Vanillu-rommdropabætt prótein með kanilristuðum möndlum

Þetta er ekkert nema gott. Svo mikið nammi að það fær sér blogg og skref fyrir skref útskýringar! Mikið gúmmó verð ég að segja. Því miður eru myndirnar í vondum fílíng - seint að kveldi, rassgatavél og letin yfirtók undirritaða

Setja prótein í ílát. Ég notaði hreint prótein og eitt af mínum heimsfrægu plastílátum til að taka með í vinnuna.

Setja örlítið af vatni - ég setti reyndar aðeins of mikið fyrir minn smekk.

Hræra.. og hræra vel.

Hellú my pretties. Mætti jafnel bæta út í próteinið kaffi! Hmm....?

Núna sé ég þig!

Núna ekki!

Kremja möndlur - þarf ekki, mjög mikið gúmmó að hafa þær heilar líka. Væri svosum hægt að nota hvaða hnetur sem er.

Hella í bolla, kanilstrá og inn í örbylgju í um það bil 2 mínútur. Ef þú vilt hafa þær stökkar, hafa lengur, en passa að þær brenni ekki. Líka hægt að rista þær á pönnu eða í ofni - aðeins betra, aðeins meiri fyrirhöfn.

Hella út á próteinið...

...og hræra saman. Hér má svo t.d. salta smá, setja meiri kanil.

Loka boxi, setja inn í ísskáp og daginn eftir - KARAMELLUGLEÐI!

Athugasemdir

[Karen (IP-tala skráð) 23.11.2009 kl. 22:26]

vá ætla að prófa þetta á morgun hihihi

hvenær ertu að borða þetta yfir daginn ?? ef eg má spurja :)

[Elín Helga Egilsdóttir, 24.11.2009 kl. 06:48]

Þetta er iðulega milimál eða fyrir svefninn. Mjög gleðilegt skal ég þér segja. Líka gott að setja hnetusmjör í staðinn fyrir hneturnr, verður þetta að þykkum búðing. Nohm!

[Laufey Sigurðardóttir (IP-tala skráð) 24.11.2009 kl. 15:07]

herðu þetta litur vel út !! þetta ætla ég sko að´prófa !!

Enn og aftur takk kærlega fyrri frábærar uppskriftir !

Laufey Sig.

[Elín Helga Egilsdóttir, 24.11.2009 kl. 21:21]

Ég prófaði þetta með nýju próteini um daginn. Uss hvað próteinið hefur mikið að segja hvað varðar bragð.  Nokkuð magnað - hélt að þessi hreinu prótein væru svo gott sem sama sullið

[Halla (IP-tala skráð) 25.11.2009 kl. 09:05]

Snilldaruppskriftir hérna hjá þér og gott að fá nýjar hugmyndir að hollustumötum. En geturðu sagt mér eitt.. hvaða prótein ertu að nota í þetta?

[Elín Helga Egilsdóttir, 25.11.2009 kl. 09:17]

Þessi blanda innihélt hreint vanillu SciMx. Hef líka verið að nota GRS-5 próteinið frá þeim. Þykir það æði. Ég persónulega og prívat vél mér alltaf hlutlaus prótein (vanillu, banana...) því ég er komin með ofnæmi fyrir súkkulaði/kökudeigi.... Vanillupróteinið á það reyndar til að verða sjúklega væmið, en þetta sleppur í minni bók. Sérstaklega ef maður bragðbætir og kætir

[Kristín Bjarnadóttir (IP-tala skráð) 25.11.2009 kl. 13:03]

Þú ert algjör snilli, hef verið að kíkja hér inn og fá hugmyndir, bara takk fyrir mig,

ég hef sett neskaffi 1 tsk. í minn próteindrykk, það er mjög gott.

[Elín Helga Egilsdóttir, 25.11.2009 kl. 17:00]

Takk fyrir það Kristín. Neskaffi er góð hugmynd. Stundum er smá kaffibragð svo svaðalega gott!

[Jana Naglalærisveinn (IP-tala skráð) 27.11.2009 kl. 20:58]

Ég sit í þessum töluðu og háma í mig þessa dásamlegu blöndu! Er þetta eitthvað grín!? Þetta er næstum því jafn gott og vesturbæjarís... Og þá er nú mikið sagt!

Frábær síða. Frábærar uppskriftir. Frábær hvatning.

[Elín Helga Egilsdóttir, 27.11.2009 kl. 23:10]

Karamellu crunch hamingjusprengja! Þetta er sóðalega gott!

Takk fyrir eðalorð Jana og gaman að heyra að þetta hafi smakkast vel. Alltaf gleði að fá "feedback".