Það er víst sól og blíða

Rigning hvað. 

Muaaaahahahahaaaaaa

Afrek.

Í minni bók það er... ója, mikið afrek.

Ég tók hjólarúnt í ræktina í morgun! Ha... gott fólk. Rigning. Ha... hjólaði.. ehh... eh??

• Lýðurinn: *andköf*
• Átvaglið: Mmyyes... takk... *hneigir sig*... hohoho... takk... *kóngaveif*

Þó svo um það bil allir, og amma hans, hjóli í vinnuna. Meira að segja að vetri til... á nagladekkjum, og þessi grátlega uppblásna monthrúga af hjólarúnti sem ég tók teljist vart ná að fylla upp í nös á amöbu (og ég efast líka um að þær séu með nasir), þá drattaðist rigningarletihaugurinn samt sem áður frammúr. Gúllaði:

"Banana souffle"

já ég sagði það

Banana... souffle

á tilraunastigi þó. Ætla að rækta þessa hugdettu örlítið áður en ég smelli henni á alheimsvefinn. En þetta var snilld. Ómynduð, fullétin snilld.

Ok, hvar var ég... já...

Drattaðist frammúr, gúllaði gulu hamingjuna, pakkaði mér vel og vandlega inn, jú, pakkning eftir veðri gott fólk. Þar liggur hundurinn grafinn, ormurinn á gullinu, lykillinn að ánægjulegri hjólastund. Er ég ekki sjúklega klár og hryllilega vel gefin?

Hverjum hefði dottið það í hug? Í alvöru? Fatnaður eftir veðri. Tók ekki nema 27 ár... rúmlega tæplega, að komast að þessu.

An að öllu gamni slepptu þá er veðrið svoddan hugarástand að annað eins væri helmingi of mikið fyrir Böðvar. Þetta var barasta með hressari hjólarúntum, þó svo ég hafi setið eftir með rennblautt ennið og votar tær. Reyndar á ég nú eftir að sjá mig hlunkast á fætur í milljón stiga gaddi, slyddu og 700 vindstigum þegar Aspasinn vill knúsa undirritaða á köldum vetrarmorgnum. En rigning er fyrsta skrefið í átt að slydduskít, nagladekkjum og afskiptum Aspas.

Batnandi hjólakvendum er best að lifa.

Ef allt fer á latasta veg þá kaupi ég mér bara mannhæðarháa hamstrakúlu, til að sporna við 66°Norður í trýnið, og velti mér, eða fýk, í vinnu að vetri til.

Helst í fréttum:

• 04:55 - Bananadýrð í morgunsárið
• 25 mínútna hjólatúr
• 05:50 - Lappamyrðing upp á sitt besta
• 07:00 - Hleðsla
• 10 mínútna hjólatúr
• 09:00 - Kaffi
• 09:01 - Handfylli ber + hnetur + eggjahræra og 2 gúllaðar skyrskeiðar

Uss, þið verðið eiginlega bara að trúa mér. Þarf greinilega að fara að bæta í myndavélagleymskuna. Er komin með fráhvarfseinkenni á háu stigi. Vísifingur hægri handar kippist ósjálfrátt við þegar ég sé mat og vinstra augað lokast!

Viðstöddum til

• Mikillar ánægju

eða

• Allskostar ógleði, og stundum velgju

Það eru þó með dramatískari viðbrögðum!

Var annars að enda við að borða þetta fjall með fisk. Dýrð sé grænmeti í upphæðum.

Og sjávarfangi í... niður... lægðum...

Föstudagur, það held ég nú.

Fettmúlar og þumallinn upp

Sjáið þið eitthvað mynstur hérna hjá undirritaðri?

Miðað við hvað ungfrúnni mislíkar fætur, þó helst tær og það fullorðnar og mikið notaðar/þroskaðar tær, þá er magnað hversu oft þær hafa ratað inn á bloggið blessað.

Ég ætti kannski að hafa áhyggjur af þessu.

Undirliggjandi tá-fetish?

Kannski ég komi út úr tá-skápnum á 300 km. hraða með *thumbs up" fyrr en varir??

Jah maður spyr sig!

Hádegisvinnuát og elítufólk

Hádegismaturinn er einn af mínum uppáhalds uppáhalds mötum. Virkilega.

