Pönnsur á diskinn minn

Næstum því - ekki alveg - veðrur spennó!

iGrautur í morgun - af hverju ekki bæta út í hann eggi og sjá hvað gerist ef ég skelli á pönnu?

Ach so. Gleymdi lyftidufti! Ohjæja! Líta út eins og hambó! Ljóta birtan.

Hmmm.... ein slitnaði í tvennt og úr urðu fjórar.

Skyr, múslí, hnetur og smá sykurlaust marmelaði. Ekki vont...

...en þarf fínpússun!

Svo er fíni morgunmatsútsýnisátstaðurinn minn útataður í rigningu!

Ég græt!

Ekki það að ég geti ekki dressað mig upp í regnpúss og dúsað þarna með þykjustunni pönnsurnar. Það er bara ekki alveg jafn kósý! Held þið getið verið sammála mér þar.

Gæran er laus og fífan yfirtekur alheiminn

Við ljúgum ekki, við lofum... hún slapp út á pall!

Að öllu dreplélegu djóki slepptu var morguninn góður að vanda. Langþráð skyr með bláberjum og banana fékk að líta dagsins ljós í bland við möndlur og múslí.... og kaffið mitt!

Góðan daginn já takk! Gott og gleðilegt morgunét!

Svo gramsaði ég svolítið í dýrðinni og fann bláberin mín og bananann! Hrærði þetta sumsé saman í gærkveldi og bláberin þiðin, sprungin, hamingjusöm!

Átti samt í mesta basli með að gúmsla þessu græðgislega í andlitið á mér sökum fífu. Fífan yfirtekur Garðabæinn og maður þarf að berjast blóðugum bardaga til að halda henni frá andliti og þeim vitum sem þar er að finna! Fífa í augun, fífa upp í nefið, fífa í koki... inn í eyru! Maður þarf nánast að halda niðri í sér andanum!

Fjúkandi fífa... og bara brotabrot. Himininn var hvítur í morgun!

Pallafífa!

Gestafífa!

Nágrannafífa!

Götufífa!

Þetta er stórhættulegt! Götufífan sérstaklega. Ghetto fífa! Mjög lúmsk.

Kaffigrautur með heslihnetum og hunangi

Jú, já, einmitt, takkfyrirgóðandaginn!

Sameinum kaffið og grautinn í einni allsherjar byltu og sjáum hvað gerist.

Ekki að það hafi eitthvað stórkostlegt átt sér stað! Flugu amk ekki fiðrildi úpp úr grautarskálinni við sameininguna - einn jarðálfur jú en kötturinn náði honum. Skulum samt byrja á byrjuninni.

Hlöðver stendur sína plikt með prýði eins og alltaf.

Finnum okkur svo skál og setjum í hana hafra. Rauðir Solgryn. Er persónulega hrifnari af þeim grænu og grófu - er svoddan bredda sjálf sjáðu til! Þeir eru barasta svo miklu skemmtilegri til átu og áferðar, gaman að bíta í þá.

Herra Sólargretta, má ég kynna þig fyrir afkvæmi Hlöðvers!

Svolítið sætir svona saman ekki satt?

Fjarskyldu frændurnir Mister Vanilló og Herra Kanilló áttu þátt í samrunanum. Þeir eru báðir frá Spáni. Mjög hressir í dag eftir gærdaginn!

Smá kanill? Kanilfjall? Meira eins og Himmelbjerget frekar en Esjan, en Himmelbjerget engu að síður.

Eplaskálin! Uppáhalds skál hérnamegin Vestmannaeyja! Þær eru svo fínar.

Jæja. Lokins kemur að því. Samruninn!

*trommusláttur*

Virkilega Elín! Hélstu virkilega að þetta myndi ganga smurt? Segðu mér satt kona, í guðs lifandi bænum! Myndavél í hægri, ofurbolli í vinstri - verandi rétthentari en allt sem rétthent er.

Sullið fjarlægt og rest af kaffi komið, myndavélalaust, vandlega og varlega fyrir í skálinni með hægri. Ohhh... ekki einusinni sopi eftir!! Hjartað brast smávægilega við þessa sjón.

