Spaghettijól 2010

Jólin komu og þau fóru.

Með stæl.

Góðmundur og allir hans félagar léku lausum hala og áttu mikið meira en bara sjö dagana sæla. Eins og mamma orðaði það þegar undirrituð mætti í Gúmmulaðihöllina á aðfangadag.

"Guð minn góður, þarna kemur dökkhærða beinagrindin frá Hrauninu og étur okkur út á gaddinn!!"

Ég var kölluð Skeletor það sem eftir lifði kvölds.

Velmegunarbelgurinn stendur svo langt út frá miðjunni að stafurinn "Þ" ætti að skammast sín og taka "D" sér til fyrirmyndar. Tærnar sjást ekki þegar litið er niður á þær, fyrir utan þá óumflýjanlegu staðreynd að ég lít niður á tær bara almennt - ljótbífur með meiru, og þar sem einusinni gætu mögulega hafa talist verið útlínur á skrokknum eru óskilgreind mörk ítroðslu og geypileg góðæris ummerki. 2007 ofát án landamæra.

Stóðst ég jólaprófið í ár?

Já... svo um munar. Nokkurra daga áti var pakkað saman í eina kvöldstund og afganga daginn eftir.

Annar í áti sló ekki slöku við og var síður er svo eftirbátur sykurvímu og rjómasturtu aðfangadags. Vélindað fylltist rétt fyrir klukkan 21:00 á aðfangadag og ég þurfti að halla höfðinu aftur til þess að geta:

1. Andað
2. Borðað meira
3. Stundað annan í áti

Ég er ógeð.

Þriðji í áti var nokkuð slakari en forverar hans tveir, slakari í þeim skilningi að ekki var étið frá morgni til kvölds... meira bara... kvölds! Ef til er græðgisblætisguð í þessum heimi þá mun ég eflaust heimsækja hann í nokkrar vikur eftir að ég hverf yfir móðuna miklu.

Gott fólk, yfir helgina náði undirrituð að slurka í sig um það bil kílói af graut. Rúmlega. Geri aðrir betur. Ég og Rísó eigum að sjálfsögðu í leynilegu ástarsamandi, matarpervismi af hæstu sort. Einkennist af troðslu, þar til grjón eru uppurin, og eftirsjá þegar umrædd stund rennur upp.

Kærið mig!

Jólin eru þó alltaf yndisleg með meiru. Við höfðum það ljúft, gott og allt sem talist getur uppáhalds í þessum heimi. Mikið sem við erum heppin að geta átt, og leyft okkur, daga sem þessa í faðmi fjölskyldu og vina.

Látum myndirnar tala. Velmegunabumban var/er of hræðileg til að ég fari að sporta þeirri náhvítu synd framan í alþjóð. Ég vil helst ekki að þið missið matarlystina mín kæru. Þið verðið bara að trúa mér.

Yfir og út, þar til annað kemur í ljós.

Æði "hressar" jólasystur.

Grautarhermennirnir mínir! Ég át heila skál... ein... og óstudd!

Tók 2,5 daga í gjörninginn.

Jólalax með heimagerðri ofursósu.

Fjórir diskar og já, ég ét mig yfirleitt alltaf sadda af forrétt!

Sadda sjáið til... ekki pakksadda! Restin af kvöldinu fer í það.

HAHH!!

Þetta er nákvæmlega eins og atirðið úr Christmas Vacation - þegar kalkúnninn er skorinn!

Og já... ekki hafa áhyggjur gott fólk.

Afi fékk blessað jólarassgatið á öndinni! Ef aumingjans öndin hefði nú bara vitað hvað beið hennar.

Greyið!

Myndin hér að neðan er bönnuð innan 18!

Þið getið svo margfaldað neðangreindan skammt með 3,5.

Munið mín kæru, ég lýg aldrei til um magn af mat sem ofan í gapholið hverfur!

Margfalda þennan með 3,5 mínus kartöflur á 1 disk.

Millimál.

Í öll mál... helst.

Áthvíld og pakkaupprífelsi.

Kósíheit.

Kjaft, spjall, raus, mas, hlátur, meiri pakkar.

Gúmfey sokkar - ómissandi á jólunum!

Eins og með jólaöndina, ef það eru ekki sokkar þá eru ekki jól... óhh... dramtíkin!

Grautarstundin runnin upp mín kæru!

Óheilögrjómasletta með grjónum!

GUÐ MINN GÓÐUR

Fallegt ungrú... jólafallegt!

Jebb.

Eigum við að fara út í stærðfræðina hérna?

Marföldun í hæsta gæðaflokki.

Neðangreint * 7.

Og það var bara aðfangadagsátið, annar- og þriðji ekki með taldir!

Smá slökun áður en herskarinn mætir!

Átþreyta og kjötsviti upp á sitt besta!

Loks mætti rest af Speghettiliðinu í Höllina. Húsið var bókstaflega morandi í fólki!

Sæta fína Guðrún Hrefnan mín.

Sæta og fína Helgan mín.

Jólasnær með jólagleraugun

 

Annar í afgangs-áti.

Og nei, átið átti sér ekki stað í þeirri röð sem myndirnar gefa til kynna.

Þið megið vita það, ójá, að grauturinn er alltaf það fyrsta sem inn um varirnar fer annan í áti! Helst þrjár skálar.

