Karamellu kanilpopp með pecanhnetum og súkkulaði

Enn einn vel heppnaður nammidagur yfirstaðinn og sálin tilbúin að takast á við aðra, frekar æðislega viku, fulla af hnetum, harðfisk, kjúlla og öðru uppáhalds fæði. Eins og nammidögum, a la Ella, sæmir var hið sígilda nammi keypt. Hnetu- og nammibland, Nóakropp og fylltar lakkrísreimar. Bara svo þið vitið, þá er Nóakropp og fylltar lakkrísreimar uppáhalds nammið, fyrir utan ís, og skal ætið borða saman! Það er hin fullkomna nammitvenna. Lakkrís, marsipan, súkkulaði og crunch!

Ofnbakaða ziti-ið fékk að líta dagsins ljós. Svaðalega fínt pasta með tómat-basilsósu, parmesan, mozzarella og hakki. Með fylgdi hvítlausbrauð og baguette. Þetta var æði!

Svo bjó ég til svolítið sem ég ætla að gera aftur... og aftur... og örugglega aftur! Ofnbakað KARAMELLUPOPP! Þetta var brjálæðislega frábærlega fínt! Karamellan harðnar utan á poppinu og það verður stökk og skemmtilegt að bíta í, bragðið æði og áferðin el perfecto.

Og vitið þið hvað... það er næstum því betra, ef ekki í sama sæti og Nóakropp, út á ís! Næsta laugardag ætla ég að búa mér til bragðaref með karamellupoppi einvörðungu!

Mér til mikillar furðu þá kláraðist nammið ekki! Það varð reyndar svo mikið eftir að næsti nammidagur er nokkuð góður bara! Hinsvegar hvarf poppið á nokkrum mínútum, síðasta Nóakroppskúlan var kláruð fyrir 21:00 og ísinn tekinn með trompi.

Það er amk nokkuð augljóst hvað er vinsælast í Gúmmulaðihellinum!

Athugasemdir

[Hungradur (IP-tala skráð) 11.10.2009 kl. 11:01]

Thú segir ad áferdin á karamellupoppinu sé "el perfecto"   

Thad sem thú meinar er náttúrulega ad hún sé el perrafecto.

[Dossa (IP-tala skráð) 11.10.2009 kl. 11:03]

Ég er mjög gráðug í að fá að smakka karamellupoppsið

[Elín Helga Egilsdóttir, 11.10.2009 kl. 12:36]

hahhaha

Perrafecto popp og Dossan fær að smakka!

[Erna (IP-tala skráð) 12.10.2009 kl. 10:50]

Ég kaupi mér stundum svona karmellupopp á Spáni og líkar vel. Hefur ekki dottið í hug að setja það á ís en það verður án efa prófa fljótlega. Ú je!