Vanillurnar skárust í leikinn á þessu stigi en grauturinn enn of blautur fyrir átvagslins smekk. Inn í örbyglju í 40 sek...

...og voila! Perfecto!

Á þessum tímapunkti var erfitt að hemja villikvikindið svo grauturinn var smakkaður!

Hmm... ekki alveg það sem ég bjóst við. Aðeins of rammt, bara aðeins. Þarf að fínstilla þennan gjörning betur svo mikið er víst. Nota mjólkurkaffi, minna af kaffi, chia fræ, banana... hmmm... spáum'í'essu. 

Bætti amk tsk af þessari snilld við. Gerði mjöööög mikið fyrir bragð og gæði og gleði. Ohhh my god!

Dýrið hafragrautsskreytt með heslihnetumulning! Hugsið ykkur bara ef hneturnar væru hunangsristaðar... óherraguð!

Heyyy... súkkulaðibita grautinn... ef það væri laugardagur... mm... sem það er ekki, augljóslega, svo við skulum ekkert ræða það neitt frekar.

Hunang... hnetur... hamingja! Get samt ekki sagt að ég hafi setið og sagt "Uhmmpfhh... hohhh.. mhnohhh... nohm... mmhmmm... choomhp" eftir hvern bita! Grauturinn var alls ekki vondur! En hann er svo sannarlega hægt að betrumbæta!

Saknaði þess nú svolítið að fá ekki að súpa kaffið mitt meðferðis, til hliðar og á ská með átinu í morgun. Sjáið bara hvað eplaskálin er einmana þessi elska.

Ég er vanafastari en beljan á básnum!

Þrátt fyrir kaffileysi í ókaffileysi, þá er bara gleði að byrja daginn á pallasetu, grautaráti og þessari sjón! Ekki amalegt mín kæru! Ahhhh.... gott, gott að vakna snemma og nýta sumarblíðuna og rólegheitin sem morgnarnir bjóða upp á!

Vinnan reddaði þó súpþörfinni enda var henni svalað um leið og ég mætti á svæðið! Get svo svarið það.

Næsta skref - kaffi í pela!

Kaffigrautinn þarf þó að fullkomna! Hann á framtíðina fyrir sér þessi, ójá!

Spögúlerum í þessu mín kæru. Áferð, bragð, gæði, froða... jebb, pottþétt froða!

Verkir, vitleysa og helgin handan við hornið

Ging gang gully gully gully gully wash wash
Ging gang goo, ging gang goo
Ging gang gully gully gully gully wash wash
Ging gang goo, ging gang goo

Haila, oh haila shaila, oh haila shaila haila huhu
Haila, oh haila shaila, oh haila shaila haila huhu

Shalowah, shalowah, shalowah, shalowah
Umpah umpah umpah...

Hverjum dettur þessi vitleysa í hug? Og hvað í ósköpunum var viðkomandi að borða á meðan þessum skrifum stóð? Ég væri til í einn bita af því forboðna gumsi!

Morgunmatur extraordinaire! Ef ég spreða peningum í eitthvað (annað en Ástralíuferðir), þá spreða ég þeim með engri eftrsjá í ber!

Glæsiber! Sjáið'etta!

Fulkomin HSB blanda. Hafrar, skyr, ber!

Ég þarf að kaupa mér chia fræ. Chia fræ í þessa skál myndu rota allra hörðustu morgunmats beikon- og sýrópspönnsuætur vestanshafs!

HSBC, hljómar svolítið eins og sjónvarpsstöð sem sýnir einvörðungu amerískan fótbolta!

BHSB - Blanda höfrum, skyri og berjum. Ekki jafn fallegt, alveg jafn gott.

Annað í fréttum: Er með harðsperrur í öllum skrokknum. Allstaðar. Ekki einn vöðvi sem fær frí - meira að segja nasavængirnir eiga erfitt með að blakta í vindinum. Ég hef aldrei, ég endurtek, aldrei... fengið svona svapalegar harðsperrur.