Ég hlakka alltaf til þess að setjast niður með hádegiselítunni minni, stundvíslega kl 10:46, og gúffa í mig risaskammt af salati. Flundurfersku og risastóru... salati.

Stundum með ábót, búbót, sokkabót, þokkabót.

Sokkabót er afskaplega óæskilegt til átu hinsvegar.

Eldhúselítan samanstendur yfirleitt af eldhússkvísunum mínum, Ernu og Þórunni, hnébeygju á Einari H. og Elínu H. Sem ku vera undirrituð.

Já, við borðum hádegismatinn okkar um 11 leitið.

Við hópinn hafa bæst nokkrir valinkunnir einstaklingar yfir mánaðanna rás. Snemmvaknarar og ræktarfrömuðir. Hjólagúbbar og Crossfit brjálæðingar.

Það er gleði.

Mikið sem eldhúskvendin eru nú frábærlega æðislegar samt. Maturinn, í orði, á ekki að byrja fyrr en 11:30. Eins og ég hef áður sagt. Dekur og meira dekur.

Typical ofur hádegismatur a la vinnan!

Fjóólublátt kál.

Núna er hinsvegar margt að gerjast í loftinu og eftir mánuð eða svo kem ég til með að þurfa að fara með mitt eigið ofursalat í vinnuna. Nýju vinnuna. Jebb.

Það verður öðruvísi.

Tilraunir á hádegismatartilraunir ofan í nánustu sumarframtíð... ef sumarið lætur þá sjá sig blessað.

Ég kem til með að sakna elítunnar minnar all svaðalega. Það verður bara að segjast.

Tímarnir framundan eru þó hryllilega spennó og tilhlökkunin allverulega yfirgripsmikil!

Í þessum töluðu...

...epli gúffað í morgunsárið og Hámark um 14:00 leitið í dag.

Saffran í kvöld? Já, það gæti bara vel mögulega verið!

Játningum hérmeð lokið.

Sjáið svo bara hvað amma mín elsku besta bjó til fallega fínt hálsmen handa mér!Öööölsk á það!

Esjan á morgun?

Hjól = Hjól?

Svo við höldum áfram með smávægilega stærðfræði þá komst ég að því að þrátt fyrir óhjákvæmilegan réttleika þessarar fullyrðingar

Hjól = Hjól

Þá er hjól bara ekkert það sama og hjól!

Ofurfrænka mín, og íþróttakvendi mikið, á eðalgræju sem ég fékk þau forréttindi að misnota síðustu helgi. Hafði svosum ekki mikið um hjólið að segja á þeim tímapunkti annað en að hjólagírinn yfirtók undirritaða og taktarnir svaðalegri en nokkrusinni fyrr.

Hjólið er líka pimpað fyrir íþróttaálfa og hreyfisjúklinga, útbúið bögglabera sem hægt er að festa á þartilgerða tösku sem svo er hægt að setja í gúmmulaði, síma, myndavél, tölvu og jafnvel lítinn hund, ef þannig liggur á. Hraða- og km mælir, sem hjálpar gleðipinnanum hið innra mikið til við að halda hraðanum sem hæstum, er í sjónlínu á stýrinu og brúsahaldari hvílir sig fallega á stellinu.

Að auki við öll nútíma þægindi ofurhjólsins fékk ég einnig að láni hjálm og hjólasólgleraugu mikil - jah, venjuleg sólgleraugu en þó þannig að þau skýli augunum fyrir vindi og... randaflugum...

...sem þarf, meðal annars, að setja stærðatakmarkanir á!

Það má því segja að ég hafi verið nokkuð vel búin og dekruð þegar ég ákvað að hjóla frá mér vit og rænu eftir 15 ára hjólahlé!

Ég innheimti lánsþýfið mitt í gær og hjólaði galvösk á dýrinu í vinnuna.

Ekki misskilja. Þetta hjól er geypigott og fínt fyrir kvikindi eins og mig til að komast frá A til C en elsku, elsku bestu. Ef þið ætlið að leggja bílnum og nýta hjólið í hans stað...

...ekki reyna að "sleppa vel". Herre gud på himmelen!

