Afgangar og árshátíð númer 2

Get ekki lýst ánægju minni og gleði nógsamlega yfir því að vera komin á ról aftur! Fór meðal annars í ræktina í morgun, Palla til mikils ama sökum veikinda í vikunni sem leið. Honum þótti þetta heldur heldur snemmt í rassaköst og æfingar en þrjóskan gaf sig ekki. Í ræktina strunsaði kvendið og tók almennilega á því. Verður bara að segjast eins og er - þessi æfing var assgoti fín og undirrituð svakalega spræk miðað við drykkju síðustu helgar, átmynstur vikunnar og veikinda.

Hádegismaturinn og viðbit - annar dagur í endurhæfingu. Æðislega, frábærlega fína grænmetissúpan mín, afgangur síðan í gær, og skyrgums. Ugh hvða þessi blessuðu skyrgums eru subbuleg og ómyndarleg alltafhreint. Eins æðislega góð og þau geta verið. Kátur skrokkur, glaður magi!

 

 

 

 

 

 

 

Árshátíðin hans Palla er svo á morgun... á Selfossi, trúið því eða ekki!

Jáneitakkfyrirgóðandaginn - ég fæ mér sko ekki að drekka í þetta skiptið!

Athugasemdir

[inam (IP-tala skráð) 13.11.2009 kl. 16:12]

Hvaaaaa, færð þér einn G&T. Ekkert nema gott fyrir heilsuna á dimmu vetrakvöldi!

[Elín Helga Egilsdóttir, 13.11.2009 kl. 19:46]

Miðað við veikindin sem herjuðu á mig eftir síðustu drykkju, viðkomandi drykkjunni sjálfri eður ei, þá spila ég það kúl á morgun.