Svapalegt verandi verra en svaðalegt!

Bootcampf á eftir... mig vantar aðstoð!

Umpah, umpah, umpah...

Gamli vin, nýi vin

Almáttugur gvöð og öll hans fylgidýr! Ef maginn hefur einhvertíman verið jafn kátur og við át á jólaönd og fyllingunni sem prýðir veisluborð Ásbúðinga 24.des....

...kynnin við einn einfaldan voru endurnýjuð í morgun við mikinn fögnuð nærstaddra. Nærstaddir verandi undirrituð og allir hennar persónuleikar. Smá salt, kanilla og vanilla - with a cherry on top!

Gamli vin, hvað ég saknaði þín geypilega!

Eitt kirsuberið ákvað þó að vera með yfirgang og frekju. Það lét svo illa, í baráttunni við tennurnar á mér, að það að það rifnaði í tvennt í hamagangnum. Held þetta hafi verið bersins leið til að hefna sín á kaldrifjuðu átinu - enda sprakk það með svodda offorsi og fítons krafti að konan í næsta húsi hefur líklegast fengið dropa af berjasafa á trýnið. Þetta þýðir samt ekki að ég borði ekki með lokaðan munninn! Ég borða hinsvegar aðeins of oft upp í rúmi - sem er óæskilegt, samanber...

...sundur-ber? Hohoho!

Ég er ekki frá því að eitt eða tvö tár hafi fallið við þennan gjörning...hvað þá átið! Enda var skálin sleikt. Einnig lofa ég og sver við grautinn almáttugan að ég borðaði ekki einn berjastilkinn. Berið var stilklaust við komu í skálina - þó það væri ekki ósennilegt að ég myndi, í epískri gratuarmóðu, éta allt sem í skálinni er á góðum græðgisdegi.

Ekki í þetta skiptið!

Svo megum við ekki gleyma hinum nýja vin! Nýjaðasta viðbótin í fíknarsafnið mitt!

Gamli vin, nýi vin - borðað í eyðimerkurvin... næstum því.

Gamli vin + nýi vin?

Ómægod!  Hugmynd.. hugdetta...

Kaffigrautur??!?!?!? Cappuccino grautur... með froðu!!! FROÐU!!!

I´ll keep you posted!

Blátt, hvítt, gult, grænt

Vandlega geymd rest af rándýrum ofurbláberjum bætt út í hreint, hrært KEA með kanil... blátt og hvítt! Samt eiginlega brúnt sökum kanils en hverjum er ekki sama um það!

Þessar gulu gersemar tóku líka á móti mér í vinnunni í morgun. B-ANANA-S!  

Stóðst ekki mátið og átið ananas! Hann var svakalega góður - fullkomlega fínn. Ákkúrat nógu súr, ákkúrat nógu sætur, ákkúrat rétt áferð - ákkúrat ananas!

Fékk mér svo aðkeyptan óvinnumat í hádeginu! Smalabaka kallaði ekki nógu stíft á átvaglið til að yfirtaka matmálstímann. Kjúklingasalat með mikið af jalapeno, ójá, káli og stjörnu dagsins, avocado! Kjúllinn fékk feimniskast og faldi sig... hvað eru mörg f í því?

Hlakka mikið til að komast heim á eftir - þar hinkrar eftir mér sojalax sem getur ekki beðið eftir því að hitta ofninn! Færslan hennar Röggu kveikti á óendanlegri laxalöngun. Óguð - ég elska lax.

Þriðjudagar eru Hot yoga-dagar. Löxum okkur upp og yogum okkur... niður?

Hafið það ljúft 

Hjálpi mér allir heilagir - komdu með skyrið

Get svo svarið það. Dreymdi skyr og ber í nótt! Þegar ég vaknaði í morgun voru öll skilningarvit æpandi á þetta kombó af svo miklum heljarinnar fítons krafti að annað eins hefur ekki verið skráð í græðgisbækur! Hjörð af súmóglímuköppum hefði ekki stoppað átvaglið á leið sinni í ísskápinn eftir hinum alheilaga kaleik ofurskyrs! Þessari krísu var reddað hið snarasta!

