Leyndókökur

Ég er að baka þessar núna.

Þær eru af öllu stærðum og gerðum og þær eru ekki fullkomnar í laginu!

En það er ekkert nema gleðin einar!

Þetta eru með betri kökum sem ég hef púslað saman. Ég segi það satt.

Bæði áferðar og bragðlega séð.

Eina sem gæti mögulega vantað eru súkkulaðibitar og smá hnetur en ástæðan fyrir vantinu er hreinlega sú að ég átti gumsið ekki til á lager.

Þær eru geggjaðar!

Karamellusúkkulaði kram að utan og mjúkar í miðjuna, gaman að bíta í og unaður að borða! Já, þær eru stútglimrandi fullar af smjöri og sykri. Ekki ímynda ykkur annað!

Það vonda, við annars unaðslega góðar kökur, er að ég hef ekki hugmynd um hversu mikið ég notaði af hverju! Það er súrmjólk í þeim já, smjör, sykur, púðursykur, vanillu og möndludropar smá Nescafé og kakó ásamt hveiti og höfrum og nokkrum galdraefnum í viðbót.

Á tilraunakökustundum er gott að vera með blað í rassvasanum og penna bak við eyrað.

Nú þarf ég bara að reyna að búa þær til aftur!

Bara...

...hægara sagt en gert!

Athugasemdir

[Svava Rán (IP-tala skráð) 16.10.2010 kl. 21:44]

Ah! Bévítans, akkúrat það sem ég geri alltaf; gleymi að skrifa niður! Sjélleg vandræði

[Hulda (IP-tala skráð) 18.10.2010 kl. 10:29]

hrikalega girnilegar......