskáp - reyna að sofna, en það er einstaklega strembið sökum tilhlökkunarmorgunátvaglsspennings!

Ég gat sofnað já og jú, ég komst í ræktina í morgun.

En vá hvað þessi skál var mikill guðdómur í dós... eða.. þú veist... skál! Bragð og áferðarlega séð. MMMhmmm! Ég dýrka og dái i-Ekki-Grauta og alla þeirra pervertísku áferðarhamingju!

Það er líka komið frost gott fólk. Fyrir þá sem ekki tóku eftir því. Ís-landinu tókst þetta loksins og október er hinn 19.!

Eitt klapp og hálft húrra fyrri því!

*KLAPP* +  *HÚR*

Eftir 12 ár ættum við að ná því að liggja í sólbaði fram í nóvember. Get svo svarið það.

Er annars farin í morgunkaffið - mikilvægt rútínuatriði!

Ég hef farið á mis við æði margt mín kæru með þessu kaffileysi. Heitt kaffi, heitur grautur, ískaldir morgnar, kúra undir teppi og njóta.

Ahhhhh... komandi frostmánuðir... vonandi!

Kveð að sinni með fuglasöng. Við þetta vaknar átvaglið á morgnana. Fuglarnir með eindæmum kátir, eða... "Fuglarnir alveg að verða brjálaðir....". Vantar bara eitt lítið "díses" og *augnrúll* þarna í endann!

Þetta er alltsaman "löglegt"

Hvað? HVAÐ?!!? Hélstu að ég væri að tala um eitthvað krepputengt ofurpólitískt peningaþvættis partýmál?

Nei.. já nei takk!! Smákökur elsku manneskja!

Eitthvað gott, fyllandi, blindfyllandi, heilsusamlegt, gaman að bíta í.

Eitthvað sem áferðarperrinn og bragðlaukagúbbinn geta báðir sammælst um að sé hamingja í þeirra heimi.

Eitthvað sem svalar frænda sykursnúðsins en heldur predikunum íþróttaálfsins í skefjum.

Einfaldar, 5 hráefni. 7 ef þið teljið chia og krydd með.

G'daginn bitar: 15 - 20 stykki

• 3 mjög hræðilega vel þroskaðir bananar
• 1 tsk vanilludropar
• 2 msk olía (ég notaði 1 msk möndlu og 1 msk valhnetu)
• 2 bollar hafrar. Ég notaði græna, gófa, solgryn.
• 1 bolli saxaðar döðlur (eða aðrir þurrkaðir ávextir)

Valkvæmt

• 1 msk chiafræ (mulin hörfræ...)
• Dass af kanil og salt eftir smekk

Hita ofn í gráður 175 norðvestur.

Saxa döðlur með handafli... þarf nú varla mikið af því svosum. Þessir hnífar myndu sneiða demanta án þess að blása úr nös!

Ef hnífar væru með nasir að sjálfsögðu.

Gæti líka verið gott að leggja döðlurnar aðeins í bleyti, heitan pott. Mýkja þær eilítið og gera karamelló.

Skræla banana, einn af öðrum. Ég raðaði þeim í aldursröð.

Krumpaður, krumpaðri og herra múmía!

Stappa, með handafli, hræra döðlum smanvið ásmt vanilludropum og olíu.

Þarna smakkaði ég að sjálfsögðu og bætti saltinu út í.

Hella svo höfrum, kanil og chia í blauta gumsið.

RÖRA

Hér bætti ég smá meira salti við. 

Setja til hliðar og geyma í 10 - 15 mínútur. Rétt til að leyfa höfrunum að bindast sáttarböndum!

Á meðan er sérlega sniðugt að útbúa sér smávegis roastbeef - spínatsalat. Bara svo þú drepist ekki úr hungri skilurðu.

Skera spínat, henda í skál. Rífa niður roastbeef, henda í skál.

