Gæran er laus og fífan yfirtekur alheiminn

Við ljúgum ekki, við lofum... hún slapp út á pall!

Að öllu dreplélegu djóki slepptu var morguninn góður að vanda. Langþráð skyr með bláberjum og banana fékk að líta dagsins ljós í bland við möndlur og múslí.... og kaffið mitt!

Góðan daginn já takk! Gott og gleðilegt morgunét!

Svo gramsaði ég svolítið í dýrðinni og fann bláberin mín og bananann! Hrærði þetta sumsé saman í gærkveldi og bláberin þiðin, sprungin, hamingjusöm!

Átti samt í mesta basli með að gúmsla þessu græðgislega í andlitið á mér sökum fífu. Fífan yfirtekur Garðabæinn og maður þarf að berjast blóðugum bardaga til að halda henni frá andliti og þeim vitum sem þar er að finna! Fífa í augun, fífa upp í nefið, fífa í koki... inn í eyru! Maður þarf nánast að halda niðri í sér andanum!

Fjúkandi fífa... og bara brotabrot. Himininn var hvítur í morgun!

Pallafífa!

Gestafífa!

Nágrannafífa!

Götufífa!

Þetta er stórhættulegt! Götufífan sérstaklega. Ghetto fífa! Mjög lúmsk.

Athugasemdir

[Harpa Sif (IP-tala skráð) 13.7.2010 kl. 10:57]

hahahaha  ! Þú ert yndi. Heyrði alveg svona litlar skærar raddir þegar ég las um fífuárásargæjana...!

[Elín Helga Egilsdóttir, 13.7.2010 kl. 11:13]

Þannig leið mér líka í morgun - var þarna baðandi út öllum öngum, blásandi fífu út í loftið í öðrum hverjum bita.

Hahh.. hásumar! Þetta er ein leið til að mæla það

[Laufey (IP-tala skráð) 13.7.2010 kl. 20:51]

Þetta er ekki fífa, þetta eru biðukollur (aldnir fíflar)

kv úr sveitinni

[Ragnhildur (IP-tala skráð) 13.7.2010 kl. 21:22]

Það held ég nú aldeilis að þessa sé fífa. Kemur úr öspunum sem eru hérna á víð og dreif í Garðabænum. Er úr þessu ágæta sveitarfélagi sjálf og gími við sama vandamál. Þyrfti assgoti mikið af fíflum til að valda þessu svifi, húsið mitt er fullt af þessu!