Eggcellent eggjakaka og árshátíðar undirbúningur

Um þetta leiti á morgun verður átvaglið komið í kjól og súpandi á fordrykk! Játakk!

Lét verða af því og endurgerði eggjahvítuköku hádegisins með smá breytingum. Engin gulrót í þetta skiptið heldur svampar! Svo æðislega bragðgóðir. Sama og síðast, steikja, steikja... steikja meira og svo aðeins meira en steikingaþröskuldurinn leifir. Eggjahvíta gumsið og jú, steikja meira. Raða tómatsneiðum og 9% ostsneið á helminginn og krydda með t.d. basil. Sjáið bara hvað þetta er glæsilega fínt!

 

 

 

 

 

 

 

 

 

 

 

 

 

 

 

 

 

Tók svo til matinn fyrir helgina. Laugardagskvöldið er stikkfrí sökum nammidags og árshátíðar. Kvöldnasl dagsins í dag var tekið til ásamt fyrir- og eftiræfingamat morgundagsins, hádegismat og viðbiti og loks lauk þessum undirbúning á morgunmat sunnudagsins. Þetta tók 30 mínútur að setja saman - að meðtöldum kvöldmatnum og fínukjóla- og æfingafatatiltekt. Svo er hin reglubundna 2ja vikna ummálsmæling hjá mér á sunnudaginn - ég tek sko málbandið með mér og mæli mig sundur og saman uppá hótelherbergi á tilsettum tíma! Full af árshátíðarjukki - húha!

Ætli ég verði ekki japlandi á skyrgumsinu mínu í "Hvernig búum við til bjór" ferðinni á morgun!

Njótið helgarinnar mín kæru, er farin á Selfoss að árshátíðast

Athugasemdir

[Hungradur (IP-tala skráð) 7.11.2009 kl. 19:50]

Mjög girnileg letta.  Fyrirmyndar skipulag og rösk handtök.

[Hungradur (IP-tala skráð) 7.11.2009 kl. 19:51]

 Já einmitt.

[Hólmfríður Gestsdóttir (IP-tala skráð) 7.11.2009 kl. 23:49]

svampar = sveppir?? Líst vel á þetta, er blandaralaus (hnífurinn tók uppá því að brotna) svo ég þarf nauðsynlega að finna e-n staðgengil fyrir próteinsjeikinn minn á morgnana. Er búin að prófa hindber og vanilluprótein útí hafragrautinn, sem er ágætt en leiðigjarnt til lengdar. Er að vona að þú lumir á e-u sniðugu ;)

[Forvitin (IP-tala skráð) 8.11.2009 kl. 13:07]

Notar þú eggjahvítuduft eða eggjahvítur í þessa eggjaköku ?

Hvar færðu eggjahvítuduftið sem þú hefur skrifað um áður ?

[Elín Helga Egilsdóttir, 8.11.2009 kl. 15:21]

Hólmfríður: Þú gætir búið þér til svona "næturgrauta". Blanda próteinið þykkt með vanilló, kanil og bætt höfrum og frosnum berjum út í - setja inn í ísskáp og daginn eftir er þetta næstum því orðið eins og þykk karamella Eða fengið þér skyrgums með höfrum og frosnum ávöxtum í staðinn fyrir próteinið. Ég er líka búin að vera að experimenta með prótein/ávexti í frystinn = íspinnar í morgunmat. Svo gætirðu líka útbúið próteinstangir úr próteininu og höfrunum og geymt í frysti? Ég geri það stundum

Forvitin: Ég notaði þessar gerilsneyddu frá Garra í þessa köku. Annars hef ég reyndar ekki notað eggjahvítuduft en undanrennuduft hef ég notað í t.d. orkustangir ofl. Undanrennuduftið keypti ég í Hagkaup á sínum tíma.