Helsti munur sem ég finn á ofurhjólinu, og því sem ég er á núna, er að ég sit töluvert betur á því. Grindin er úr áli, sem gerir það léttara, og petala-armarnir eru "lengri".. eða hvað sem það svo kallast. Hvert stig er sumsé lengra, sem gerir verknaðinn sjálfan "að hjóla", auðveldari/þægilegri/mýkri. Stellið sjálft er stærra í sniðum, stýrið lengra, gírskiptingin betri og það eru demparar á því sem ja hérna hér, skipta Jóhannes frá Blúndu nokkuð meira máli en hann fyrst grunti.

Já... grunti!

Ég hefði kannski frekar átt að byrja á því að endurnýja kynni mín við hjólaheiminn á þjóflánaða hjólinu því núna er ég með óþrjótandi dekurhjólamaníu á heilanum og er að finna allskonar ástæður fyrir því að réttlæta massíf hjólakaup á næstu vikum.

Ég held ég sé að verða búin að sannfæra sjálfa mig... það tók um það bil 8 mínútur.

Þið sem eruð í sömu hugleiðingum og ég en hafið tekið þetta skrefinu lengra og ætlið að gerast atvinnuhjólarar.

1. Kaupa gott hjól
2. Kaupa hjól sem er nógu stórt fyrir hjólarann, of lítið/of stórt er no go
3. Réttur útbúnaður er nauðsynlegur

Allt þetta gerir hjólatúrinn, og viljann til að nýta sitt eigið mannafl sem orku til að knýja sig áfram, mun, mun... mun skemmtilegri.

Þannig að gott fólk

Hjól != Hjól

Hvað ertu búin að vera að vesenast síðustu 2 mánuði?

Stiklað á mjög stóru.

Stiklað á mjög mjög... mjög mjög, mjög svo úthafsofurstóru sinnum alheimurinn og frændi hans Sókrates sem missti sig í rjómakökunum um árið!

Sumsé... mjög stóru.

1. Velti fyrir mér lífinu og tilverunni. Ó... þú grimma tilvera *hendi á enni*. En samt ekki svo grimm. Meira skemmtileg og krúttaraleg og spennó.
2. Túrhestaðist um Ísland enn á ný með nokkra vel valda nýsjálendinga og einn ástrala.
3. Borðaði allt sem hönd, fótlegg á festi... þó serstaklega þær örður sem voru það óheppnar að detta óvart upp í ginið á undirritaðri. Óvart verandi lykilorð í setningunni... lykilorð.
4. Tók aspasinn í gríðarsnúning. Hann stóð, og stendur, fyrir sínu þessi elska.
5. Borðað þyngd mína, margfalda, í skyri. Sem er ekki frásögu færandi, þar sem ég borða yfirleitt þyngd mína í skyri hvort sem er, nema fyrir þær sakir að ég í raun og veru hef borðað... þyngd mína í skyri... undanfarna tvo mánuði!
6. Fékk að vita að annar frændi er að fara að bætast í fjölskylduna núna í maí! *tilhlökkunarspenningur*
7. Er að fara að flytja á nýjan leik.
8. Setti niður plön fyrir næstu mánuði, allskonar plön... gleðiplön. Þessi annars ágætu plön koma til með að líta dagsins ljós er líður á.
9. 05.02.2011 og 17.03.2011 voru skemmtilegir dagar.
10. Sá svaðalegustu norðurljós sem ég hef séð í langan, langan tíma.
11. Allt er vænt sem vel er grænt.

Glaðari bílaskafara hef ég ekki séð í háa herrans tíð.

Euie: "Ég hef aldrei þurft að skafa af bílnum mínum... aldrei. Má ég prófa?"

Ella: "já takk gersovel, versågú, sandalafem, hér'er'burstinn... mín er ánægjan! Hip hip hip."

Euie: "Wheeeeee......"

Þjóðgarðagleði

Í þessu matarboði kom kransakaka við sögu! Ójá... og graflax!

Móaflatarkjúlli.. einhver?

One c...krap plís?

Daim ís með daim og auka daim og smá meira daim... og... jú.. daim.

Ohoooo my babies!

8 ára Nonnabindindi rofið.

Já... það var þess virði.

Egilsdætur.

Baaahaaakkelsi!! Ohhm nom nom!