Helst sömu skál en sitt sýnist hverjum.

Hræra.

Útbúa dressingu úr t.d. balsamic ediki, dijon, smá hunangi + sítrónusafa, 1/4 úr teskeið af valhnetuolíu (gefur mikið bragð, þarft ekki meira), dropi worcestershire og hella yfir gumsið.

Grípa hnetur, því þú átt ekki furuhnetur eða sólblómafræ - sem hefði verið geggjað að salta/rista og strá yfir...

...EN...

...saxa hnetur í smátt og stráir yfir salatið.

Kíkja á deigið.

Svo á salatið.

Aftur á deigið. Jebb, enn á sínum stað!

Borða svo salatið!

Eftir að hafa graðgað í þig roastbeefgleðinni, þvegið þér um hendur og gengið frá öllu óþarfa dralli, skúbbar þú í nokkrar vænar hafrakúlur úr biðstofudeiginu!

Já... það er hægt að borða deigið allsbert og óbakað. Þið getið líka alveg gert ráð fyrir því að nokkrar kúlur hafi horfið upp í ginið á mér á meðan upprúllun stóð! Væri geggjað að hræra þetta svona óbakað út í skyr!

Mmmhhhh!

KUGLER - raða á spamaðan bökunarpappír sem lagður hefur verið yfir sérlega ofnskúffu og inn í ofn í 15 - 20 mínútur.

Og svo, til að halda höndunum uppteknum, því þú vilt ekki éta restina af deiginu, þá útbýrðu próteinstangir úr því hráefni sem eftir er á meðan gleðisprengjurnar bakast.

Amk fyrra hollið.

Bara tvær döðlur því ég át eina! Óvart.

Hendurnar ekki byrjaðar að vinna og stundum þá vinna þær algerlega sjálfstætt.

Note to self: Þegar þú ert að matarblogga, mundu að þrífa alltaf vel undan nöglunum á þér! Og ég lofa, þetta eru deigleifar - ekki mold eða kusk eða eitthvað hræðilegt eins og hor!

Stappa banana og setja í skál ásamt söxuðum döðlum og vanilludropum. Hræra saman og setja til hliðar.

Setja 3 skúbbur prótein í skál (skiptir litlu hvurslags prótein, hreint er best) ásamt kakó, kanil, höfrum og chia.

Þið ráðið hvernig þið bragðbætið, ég treyst'ykkur!

Bæta svo bananagumsi útí, hræra og fylla upp í með vatni þangað til úr verður klístrug, meðfærileg, karamellukúla. Held ég hafi sett 2 msk vatn.

Verður mjög erfitt að hræra deigið á ákveðnum tímapunkti, þannig á það að vera.

Móta og kókosa! Betra að kókosa eða hneta eða umlykja einhverju því gumsið er jú mjög klístrað!

Henda svo í box og beint inn í frysti til átu seinnameir!

Hambó, konfektkúlur og próteinstykki! Svona um það bil!

Snúdda sér svo aftur að G'daginn bitunum, eftir bakstur, og módelast svolítið með þá!

Þú ert köttur.... api... sólstóll!

Nota bene mín kæru. Bananahafrakökugums sem þetta verða aldrei nokkurntíman eins og knúsaðar kramkökur. Þær eru mjúkar að utan sem innan. Þessar eru reyndar "djúsí" að innan sem er geggjað og bragðið er æði! Chia eru gleðibombur!

Þið getið svo að sjálfsögðu bætt út í deigið hnetum, öðru kryddi, Néscafi.... ég treyst'ykkur... aftur!

Allt er þegar þrennt er og þetta tók mig 40 mínútur frá byrjun til enda.

Ég var hinsvegar 1,5 klukkustund að henda þessum pistli inn! Magnað.

Þið megið svo geta einusinni hvað ég er að fá mér í morgunmat núna!

Ég lýg ekki - þetta er eins og að borða karamellu!

Yfir og út!