Hakk og spag... eða... voru það grjón?

Jú. Hakk og hýðisgrjón í tómat-basil blöndu. Rændi grænmetinu í vinnunni og voila! Ég elska svona hakk-gums, hvort sem því fylgir grjón, spaghetti eða einfaldlega grænmeti. Þetta hakk er líka frábært. Hvorki meira né minna en 4%. Þannig er það best. Ég er algerlega á því að kaupa ekki hakk út í búð. Eina sem er í boði þar eru 8% - 14% bakkar, verður ekkert úr því við steikingu, vatnsþynnt og áferðin á því eitthvað leiðinleg.

Svo ætlar minn sérlegi sambýlismaður að útbúa kjúlla fyrir konu og ketti í kvöld... kannski ekki ketti en a.m.k. kvendið. Hlakka mikið til. Wicked Paulsen er nefnilega mjög wicked kjúllaeldari!

Athugasemdir

[Elísa (IP-tala skráð) 23.9.2009 kl. 17:52]

Hvar færðu þetta hakk?

Ég bara verð að segja þér frá því að Orkubomburnar þínar eru búnar að slá í gegn hér á mínum bæ. Takk, takk.

[Elín Helga Egilsdóttir, 23.9.2009 kl. 19:48]

Hakkið keypti ég í kjöthöllinni. Þeir eru bara með 4% hakk hjá sér. Æðislegt starfsfólk og gott hráefni!

Ohhh, en gaman að heyra með stangirnar Ég á einmitt skammt í frystinum. Verða svo karamelló og skemmtilegar að bíta í.