Þrátt fyrir fámennt matarmyndefni hefur verið slafrað í sig:

• Sviði
• 45 pulsum
• Purusteik og brúnkáli, ég dó næstum úr hamingju
• Massífri kjötsúpu a la mamma
• Ristuðu baunabrauði.. óguð... þvílík dásemd
• 600 tonnum af kaffi
• 23,5 pizzum
• 14 kg af ís
• 17 skömtum af allskonar Krua Thai
• Smokkfisk
• Lambi... ekki heilu lambi en svona um það bil 3/4
• 12 pútum
• 98 kleinum
• og svo framvegis og framvegis...

...en núna! Snúdda við blaðinu og massa þetta fyrir sumarið.

Hræðilegasti partur eggsins ef étinn harðsoðinn og þurrprumpulegur

=

sleppa

Já takk!

Hvenær líður mér vel?

Hvenær hugsa ég "Ahhhh...."?

Hvenær hellist yfir mig alger sálarró?

Til dæmis þegar ég:

• er kölluð Legga
• heyri skemmtilegt lag sem ég hef ekki heyrt í langan tíma
• er tekin úr sokkunum... já... konan með táfóbíuna elskar að láta taka sig úr sokkunum!!
• heyri "20th century fox" stefið. Af hverju veit ég ekki alveg? Tengist eitthvað kósý bíómyndakvöldum.
• labba út í morgunsárið að sumri til, eftir rigningarnótt.
• veit að allar "draslskúffur" í húsinu eru yfirfarnar.
• leggst í mitt eigið rúm eftir langt ferðalag.
• baka.
• hitti fólk á góðufólkalistanum mínum sem ég hef ekki hitt í langan tíma (og nei, það er ekki til vondufólkalisti).
• hlusta á rigningardropa skella á þakplötunum upp í sumarbústað.
• ligg í sumargrasi.
• horfi á stjörnurnar á ísbrakandi köldum vetrarkvöldum.
• keyri um á mótorhjóli.
• er í faðmi fjölskyldu og vina í Móaflatarkjúlla/matarboði.

Ahhh!

Gerði annars uppkast að almennilegum eplakökugraut í gær. 

 

Þetta byrjaði alltsaman vel!

Mjöööög vel!

Ohhh, lyktin sem var í húsinu á þessu stigi!!!

En endirinn á þessari annars vel byrjandi grautargleði... óguðminngóuður!

Gott fólk. Endirinn! *grát*

Hann var hræðilegri en nokkur orð fá lýst. Og bragðið... áferðin!!!((hrollur))

Þvílíkan og annan eins hroðbjóð hef ég ekki kokkað upp í drjúgan tíma. Ojbara!  Skulum því sleppa öllum lýsingum og vona að næsta tilraun heppnist betur!

Ég hélt annars smávegis fyrirlestur um "hollt matarræði" í vinnunni í morgun. Það held ég nú. Ægilega gleðilegt. Gæti tuðað um þetta í 100 ár án þess að stoppa, enda var farturinn á talandanum í 3000 snúningum.

Æhhhji elsku bestu.

Ég er óvenju mjúk í sálinni og hjartanu í dag, þrátt fyrir ógeðiseplaklístur gærdagsins. Knústið einhvern sem ykkur þykir vænt um.

Góða helgi snúðarnir mínir.

Spurningum svarað

Kannski kjánaleg spurning, en ertu ekkert hrædd við að "fitna" aftur eða detta í sama farið?

Enganvegin kjánaleg spurning og á fullkominn rétt á sér!

Alltaf aftast í kollinum. Ruslakistan blessuð ásækir heilabúið og vitundina eins og skugginn og stundum fæ ég "Hóólí hell það er að koma aftur - best að brenna" tilfinninguna í heiladingulinn. Reyni þó eftir bestu að halda barasta ró minni og anda í bréfpoka eða einbeita mér að því að fyrirlíta tær almennt.

Eins og ég hef þó sagt, ég var kannski ekki í alslæmum málum fyrir, og ég vil meina að ég hafi náð að grípa í rassinn á Nóakropps-líferninu í fyrra laginu, en jú, þetta er alltaf aftast í kollinum. Ég er líka ein af þeim sem bókstaflega "má ekki" borða allt sem fyrir augum ber því ég bæti mjög hratt á mig auka mör og hamingju.

