Hleðsludagurinn ógurlegi - fyrsti hluti

Morgunmatur

Bananapönnsugrautur með rommi og rúsínum.

Banani örbylgjaður í muss og bætt út í vel kryddaðan pönnsugraut. Rommdropar komu við sögu. Rúslum stráð yfir, inn í ísskáp og hlakka til að vakna. Þessi var hamingjan einar. Ákkúrat áferðin sem ég var að leita eftir. Þéttur í sér, næstum eins og brauð og ó, svo sætur.

 

 

 

 

 

 

Eftir æfingu

Ristuð beygla með kanilpróteini og Special K krumsi. Óguð!

 

 

 

 

 

 

Hreint prótein blandað mjög þykkt með vatni, kanil og vanilludropum. Beyglan ristuð og próteinið smurt yfir beygluna og látið leka smá ofan í brauðið. Kanil stráð yfir.

 

 

 

 

 

 

Special K krumsi stráð yfir og smá prótein yfir morgunkornið. Þetta var ekkert nema gott. Sætt, stökkt beyglubrauð, karamellukennt kanilprótein og kornflex crunch. *hamingja*  Rúsínu og kanilbeygla næst!

 

 

 

 

 

 

Ohhh neiiii ... búið!!

 

 

 

 

 

 

Hádegismatur

Kínanúðlur með krumpueggi og grænmeti.

Síðan ég var peð hef ég alltaf kallað krullaðar núðlur, kínanúðlur. Hádegismaturinn voru því kínanúðlur og krumpuegg með snöggsteiktu grænmeti. Búin að vilja gleypa svona núðlur í mig í óratíma og vá... þessar voru geðbilaðslega góðar þó ég segi sjálf frá!

Fyrst, hita vatn í örbylgju og leysa upp 1 grænmetistening. Setja núðlur í skál og hella smá vatni yfir þær - rétt til að mýkja.

Hita svo 2 tsk soja og 2 tsk hrísgrjónaedik í djúpum botti. Hella þar út á hvítlauk, lauk, skarlot, púrrulauk, engifer og smá chilli. Steikja í um það bil 30 sek.

 

Bæta því grænmeti út í sem þú vilt nota ásamt rauðum piparflögum. Steikja í nokkra stund í viðbót eða þangað til grænmetið er orðið aðeins mjúkt.

 

 

 

 

 

 

Bæta þá núðlunum út í pottinn ásamt rest af soði (fara eftir leiðbeiningum á pakka), 2 tsk soja, 2 tsk hrísgrjónaedik og ponsulitlu hunangi. Hræra saman þangað til núðlurnar hafa drukkið í sig soðið. Bæta eggjahvítum út í gumsið og hræra saman. Hella í skál, skreyta með t.d. sesamfræjum, kóríander - meira af rauðum chilliflögum. BORÐA!

Jebus, þetta er nóg fyrir heila fjölskyldu...

...og ég át þetta ein!

Shit!

Afsakið orðbragðið!

Athugasemdir

[Heba Maren (IP-tala skráð) 21.11.2009 kl. 19:33]

djöfull ertu sniðug með hafragrautinn og eftir æfingu máltíðina.. sjitt hvað ég ætla að prufa þetta....

tx fyrir að deila þesssu...

[Elín Helga Egilsdóttir, 22.11.2009 kl. 09:34]

Þetta var afskaplega jákvætt át! Sérstaklega eftir æfingu beyglan! *Hómerhljóð*

[Helen (IP-tala skráð) 22.11.2009 kl. 10:52]

Snilldar síða hjá þér! Ég er farin að kíkja hér inn á hverjum degi.

Rosa girnilegur eggja og grænmetis núðlu rétturinn þinn. En ein spurning, hvaða grænu baunir eru þetta ?

Takk fyrir að vera svona viljug að leyfa "Pétri og Páli" að fylgjast með ;)

[Elín Helga Egilsdóttir, 22.11.2009 kl. 12:17]

Ohhh grænurnar mínar. Elska grænar baunir. Þetta eru bara frosnar grænur frá euroshopper minnir mig

Það var nú mest lítið með Pétur og Pál. Til þess var leikurinn gerður