Þar á eftir kemur laxinn og öndin en gröðguð í eftirrétt.

Þannig rúllar Spaghettilýðurinn!

Þriðji... í áti!

Frómasían og rækjukokteillinn hennar ömmu er ómissandi 26. át.

Jebb.

Sinnum 3.

Hérna gat ég hinsvegar ekki meir. 

Ketið fékk átvaglsfrí.

En ástæðan var einfaldlega...

...ójeah!

Eftirréttarsítrónufrómasía!!

Ég vil heyra ykkur segja FJÓRIR!

"FJÓRIIIIIIR"

Ofátsgræðgismúrinn hefur hérmeð verið felldur, sprengdur og grafinn! Tvöfalt. Þrefalt... Margfalt.

Svona nú... allar syndir og ósyndir upp taldar í máli og myndum.

Pheew *anda inn*-*anda út*

Vona að þið hafið ekki sofnað á leiðinni!

Svo er ekki nema korter í 2011. Vissuð þið þetta?

Jáhérnahéri og allir hans fylgdarmenn.

Athugasemdir

[Hulda (IP-tala skráð) 28.12.2010 kl. 14:19]

...... nú langar mig í graut.......

Glæsileg jól hjá þér... enda ekki að búast við öðru.

[Ragnar (IP-tala skráð) 28.12.2010 kl. 21:16]

Hahaha ég borða mig líka alltaf saddan af forrétt :D Hef samt alltaf pláss fyrir grautinn ;)

[Elín Helga Egilsdóttir, 29.12.2010 kl. 08:44]

Hulda: Ohh þetta var ljúft. Nú eru bara 360 dagar þangað til ég fæ að gúlla þetta á nýjan leiK!

Ragnar: Maður lærir aldrei. Segi þér það. Ár eftir ár er forrétturinn étinn af svoddan áfergju að aðalrétturinn er iðulega nýttur vel og vandlega í afgangsát 25.

En satt með grautinn. Grauturinn telst ekki með inn á seddumælinn - hann fer bara á á "milli" ;)

[Heba Maren (IP-tala skráð) 29.12.2010 kl. 09:19]

sé að þú ert með rækjurétt þarna inn á milli.þessi réttur er iðulega gerður hér heima hjá mér þegar veislur eru. Soddan góður þessi réttur.hvernig sósa geri þið með honum?

en annars dýrindis myndir af flottum mat. ég þarf greynilega að koma mér upp á bragðið með risalamand grautinn, því hingað til hefur mér ekki fundist hann góður enn þinn lítur svo asskoti vel út

[Ragnar (IP-tala skráð) 29.12.2010 kl. 09:26]

Ég reyndar borða mig yfirleitt líka saddan af forrétt 25. :$ Spurning um að hafa bara vondan forrétt næst.... eeen samt ekki :P

Já alveg rétt hjá þér með grautinn, hann er svona eins og konfektið, fer ekki á seddumælinn ;)

[Elín Helga Egilsdóttir, 29.12.2010 kl. 09:48]

Heba Maren: Ohhh þessi rækjukokteill! MMhmm... við erum nú bara, oftar en ekki, með hálfgera kokteilsósu með! Hahh! Klikkar ekki ;)

Grauturinn er ekki allra. Sætur vnillukeimur + rjómi + bit úr grjónum er bara - ughh!!! Eeengin orð ;)

Ragnar: Já, eða hreinlega að hafa bara nógu assgoti lítið af forrétt hahh Því þetta er jú forréttur :P

Ekki það að ég myndi fara eftir eigin fordæmi í þeim efnum. Laxinn er bara einum of góður til að stoppa eftir eina umferð!

[Birkir (IP-tala skráð) 29.12.2010 kl. 10:02]

Ég hef verið að stelast í að lesa bloggið þitt í nokkurn tíma. Varð að láta vita af mér í þetta skiptið. Kemur mér alltaf í gott skap að lesa eftir þig og þessi færsla toppar þær margar. Vá, ég hló upphátt! Virkilega skrautleg og skemmtileg fjölskylda :)

Þú ert góðri gjöf gædd.

Kærar þakkir fyrir gleðilegan lestur og hafðu það gott yfir hátíðarnar.

Kveðja

[Ragnar (IP-tala skráð) 29.12.2010 kl. 13:17]

Já það væri glæpsamlegt að stoppa eftir eina umferð ;)

[Helga (IP-tala skráð) 29.12.2010 kl. 19:39]

Gleðileg jól elsku Ella og takk fyrir frábært bloggár!

Myndirnar eru UNAÐSLEGAR! .. Sem betur fer var ég búin að rífa mig úr sukkgírnum þegar ég las það :) ... annars hefði voðinn verið vís!!

Vona að þú hressist sem allra fyrst af flensuskítnum :)

[Fannar Karvel (IP-tala skráð) 29.12.2010 kl. 23:53]

Tvennt sem ég tek úr þessum pistli;

Í fyrsta lagi finnst mér gott til þess að hugsa að ég er ekki sá eini sem skilgreini "milli" pláss sem raunverulegt :)

Í annan stað er gott að vita að þú ert "alvöru" þegar kemur að jólaáti, ekki bara amatör með stóran munn :D