Systir mín sem dæmi, er slanga af guðs náð. Hún getur borðað hvaða hroðbjóð sem er án þess svo mikið sem blása úr nös eða... blása út. Ef ég gerði slíkt hið sama, án þess að hreyfa mig, þá kæmi ég til með að "stækka" heldur hratt :)

Ég er hið minnsta ein af þeim sem virkilega þarf að hafa fyrir því að halda mér á góðu róli, veit líka af því og er því nokkuð hress með að hafa náð á þennan stað sem ég er í dag, þó sérstaklega hvað t.d. matarræði varðar. Er búin að halda mér á þessum stað í rúmt ár.

Nú veist þú hvernig þú átt að "hegða" þér, hvað er rétt og hvað er rangt. Gerir þú einhverntíman eitthvað sem ekki myndi teljast "rétt"?

Gott dæmi er t.d. eftir ofurát. Massíft ofurát, þá helst þessi sem eru "óplönuð". Þó svo ég viti að það geri í sjálfu sér lítið gagn að drattast á brettinu/stigavélinni, 40 mín á dag næstu 2 vikurnar, þá langar mig óstjórnlega að láta það eftir mér. Líka það, að éta á sig gat einn daginn, og borða samt 6 máltíðir daginn eftir. Á það alveg til að hugsa "nei andskotinn, ég át um það bil 8000 kaloríur í gær, reynum að slaka á í dag".

Í svona tilfellum er ágætt að slökkva bara á heilanum og fara eftir plani. Jújú, ég hef alveg tekið brennslupakkann á þetta eftir að ég "sá ljósið", get ekki neitað því. Er þó yfirleitt snögg að snúa mig út úr því og halda venjulegu rútínunni áfram. En það tók smá tíma, viðurkenni það líka, að láta undan því sem í raun er "rétt" fyrir því sem þú telur að sé betra. :)

Einhver hreyfing mín kæru er samt betri en engin! Ég er alls... ekki... að setja út á það!

Þykja þér einhverjar æfingar leiðinlegar, eða leiðinlegri en aðrar?

Ein leiðinlegasta æfing sem ég geri er dauðaganga/framstig. Ég fæ grænar, gubba pínkulítið upp í mig og upplifi almenn, allsherjar ömurlegheit og satan.

1. Satt - allt sem er "erfitt" er "leiðinlegt" og farmstig/uppstig/dauðaganga er svo sannarlega erfitt með tilheyrandi blóðbragði í hálsinn ef vel er á því tekið.
2. Þegar ANNAR fóturinn er búinn, þá er HINN eftir. Tvöfalt... tvöfaldur tími. Ughh! *dauði**leti**sjálfsvorkunn*

En manni líður alltaf jafn ógeðslega vel þegar þetta er yfirstaðið! Sérstaklega þegar rass-sperrurnar daginn eftir byrja að pína þig.

Rass... kúlurass!

Er gaman að eiga Aspas?

Um tvo bíla að velja. Svartan og Aspasinn.

• Pabbúla: Jæja, svipaðir bílar, hvort viltu?
• Átvaglið: Grænan
• Pabbúla: Elín?
• Átvaglið: Grænan.
• Pabbúla: Elín, í alvöru..
• Elín: Grænan.
• Pabbúla: Þið eigið hvort annað skilið.

Vigtar þú þig reglulega, mælir og tekur fitu %?

Ég stíg á vigt kannski 1 - 2 í mánuði fyrir forvitnisskir. Hef ekki ummáls mælt mig í hálft ár eða tekið stöðu á % tölunni minni. Núna er ég svolítið að spila hreyfinguna mína eftir eyranu. Hef sett mér nokkur markmið í formi æfinga, ekki endilega að komast niður fyrir x kíló/ fitu%. Ef buxurnar fara að þrengjast óeðlilega mikið þá borða ég aðeins "minna". Ef þær víkka óeðlilega mikið þá borða ég meira. Það er, ef ég er eitthvað hvumpin í eigin skinni.

Langar helst að ná markmiðunum mínum fyrir næstu jól og halda jafnt og þétt áfram. Líður vel í eigin leðri þessa stundina og ætla mér að viðhalda því formi sem ég er í, og þá er ég ekki endilega að meira "útlits" formi.

