Hvar eru allir auka klukkutímarnir sem vantar inn í sólarhringinn?

Allt of mikið að gera, út um allt, redda hinu og þessu! Mikið stuð á kvendinu!

Vinnukjúlli og grænmeti skúbbaðist ofan í maga á ljóshraða svo hægt væri að sinna hinum eilífu reddingum áður en alheimurinn ferst og tíminn klárast! Ég skóf nú aðeins af hænunni sósuna áður en bitinn endaði í munninum. Rjómaostasósur passa bara með pasta og grjónum í minni bók. Rjómaostasósa í bland við ferskt grænmeti er eigi góður kostur fyrir mína sérlegu bragðlauka! Þeir emja af ólystugheitum af einhverjum ástæðum.

 

En gott var þetta! Enda hvarf gumsið hratt og diskurinn sleiktur. Eftirrétturinn samanstóð af ... jah... vatni og ávaxtasykri, smá hýði, eplakjöti og nokkrum eplasteinum! Ég varð líka gráðug og beit í eplið áður en mynd náðist af því! Elíín þó... skamm!

 

Herre guð hvað ég hlakka til að fara á æfingu á eftir! Ég er með skemmtilegasta prógram í heimi ákkúrat þessa stundina! Svo er ég orðin svo æði fær í að berja frá mér lóða-rándýrin sem þefa uppi lóð á lausu og láta illa þegar mótlæti ber að garði!

"You lookin' at me... punk?"

Jæja... reddingum skal hér með sinna!

Rip, Rap og Rup redduðu deginum

Ég var að búast við vinnukjúlla en sænskar kjötbollur yfirtóku eldhúsið og stormuðu fram með látum! Ég barðist hetjulegum, og mjög dramatískum, bardaga við kvikindin! Ég vann!

Til reddinga ákvað ég að ráðast á eggjaforðabúr vinnunnar og rændi þar nokkrum eggjum! Held það sé í lagi að álykta að fleiri egg, en þau sem sjást hér að neðan, komu við sögu. Gúmslaði grænmeti í skál ásamt kartöflum. Æhj hvað kartöflur eru gleðilegar til átu!

Eggjarauðurnar/gulurnar/appelsínugulurnar aleinar og yfirgefnar að áti loknu! Það skal eigi borða harða og hræðilega gulu. Aðra eins skelfingu bítur átvaglið ekki í - áferðardauði!

Ágætis redding - hefði kosið kjúllann - sænskurnar máttu missa sín! Ekki alveg í stöði fyrir Swedish Meatballs! Nej!

2 máltíðir af 5

Fyrst á dagskrá! Til hamingju með daginn elsku besti pabbus! Gamli karl! Nú eru 48 ár síðan hann mætti á svæðið! Knús á pabbúla afmælisgamla!

Klukkan er ekki orðin 9 og át dagsins næstum hálfnað! Rétt tæplega hálfnað! Einn einfaldur var gúffaður af áfergju á meðan undirrituð hlustaði á vonda veðrið! Hér skelfur allt og hristist! Blístrar hvar sem rifa er á glugga! Vindur er ekki æskilegur veðurkostur í minni bók. Hann er of mikil frekja til að komast á lista! Vindur lagður saman við eitthvað annað - segjum rigningu/snjó/skaf er bara det verste som er! Fjúkandi bleyta beinustu leið í trýnið á manni gerir pirr-tauginni engan greiða!

 

 

 

 

 

 

 

Fauk í ræktina eftir grautinn. Ég bókstaflega fauk. Beint á rassinn.. ofan í poll! Fuðraðist upp í loftið á bílastæðinu fyrir utan ræktarhús og réð ekki neitt við neitt. Nokkuð magnað - ég held ég hafi ekki fokið síðan ég vart tryppi!

Eftir æfingu súkk og kók! Mikið er það eitthvað dónalegt að borða nammi svona í morgunsárið! Ég þarf að fara og kaupa mér eitthvað annað til að klappa samviskunni - þó svo hún þurfi engar áhyggjur að hafa! Þetta athæfi minnir með eindæmum 7 ára laugardagsnammigrís yfir teiknimyndunum! Ahh.. góðir tímar það!

Vinnan kallar! Vinnan ræður! Gaman að vinna!

Umrót

Ansi margt sem þarf að huga að þessa dagana. Mikið rót í gangi sem þarfnast allrar athygli átvaglsins. Matarmyndatökur hafa því ekki verið efst á forgangslista þessa helgina en bót verður þar á í vikunni sem nú er að ganga í garð.

Er þó næstum því búin að klára myndina mína. 

Ég er ekki horfin mín kæru - get svoleiðis guðsvarið fyrir það!

Svabban með í ræktina

Litla dýrið hún systir mín ætlar að taka nokkur vel valin spor með mér eftir vinnu. Þetta verður forvitnilegt.. síðast þegar hún kom með mér þá leið svo duglega yfir hana að hún varð græn í framan! Gaman að því

Morgunmatur samastóð af Scitecinu mínu og soðnum hafragraut.

