Átvaglið og græðgissveinarnir

Það er orðið svo mikið jóla jóla í vinnunni.

Jólalandið mitt og Stellu orðið æði kósý og notalegt!

Svo var jólamaturinn í dag! Búið að gera jólafínt í matsalnum.

Jólabland og konfekt prýða annars gullfallega fín borð.

 

Ohhh mama! Sjáið þið bara!!!

Kalkúnn og tilbehör! Gerist ekki betra. Enda var Átvaglið og græðgissveinarnir 7 (hádegisklúbbur fyrir snemmétara) mættir galvaskir á slaginu 11:25.

Hér kynni ég til leiks, græðgissvein númer eitt -> Einar.

Þar sem við, ég og mínir 107 persónuleikar, tökum alltaf hnébeygjur á einari eða gleðjumst einar, þá fær hann að vera einn og sér á mynd.

Ljósbaugar sitthvorumegin við hann - vondi og góði engillinn!

Jólavinnuátið mitt og jólavinnuát jólaEinarsins.

Ahhhh hvað það er gott að vera ég stundum og aahhhh hvað ég öölska matinn í vinnunni minni.

Annars verður Karvelio gærdagsins tekinn með trukki á eftir. Var eitthvað sloj og ömmi áttavilti í gær og flundraðist heim eftir vinnu. Stillti klukkuna samviskusamlega kl. 07:00 (ætlaði að sofa smá út) og vaknaði 09:30 í morgun.

Já takk fyrir það. Ég væri vel til í að kenna almennum slappleika um, skrokkþreytu... jafnvel svefnleysi.

En í anda jólatíðar, af því við eigum alltaf að segja satt á jólunum,...

...ÉG VAR LÖT! ÓKEI??!?!? Ég nennti ekki. Hefði frekar tuggið sítrónubörk en að mæta í ræktina!

There... sagði það! Pff!

Hefði þó verið æði ljúft að hafa einhver félaga til að sparka almennilega í rassgatið á mér í gær því innra sjálfið var svo sannarlega ekki að standa sig í peppinu... en svo fór sem fór.

Eigið ljúfan dag elsku bestu. Girnó, 2009, jólapakkauppskrift bíður spennt eftir að líta dagsins ljós í eftirmiðdaginn.

Athugasemdir

[Fannar Karvel (IP-tala skráð) 15.12.2010 kl. 15:11]

Þar sem þú varst, að eigin sögn, löt og játtir því þá finnst mér að þú ættir, vegna þinna eigin orða, að tyggja sítrónubörk.

"Hefði frekar tuggið sítrónubörk en að mæta í ræktina" og ekki mættirðu í ræktina er það? Hvernig væri þá að tyggja sítrónubörkinn! :D

[Ragnhildur Þórðardóttir, 15.12.2010 kl. 16:16]

FÓRSTU EKKI Á ÆFINGU??? Ég er með heilablæðingu af hneykslan og gyllinæð af sjokki. Við frændsystkinin mætum OG tyggjum sítrónubörk á meðan :D

P:S er þetta Hraustur sem ég sé meðal sveinanna 7?

[Elín Helga Egilsdóttir, 15.12.2010 kl. 16:28]

ÓHHHH THE SHAAAAAME!!!

Sítrónubörkur hérmeð tugginn!

EN... ég var að koma af æfingu núna og jú.. ég mætti jú í gær um morguninn í brennslu!! Hmm ha.. hmm.. það er nú eitthvað þó svo eftirmiðdagur gærdagsins hafi verið tekinn áðan!

OHH SHAAME

Skoh - sparkið sem þurfti! :)

<3

Ragga: Já... Hrausturinn er þarna í okkar sérlega hádegisklúbb. Við erum eitursvöl í snemmmætingu, hádegismatur kl. 11 og svo rænum við úr salatbarnum fyrir millimálið seinna um daginn.

Sneaky bastards.

[María (IP-tala skráð) 15.12.2010 kl. 17:45]

Call me crazy, en ég er ótrúlega, pínkulítið glöð í hjartanu að Ellan okkar sé mannleg eins og við hin!