Markmiðin eru meðal annars:

• 10 dauðar upphífur
• 15 hnébeygjur á einari, á báðum
• 5 armbeygjur á einari, á báðum
• 20 fullkomnar barbell complex með 25kg, samfleytt
• 20 fullkomnar concept róðravéla maga/bak æfingar
• 30 fullkomnir froskar með hoppi, samfleytt
• 100 armbeygjur

Hefurðu alltaf verið íþrótta álfur? Varstu mikið í íþróttum sem krakki?

Aldrei!

Eða... kannski ekki aldrei. Var í jazzballet í nokkur ár. Annað en það ekki neitt. Hef aldrei verið neitt sérstakleg íþróttalega sinnuð og hélt í alvöru talað að ég myndi aldrei verða það. Ein af þeim sem fékk alltaf 7 eða minna í íþróttum...

...þangað til þeir ákvaðu að breyta þessu blessaðir og gefa einkunn eftir mætingu, ekki eftir því hver gæti kastað bolta, úr 5 metra fjarlægð, á milli tveggja stanga sem voru 20 cm. frá hvor annarri!

Nei... ég er ekkert bitur.

Kom svo sannarlega annað á daginn :)

Datt ekki í hug að ég myndi nokkurntíman ná því að taka svo mikið sem eina armbeygju eða hlaupa samfleytt í 30 mín. Ná því í raun að massa mig upp, antilópast, tónast, mjókkast, matarræðast, vakna klukkan 6 til að ræktast... ast ast... bara... hvað sem er. Þetta er því mikill sigur og geypilegt afrek að mínu mati í mínum eigin íþróttaálfs kladda.

Stórgott.

Áttu "feituföt"? Þú veist. Föt sem þú átt á legar ef ske kynni að þú ætir pizzu í öll mál í heilan mánuð? Varaföt?

Vildi óska að ég gæti sagt nei. En ég get það ekki.

Ójá. Ég á feitubuxur.

Gerði samt nokkuð magnað um daginn og gaf öll "feitufötin" mín. Það tók á. Ég segi það satt. Föt í dag eru fok-andsk. dýr og ef ég þarf að fara að byrgja mig upp af nýjum flíkum sökum ofáts þá eru mér allar bjargir bannaðar.

Ég "neyðist" því til að halda mig á beinu brautinni! Svona... þannig ;)

Jú, ég á því EITT SETT (hoho, eitt sett) af varaflíkum ef ske kynni að alheilagur pizzaandinn smokraði sér inn í systemið og æpti "SVEPP OG PEPP OG XTRA OST" endurtekið!

Hvað er uppáhalds svindlið þitt?

Óguð. Stress. Hvernig er hægt að velja?

Stress stress stress!

EN því subbulegra, því betra, og subbulegt í minni bók er allt sem er sveitt!

Pönnsur, kökur, jólaönd, eplakrums, nautasteik - allt gott og blessað en í subbulegum ítroðslu-svindl-dögum er ekkert sem blivar nema "quick and dirty" og pönnsur eru dæmi um eitthvað sem skal njóóta.

ÞANNIG AÐ

Matarkyns:

• KOLVETNI OG BRÁÐINN OSTUR - deadly duo. Svindlblætið mitt.

Eiginlega sama í hvaða formi þetta tvennt er. Ostur og kolvetni er bara combó sem getur ekki klikkað í minni bók og bráðinn ostur gott fólk... dont even go there!

• Bolognese með miiikið af osti ofaná.
• Lasagna!
• KARTÖFLUGRATÍN!! óguð... ég dey!
• Doritos kjúklingur 
• Sveitt, djúsí ostapasta með hvítlauksbrauði á kanntinum!
• Pizza, pizza, pizza og pizza.
• Ostafondú!
• Risastór BLT samloka, ristuð, með beikoni/eggi/camembert (og mikið af honum).
• Panini!!!
• Bráðinn Camembert með sultu/hunangi á milli og valhnetum + ritz!
• Doritos með ostasósu. Bíó-Doritos! Láta flögurnar liggja í ostasósunni svo þær verði mjúkar og ógeðslegar og löðrandi í ógleðinni! Oghhh!
• Risastór nachoskammtur stútfullur af sósudrulli og bráðnum osti ofaná.