Áfram strunsaði kvendið, inn í ísskáp, reif skyrdolluna út með ólýsanlegu offorsi og arkaði svo í frystinn þar sem öll ofurber alheimsins hvíla... svo gott sem. Bláber og hindber urðu fyrir valinu enda þeim hrúgað af mikilli áfergju ofan í skyrdolluna ásamt muldum hörfræjum og kanil og þessu hrært saman á augabragði. Það reyndi á í morgun að byrja ekki að hamsa þessu í andlitið á sér en vinnufundur kallaði á kúna!

Lítur svolítið sakleysislega út ekki satt?

Dollan fór því í nokkurra mínútna ferðalag með undirritaðri, kom sér vel, því ég gat troðið þessu eins frekjulega og ég vildi í andlitið á mér á fundinum góða. Ekkert uppvask og dollan tæmd á hraða ljóssins!

Nau nau nau nau...úúúúú... hvað er að ske hér?

ÚÚÚÚÚ..... plánetubláber!

Meiri kanil takk...

...og skeið sem er stærri en dollan sjálf! Það vill enginn ganga um með skyrfingur!

Svo er ég með áráttu fyrir því að borða skyrgums/grauta/búðinga... með teskeið! Það er bara eitthvað við það sem ég fíla betur en risa Cheerios skeiðar! Sem er svo önnur saga - morgunkorn/múslí með mjólk skal ætíð spisa með stórri skeið! Súpur tilheyra einnig stóruskeiðarflokknum!

Takk fyrir í dag - humar í hádeginu og bak/brjóst æfing í eftirmiðdaginn! Það held ég nú!

Einn, tveir og páskar

Ekki á morgun heldur hinn verður páskeggið rifið upp með svo stórkostlegum tilþrifum, óhljóðum og öllu tilheyrandi að óvíst er að það lifi hamaganginn af...reyndar einkar óheppileg niðurstaða fyrir mig ef eggið yrði að engu í látunum! Oh jæja, ég reyni að fara varlega!

Kynnti sjálfa mig á nýjan leik fyrir hálfgerðu skyrgumsi í morgun! Mikil kátína sem átti sér stað við átið á þessari skál. Hreint hrært KEA, frosin blönduð ber og 1 tsk mulin hörfræ. Skandall og skaði að eiga ekki möndlur, þarf að endurnýja birgðirnar.

HRÆRA - HIP HIP HIP

Bjó mér svo til enn eitt gumsið í eftirmiðdaginn. Elska svona allrahandahrærumix. Ein msk. olía, hvítlaukur, 1 sólþurrkaður niðurskorinn tómatur, laukur og sveppir steikt á pönnu með salti og pipar og að sjálfsögðu....TJÚTT-LINGUUUUR!! Kjúlla síðan í gær bætt út á rétt í lokin ásamt soja sósu og smá karrý.

Græna gleðin fékk að vera memm eftirá. Hélt að gúrkan myndi ekki virka með þessu en hún var bara fín! Ef ég hefði átt tómata og/eða papriku hefði þetta orðið svaðalegt!

Sjáið bara hvað hún er fín!

Svo fengu furuhnetur að skreyta diskinn fyrir einskæra hamingju og gleði. Hefði verið snjallt að rista þær fyrst og bæta svo við um leið og kjúllanum! Svakalega gott að hafa þær með - gáfu æðislegt bragð!

Þetta var barasta gott!

Annars er ekkert nema dásemd að vera í fríi! Ákkúrat núna er ég að horfa á þessa mynd:

Hver pantaði annars þetta veður ég bara spyr! Vindur og hagl - gribbulegra gerist það varla!

Æðisleg helgi að baki

Ákvað á föstudeginum að aðhafast ekkert um helgina. Njóta þess að vera letihaugur sem, í mínu tilfelli, þýðir heilalaus sófadýrsstemning með átvaglsívafi! Ahhh... ljúfa lífið!

