Húrra fyrir bolognese

Ég eeelska góðar bolognese sósur! Smakkaði bolognese fyrst út á Spáni þegar ég var 8 eða 9 ára og frá þeim degi var ekki aftur snúið. Ég át bolognese út í eitt í marga mánuði á eftir.

Mamma: Hvað viltu fá í morgunmat?

Ella: BOLOGNEEESE!

Mamma: Hvað viltu fá í jólamat?

Ella: BOLONEEESE... nei bíddu... JÚ, BOLOGNEEESE!

Mamma: Ella, taktu til í herberginu þínu!

Ella: BOLOGNEEESE!

Ok, ég gæti hafa verið með Ingjaldsfíflið í huga hér að ofan. En þetta kemst nokkuð nálægt áráttunni á þeim tíma. Bolognese sósur eru jafn mismunandi og þær eru margar. Yfirleitt hef ég látið nægja að kaupa sósuna tilbúna og gúmslað henni svo yfir hakkið. En undandfarið hef ég komist að því að "bolognese" er ekkert svo hræðilega erfitt að útbúa heimafyrir. Nú er ég ekki að tala um ekta ítalsk sugo sem þarf 3 tíma af knúsi, ást og alúð áður en það er borið á borð! Þó svo slíkar kjötsósur séu algerlega guðdómlegar. Heimatilbúið er einnig hægt að krydda eftir smag og behag og leika sér með hráefnin. Mmm..

En nú er tímabilið gengið í garð, fullt tungl og kjötætan brýst fram. Ég bjó mér því til uppáhalds uppáhald og oh men hvað þetta heppnaðist vel! Kjötsósa á 20 mínútum sem ég kem pottþétt til með gera aftur og aftur.

Steikja upp úr olíu 2 - 3 sneiðar af rauðlauk, niðurskorinn hvítlauk, 4 - 5 sneiðar af fínt skornum púrrulauk, nokkra smátt skorna selleríbita og gulrót eftir smekk. Malla þangað til laukurinn er orðinn mjúkur. Bæta þá dass af basiliku, oregano, salti og pipar við og leyfa að malla í örstutta stund. Skera svo niður 1 ferskan tómat og bæta út á pönnuna.

Næst bætti ég út á pönnuna tveimur niðursoðnum tómötum frá Ítalíu og smá safa úr krukkunni. Leyfa þessu að malla 2 - 3 mínútur, sprengja niðursoðnu tómatana, og krydda með pínkulítið af cumin, kóríander og.. tadaaa, kanil! Malla smá meira og hella þá út á pönnuna um það bil dl. af vatni. Mætti líka nota soð ef vill.

Sjóða niður þangað til sósan er orðin að þínu skapi. Bæta þá út á pönnuna forsteiktu hakki (ekki fullsteiktu), hræra saman og jú, malla í nokkrar mínútúr í viðbót. Sjáið bara hvað gerðist svo! Hihiiiiii.

Ógvöðminngóður! Þetta var svo mikið gott. Bragðið af sósunni var algerlega geggjað! Smá hint af kryddunum í hverjum bita. Cumin, kanil, kóríander! Algerlega fullkomið með hinu týpíska "tómatsósu bragði" sem var að sjálfsögðu ríkjandi. Setti 9% ostsneið yfir og missti minnið þar til skálin tæmdist!

 

 

 

 

 

 

Næstu daga kemur kjöt án efa svolítið við sögu í matarræðinu hjá mér. Sjáið þið ekki fyrir ykkur "Roastbeef beyglu" á fimmtudaginn! Jú... jú, ég held það!

Athugasemdir

[Dossa (IP-tala skráð) 17.11.2009 kl. 19:07]

Muhahahaha - BOLOGNEEEEEEEEEEEESE!

[Elín Helga Egilsdóttir, 17.11.2009 kl. 19:08]

BOLOGNEEEEEEEESE

[Þráinn Jökull Elísson, 17.11.2009 kl. 19:13]

Algjört æði!

[Steingrímur Helgason, 18.11.2009 kl. 00:25]

Alveg á pari við mína bolungaze þarna, en mig grunar að þú hafir verið frekar frekt 'frikkadillubarn' þarna í Zpáníá...

[Elín Helga Egilsdóttir, 18.11.2009 kl. 06:13]

Haha.. foreldrar mínir fá amk mikið hrós fyrir að halda geðheilsunni í gegnum Bolognese tímabilið.

[Erna (IP-tala skráð) 18.11.2009 kl. 16:39]

Mega girnó!! Var einmitt með svona heimagert á þriðjudaginn og nota þá líka kryddjurtirnar úr Aerogarden. Saweet. Ef þig vantar kryddjurtir láttu mig vita, er að kafna úr basil, steinselju og fleiru.  

[Elín Helga Egilsdóttir, 18.11.2009 kl. 21:40]

Væri án efa hægt að kafna í einhverju verra en basil og steinselju! Ég mun koma einn daginn, ránshendi og klippa nokkra sprota af basilikunni. Ég eeeelska basiliku!