Venjulegur grautur -> hafrar, vatn, örbylgja - próteini bætt út í eftirá ásamt bláberjum og að sjálfsögðu hrært duglega saman við. Set alltaf aðeins meira af vatni en þarf þegar ég bæti próteini út í grautinn. Próteinið þarf vatnið til að blandast, annars breytist grauturinn þinn í múrstein! Nema þér þyki múrsteinar góðir - sitt sýnist hverjum svosum

 

 

 

 

 

 

 

 

 

 

 

 

Þessu dúndraði ég svo inn í ísskáp á meðan ég fór í sturtu og smjattaði á með góðri samvisku, yfir fréttunum, eftir sérdeilis dásamlegt sturtubað!

Næsti bær við það að fá sér súkkulaði muffins í morgunmat! Þetta er bara gott.

Hádegisklúbburinn

Ég vaknaði klukkan 5 í morgun! Klukkan 5!! Ég reyndi að sofna aftur, mig langaði að sofna aftur, skrokkurinn á mér æpti á meiri svefn en allt kom fyrir ekki. Ég drattaðist því framúr, át minn graut og þrusaði af staði í ræktina klukkan 6. Ég held ég fái að finna vel fyrir því á morgun - spriklið var afskaplega vel af hendi reitt hjá undirritaðri! Varð meira að segja vör við eilítið massa rymj og fnas í síðustu settunum!

Sökum ólöglegs snemmvaknaðar var hádegishungrið farið að segja vel til sín uppúr 10. Aftur, þrátt fyrir að reyna og vilja halda aðeins lengur út, æpti átvaglið, maginn og andinn á mat af svo miklum krafti að óhljóðin heyrðust fram á gang! Þar af leiðandi hljóp kvendið niður í mötuneyti á ljóshraða og andaði að sér eftirfarandi disk!

 

ANDAÐI... AÐ SÉR! Ég held ég hafi étið þetta í þremur munnbitum!

Óóóguuð hvað það er gott að borða!

Menningarleg með eindæmum

Lax og ómyndaðar, en myndarlegar, möndlur í matinn! Svo geypilega fínir litir á þessari mynd...

Faust eftir klukkutíma með Dossunni. Menningarlegra verður það nú varla!

Einfaldur eggjahvítugrautur

Í sinni einföldustu. Sjáum hvað átvaglið gerir á morgnana eða kvöldið áður.

Eggjahvítur

Hafrar

Dass af vatni

Hræra smá saman höfrum, vatni og hvítum. Hér væri svo hægt að setja út í grautinn t.d. stappaðan banana, mulin hörfræ, epli, döðlur...

Inn í örbylgju í 2 mínútur - aðeins of þunnur og hræðilegur fyrir minn smekk. Hræra smá í dýrinu og inn í örbylgjuna aftur. Passa að fylgjast svolítið með gumsinu á þessu stigi, kvikindið á það til að láta illa þegar heitt verður í hamsi og yfirgefa skálina með tilheyrandi klístri og þrifum. Étanda til ævarandi hamingju og gleði.

1,5 mínútum síðar, ahh, perfecto!

Krydd og hafragrautsskrautstími. Mjög mikilvægt nema þú viljir bragðlausan ofurgraut.

Vanilludropar, rommdropar, rúslur, kaffi, smá salt, kanill, cumin, kóríander, sætuefni, smá hunang, skyr, múslí, hnetur, hnetusmjör, sulta, ávextir.... hvað vijið þið í grautinn ykkar?

Bláberin, elsku bestu bláberin

HRÆRA! Það skal ætíð hræra.

*smjatt*

Smjörepli og soðinn fiskur

Fiskur í hádeginu. Vinnufiskur. Ansi langt síðan ég borðaði hinn klassíska soðna fisk og gvöðmöndör góði og allir hans fylgdarsveinar (ef einhverjir) hvað hann var góður. Ég svoleiðis hamsaði þetta villikvikindislega.

Eftrréttur samanstóð af tveimur eplum. Þessi epli eru alveg að gera sig í minni bók. Ég veit ekki af hverju, en ég finn smjörbragð af þeim! Nú veit ég ekki hvort bændur lumi á hræðilegu leyndarmáli eða hvort bragðlaukarnir í mér séu í fönki af bestu gerð. Já.. bestu gerð! Hvort heldur sem er þá kem ég ekki til með að hætta að éta þessar smjörbombur fyrr en bragðið lætur sig hverfa - og varla þá, epli eru svo góð þegar þau eru góð.

Kjúlli og sæt kartafla fyrir æfingu! Með eindæmum gott að örbylgja sæturnar, þó svo þær verði ekki fallegar fyrir vikið, en pínkulítið stökkar/þurrar sem jafngildir áferð/bragði á frönskum kartöflum eða kartöfluflögum. Það gerist varla betra fyrir átvaglið og græðgispúkann. Þessi mynd er samt hræðilegri en orð fá lýst. Keith Richards kjúlli?

Eðal æfing framundan - hvort ég haldi hana út eða ekki á eftir að koma í ljós. Barsmíðar gærdagsins skildu svo sannarlega eftir sig merki.

Súkkulaðibúðingur og kók eftir æfingu

Jah...

...svo gott sem!

Scitec og hlaup! Dúndur fínt ét eftir svaðalega fín átök!