Nammikyns:

• Nóakropp/Nóapopp = súkkulaði, knús og kram
• Fylltar appololakkrísreimar
• Ís - rjómi - vanilla vanilla vanilla
• Eitthvað sem inniheldur karamellu, rjómakennt vanillublandað saltbragð og hamingja
• Hunangsristaðar, sykurhúðaðar, súkkulaðihúðaðar, hvernig sem er hnetur

 

Er með nokkrar svona spurningar á lager og kem til með að pósta í og með, með leyfi sendanda að sjálfsögðu. Gaman að þessu

Kreppumatseðill

Búin að vera að hugsa!

NEI?? Ég trúi þér ekki!!

Jú. Ótrúlegt en satt - þá á ég það til.

Meiningin með þessu bloggi, til að byrja með, var svolítið að skrá og skjalfesta það sem upp í svartholið fór... hvarf.

Og er enn að mörgu leiti.

Þróaðist svo í smá tilraunabakstur, eldamennsku og almennt allt sem er hollt hollt, bragðast vel á innan við 30 mínútum.

Og... er enn... að mörgu leiti.

Svo kom kreppa. Preiiiis ðe laaaawd allmighty.

Í dag -> Ella llama, reynsla, matur, eldamennska, lífið, tilveran, æfingatilraunir í bland við fettmúla og aðra múla.

Í stuttu gott fólk. Það að tilraunast, með mat og annað nátengt, er farið að kosta meira en bara frumburðinn og útlimina. Hef því reynt að halda mig við það klassísa, sem ég veit að virkar en getur orðið heldur þreytt til lengdar og í alvöru talað, hver nennir að góna á eggjahvítur, hnetur og salat alla daga?

Þó svo það gleðji átvaglið ætíð á meðan gúlli stendur, þá er það varla þess virði að festa á filmu. Er það? Hmmm... haa...

Var því að spá að taka smá törn í kreppufæði. Enginn sem segir að tilraunir og almennt eldhús-stúss þurfi að steypa hinum íslenska hambó í skuldir viljir viðkomandi halda sig á mottunni hvað "hollustu" varðar. Ódýrt þarf ekki að þýða "óhollt", pakkasúpur, pasta, grjón og þurrir hafrar.

Því við viljum ekki eyða of miklu... vatni!

Sjáum hvað setur. Ætla að reyna að særa fram nokkrar uppskriftir, nýta afganga og lifa á aðeins meiru en bara tómötum í einu horni og kjúllabita í hinu.

Kjúllabitatómatasúpa?

Taka svo nokkrar skemmtilegar myndir í kjölfarið.

Best að fara að sanka, skrifa niður og vesenast.

Þetta er víst skemmtilegt!

Aðgerðinni "Bumbuna burt" hefur verið hleypt af stokkunum samhliða "Upp með þolið" og "Afturábak með smjörið".

Byrjaði daginn á SS (Slow-Steady) brennslu. Eitthvað sem ég hef látið ósnert í ansi langan tíma og Óóhh-heilagir og óheilagir leiðindapúkar hvað þetta getur verið skelfilega myglandi. Hélt ekki lengur út en tæpan hálftíma sökum fyrrnefndrar ástæðu.

Sem er synd. Svei... bannað að hugsa svona.

"Þetta er skemmtilegt", "Þetta eru forréttindi", "Þetta er víst skemmtilegt"... og svo framvegis í átt að jákvæða gaurnum á Akureyri.

Hann er víst svo jákvæður að hann prumpar regnbogum!

ALLAVEGA

Ég játa þó að stundum er ekkert nema ljúft að þurfa ekki að huga um neitt annað en að hreyfa á sér bífurnar og láta hugann reika. Stundum er það bara notalegt, ekki satt? Óumflýjanleg staðreynd er þó sú að einhver hreyfing er jú mun betri en engin - og almáttugur, ekki það að ég sé að setja út á SS-krúttusprengjuna sem slíka.