Tók mig nú samt til og gerði baksturstilraun í gær. "Deigið" kúrir inn í ísskáp í þessum töluðu orðum og hlakkar mikið til að eiga stefnumót við ofninn eftir æfingu í dag. Hafrakökur með meiru.

Hef tekið þá ákvörðun að prófa Ultratonið! Tilraunin er hér með hafin! Mætti galvösk í morgun  með grautinn og át hann mjög virðulega á meðan ég beið eftir tímanum mínum! Hann er nú ekki girnó á að sjá greyið. Óhóflegt magn af kanil og brúnn banani eftir ísskáp er því miður ógleði fyrir augað en gott fyrir bragðlaukagúbbann!

Eins og geimskrímsli lá ég þarna skjálfandi, herpandi, kremjandi í 30 mínútur á mis-háum stillingum. Valdi mér eitthvurt prógram sem heitir "Stinnandi, styrkjandi" - hljómar krúttaralega ekki satt? Verður líka gaman að sjá hvort lærvöðvinn taki við sér. Ætla nú samt sem áður ekki að eyða 30 tímum í þá tilraun, held mig við tíu og gef blátt áfram, skítkalt mat á þetta ferli!

Þar sem ég ætla mögulega að birta 'fyrir og eftir' myndir í einhverju formi, með bumbuna á mér ásamt fleiru, allsbera og óhulda framan í alþjóð þá bið ég ykkur vinsamlegast um að vera "góð". Það er ekkert óskaplega þægileg tilhugsun að "bera" sig á "netinu". Eiginlega barasta ekkert þægileg. Skoppandi rassar í sundi eru ekki meðtaldir, þar gilda líka önnur lögmál!

Hér eru svo stríðsáverkarnir eftir "átökin". Ræktin vinnur... guð minn góður. Ræktin vinnur með yfirburðum!

Sá sem kemur auga á músina á myndinni hér að ofan vinnur! 

Tökum aftur upp Ultratone þráðinn í apríl mín kæru! *trommusláttur*

Góður dagur í vændum og tilraunakökur í kvöld

Vikan rétt að byrja...

...og þá kemur föstudagur!

Sjáið bara hvað vinnufólkið mitt er yndislega fínt!! Þetta beið mín á tölvuskjánum þegar ég mætti í morgun! Ég varð öll mjúk og meyr! Æðisleg leið til að byrja föstudaginn, svo mikið er víst!

Hjartans þakkir fyrir hver sá sem skrifaði þetta! 

 

Fyrsta át dagsins var þessi sérdeilis ómyndarlegi bananagrautur, en góður var hann ban(ana)settur! Sætur, vel þroskaður banani og grautur - hver sá sem bjó til bananann hefur verið í mjög góðu skapi þann daginn!

Netttur tilhlökkunarspenningur gerði vart við sig þegar ég uppgötvaði hvað yrði í hádegismatinn í dag. Ekta... íslensk... kjötsúpa! Ég eeeelska kjötsúpur og þessi stóð sko vel undir væntingum! Stútfull af allskonar góð- og gleðimeti! Rófur, kartöflur, laukur, gulrætur... ohhhggg! Eldhús ofurhetjurnar bjuggu til kjötsúpu þennan ágæta föstudag þar sem fyrirtækið ætlar að bregða undir sig góðu löppinni og skella sér á sveitaball í kveld! Gleðilegt nokk! Það verður dansað, það verður hlegið ok stappað!

 

Salatbarinn góði! Fallegir, glæsilegir litir! Gæti horft á svona fínan mat allan daginn, get svo svarið það. Held ég þurf á aðstoð að halda!

Hádegisdiskur númer eitt sem veitt var grimm eftirför af súpudisk sem ekki náðist á mynd sökum hungurs umræddar myndavélar! Ég nældi mér líka í afgangs kjúlla síðan í gær! Gvöðdómlegt er fiðurféð!

 

 

 

 

 

 

Æfing á eftir, tjútt í kvöld. Dans og með því! Meiri kjötsúpa - jebb, hún verður tekin með á ballið!

Lopapeysur, stígvél og strá í munninn! Þetta verður bara gaman!