Bruscettu hafrar með ólífum og eggi

Fallegur morgunn. Virkilega notalegur. Sit hérna frammi með morgunmatinn minn, kisarnir sofandi í sitthvoru horninu.

 

 

 

 

 

 

 

Pallinn sefur inn í herbergi og það heyrist ekki múkk úti! Mikil kyrrð yfir öllu.

Bruscettu hafrar með ólífum og eggi

Sjóða saman

dl af höfrum, rúmlega

1 - 2 eggjahvítur

3 - 4 svartar ólífur

1/4 marið hvítlauksrif

salt, pipar, hot sauce, basilika eftir smekk

2 dl vatn

Hrært saman eftir suðu

1 þunn sneið smátt skorinn rauðlaukur

1 niðurskorinn tómatur

2 - 3 steiktar/örbylgjaðar eggjahvítur

Hafragrautsskraut

1 heilt steikt egg, salsasósa og smá steinselja.

Svo gott þegar eggjarauðan ákvað að leka ofan í grautinn. Hólý mólýness og allir englarnir! Ef þið hafið ekki prófað að setja egg á hafragraut, mæli ég með því að þið gerið það núna! Svaakalega gott!

"Eftirrétturinn" voru frosin jarðaber sem ég stakk ofan í pínkulítið af þykkt blönduðu próteini með kanil.

Væri til í að prófa graut með t.d. blöndu af kryddunum sem voru í kjúllanum í gær. Kanill, cumin, kardimommur, engifer, hvítlaukur og blanda út í hann vel steiktu grænmeti - væri ábyggilega geggjað! Jafnvel útbúa amerískan morgunverð úr graut og bæta við eggjum, beikoni og smá sýrópi!

Hohoooo... ætla að leggjast í víking í grautarkryddi á næstu vikum og sjá hvort eitthvað stórkostlegt eigi sér stað!

Athugasemdir

[Dossa (IP-tala skráð) 18.10.2009 kl. 12:20]

Jömm  - verði þér að góðu sprellan mín

[Elín Helga Egilsdóttir, 18.10.2009 kl. 12:35]

Þeink jú Mér varð mjög að góðu.

[Hungradur (IP-tala skráð) 18.10.2009 kl. 12:47]

Slef, slef og slef....ME LIKE!!....HIGH FIVE!!! (Borat voice)  Kettir eru mín uppáhaldsdýr.  Býr thú í sveitinni?...Mosfellsbae kannski?

[Elín Helga Egilsdóttir, 18.10.2009 kl. 14:16]

Á góðum stað í Garðabæ með þennan fína hól fyrir utan! Eins og vinur okkar sagði þegar við fluttum inn:

"Glæsilegt... svo eruð þið með dvergahól í bakgarðinum og allt"!

[Steinunn (IP-tala skráð) 18.10.2009 kl. 18:52]

Sætu kisur! :) Hvaða tegund eru þær? persar?

[Elín Helga Egilsdóttir, 18.10.2009 kl. 19:21]

Þetta eru fyrsta flokks síðhærðir fjósakisar

[Helga Ólafsdóttir (IP-tala skráð) 18.10.2009 kl. 20:59]

svakalega er gaman að lesa þessi bogg hjá þér

þú ert alveg hrikalega dugleg

... og maturinn hjá þér örigglega æðislega hollur og góður

tek þig til fyrirmyndar, mig dreymir um að geta hugsað svona vel um matinn sem ég borða í framtíðinni

kv 15ára lesandi

[Elín Helga Egilsdóttir, 19.10.2009 kl. 12:22]

Sæl Helga mín

Ég verð meyr eins og fyrsta flokks nautalund við að lesa þetta. Ástarþakkir fyrir - nú er ég ekkert smá góð með sjálfa mig

Ég efast ekki um að þú getir tekið "hollustupakkann" með trompi. Eitt veit ég - ef ég gat það, þá geta allir það

Njóttu lífsins mín kæra.