Hleðsla og afhleðsla

Ég veit ekki hvað ég get kallað það annað. Ég er að detta inn í hleðsludag og Erna, elsku besta Ernan mín er upp á fæðingadeild að ... jah... af.. hleðsla? Ég get ekki beðið eftir því að sjá litla jólasnúðinn! Ef allt gengur vel þá verð ég orðin ská-frænka í kvöld Getur maður beðið um betra start á jólafríinu sínu? Hihi!

Er líka búin að baka allt og pakka ofan í jólapakkana mína og á bara eftir að keyra þá út til fjölskyldu og vina.

 

 

 

 

 

 

 

 

 

 

 

 

 

Nú þarf ég bara að þrífa húsið og pakka inn gjöfum til yngri fjölskildumeðlima, fast og slegið á morgun, og þá - ójá, þá tekur við almenn leti og hamingja fram að jólum! Það er komið að þessu, ég trúi því ekki!

Er að skúbba mér á æfingu eftir klukkutíma. Í tilefni af því útbjó ég hleðslugraut í morgun. Aðeins öðruvísi en venjulega og nei... þennan ætla ég sko ekki að gera aftur! Alls ekki vondur, alls ekki - en áferðin, óguð! Áferðin var vægast sagt óæskileg á köflum!

Mig langaði svo að prófa að setja eggjahvíturnar saman við vatn og hafra og sjóða upp. Þá er ég ekki að tala um 1 eða 2 hvítur heldur allan skammtinn og sjá hvort gumsið myndi breytast í eitthvað stórfenglegt. Ég er voða mikið í þeim gírnum að skúbba öllu sem ég finn saman í graut!

Vatn, hafrar, krydd, banani og eggjahvítur í potti.

Næstu stig grautaráferðar dauðans, fyrir kanil og eftir.

Komið í skál - lítur nú yfirleitt vel út í skálinni.

 

 

 

 

 

 

Næst bý ég mér til pönnsu, nú eða hef eggjahvíturnar sér og borða grautinn eintóman með banana og sultu. Ég mæli eindregið með því að þið prófið þetta ekki! Ég er samt viss um að ef ég væri lokuð inn í herbergi með höfrum og límbandi, þá gæti ég búið til sprengju, þó svo þessi skál hafi verið hálf úldin!

007Elín!

Athugasemdir

[Hungradur (IP-tala skráð) 19.12.2009 kl. 19:23]

 Thú ert í gódum tíma búin ad gera allt fyrir jólin...thad er snilld.  Venjulega er fólk ad stressast á sídustu stundu.  En tharftu ad thrífa húsid aftur?  Thá er bara ad fara á bókasafnid og naela sér í gódar baekur til ad lesa fram ad jólum?

[Heba Maren (IP-tala skráð) 19.12.2009 kl. 20:59]

seiwhat?

eg set alltaf vatn og eggjahvitur og hafra ogstóð í þeirri meiingu að u gerðir það líka hahaha.... 

mér finnst vatn/eggjahvitur hafragrauturinn alveg ágætur... 

laugardagsknús :#

[Elín Helga Egilsdóttir, 19.12.2009 kl. 22:42]

Hungraður: Lokaþrif - bara svo fullkomnunarskrímslið fái sálarró.

Heba Maren: Hann er nefnilega fínn, ég set hann alltaf í örbylgju og þaðan kemur hann út í fínum málum. Ég veit ekki hvað gerðist... eitthvað hræðilegt!

[Steingrímur Helgason, 19.12.2009 kl. 22:52]

Mar er alveg hættur að zmella í margengz með gömlum eggjahvítum.

Nú grautar maður með í meðvirkninni.

Hættulega gott & fínt.

[Elín Helga Egilsdóttir, 20.12.2009 kl. 21:19]

Almennilegt nokk! Meðvirkir grautarfélagar eru góðir félagar og góðir grautar eru ómissandi.

Maður ætti kannski að útbúa maregns graut... í anda jólanna að sjálfsögðu!