Ákkúrat núna... fyrir mig... þá er bara muuuun skemmtilegra að nýta tímann í HIIT eða aðrar æfingar, prófa eitthvað nýtt. Finnst ég aldrei vera að gera nokkurn skapaðan hlut ef ég hlussast á bretti eða stigavél í allan þennan tíma. Sem, ég játa aftur, er líklegast hálf kjánaleg hugsun?

Ætla þó að taka morgunbrennslu sem þessa út vikuna (ásamt Karvelio) og bera saman líðan/ástand við næstu viku, sem tekin verður á venjulegu tempói. Langbrennslan er blessunarlega yfirstaðin fyrir þennan skítkalda miðvikudag. Ég hélt, án alls gríns, að hvítan í augunum myndi kristallast sökum kulda á hlaupum inn í ræktarhús.

Get þó prísað mig sæla að einungis eru 2 dagar eftir að SS hamingju þessarar viku, og já, ég svindlaði smá - mánudagurinn var tekinn í almenna leti og "Æji, ég byrja bara á morgun..." samanber spark-í minn eigin rass pistill gærdagsins.

ÞANNIG AÐ.... morgunbrennsluleiðindapúki...

...nei, ég meina, morgunbrennsluhamingjutryllingur-> hræringur! Vinnuhræringur. Skjör/grautur/kanill/múslí. Þetta þarf ekki að vera flókið. 

Get svo svarið það. Magnað hvað ég ölska bragðið af höfrum.

Sem minnir mig á það - þyrfti að kaupa mér ristavél!!

NEI... þetta er allt saltið sko!

Ahhh. Búið.

Eins ljúf og yndisleg og jólin og hamingjan og áramótin og hamingjan og átið og ofurhamingjan eru nú, þá er alltaf gott þegar tíðin er yfirstaðin.

Bæði hvað át, at og almennt stúss varðar.

Stúss?

Þó svo maður, í mínu tilfelli, sitji mestmegnis með grautarskálina í fanginu, glápandi á sjónvarpið, nartandi í afganga í náttfötunum í viku!

Stúss?

Hmm... ekki það að þú þurfir að vera étandi ótæpilegt magn af öllu sem í sjónmáli er á meðan þetta svaðalega lýjandi "stúss" gengur yfir. Hver segir að það sé samasem merki á milli ofáts og jóla?

Enginn! En ég ofét bara samt já takk fyrir því það er ógeðslega gaman að borða!

Maður framkvæmir og uppsker eins og maður sáir og mikið djefulli var þessi uppskera svaðaleg... í gleðilegum skilningi á ská.

Munið eftir þurrkarabrókunum í sumar?

Jebb, þær eru komnar aftur. Í öllu sína bláa sjálfi með húrrandi Haaalelújah systir og Amen í bland við:

"Já nei takk, við þurrkarabrækur viljum knúúúsa þennan rass... knúúús'ann!!!".

Og oh my er hann knúsaður vandlega þennan ágæta fyrsta þriðjudag ársins 2011! Honum er vel við haldið blessuðum... hoho!

Næstu þrjár vikur verða teknar í nefið hvað matarræði varðar og aðal áhersla lögð á allt sem er hreint hreint, ferskt, brakandi og fínt. Ughh hvað ég hlakka til.

Ekki misskilja, risalamande er það besta sem til er í heiminum (að auki við nýslegnu-graslykt, humar, jólaandarfyllingu, jólaönd, síðsumarkvöld, glóðasteikta hörpuskel, karamellu....) en þegar grjónin fara að leka út um eyrun á þér þá hljómar ískaldur tómatur ekkert voðalega illa.

Þið megið samt alveg vita það gott fólk að þetta... er það sem ég er að hugsa um.

Ekki þetta!

Heldur þetta! Ohooo yeah!!!

Æfingar verða samar við sig. Matarræði súper trúper.

Nú er mál að girða bol ofan í níþrönga þurrkarabrókina og sparka í rassgatið á sjálfum sér. Neinei, þetta er ekki saltinu að kenna...

...amk ekki alfarið!

Ekkert væl. Komdu þér af stað í dag. Ekki á morgun... ekki eftir helgina. Í dag! Þú ert engu bættari með að sitja á rassinum í þrjá daga í viðbót og gúlla rísó-skál númer 54. Þú veist hvernig hinar 53 voru á bragðið.

Koma svo, af stað nú!!!

*hip hip hip*