Möndlu- og kanilrækjur

Ójess! Mmmmmm... ég og kanill! Ég og möndlur!!! Kanill + möndlur = heilög hamingja og gleði!

Möndlu- og kanilrækjur - Fyrir 2

Tæp 400 gr. rækjur (ég notaði þessar litlu sætu)

1/2 tsk kanill

1/4 tsk chilli pipar

1/2 tsk paprika

salt og pipar eftir smekk

1 bolli möndluspænir

Tómatar, grænar baunir, laukur....

 

Byrja á því að þurrrista möndluflögurnar og setja svo til hliðar. Blanda saman rækjum, kanil, chilli pipar, papriku, salti og pipar og þekja rækjurnar vel í blöndunni. Steikja grænar baunir, niðurskorna tómata og lauk á pönnu þangað til tómatarnir eru orðnir mjúkir. Salta og pipra eftir smekk. Taka meginpart grænmetis af pönnu og setja til hlipar. Bæta þá rækjunum út á pönnuna og léttsteikja. Koma grænmeti fyrir á disk, rækjum þar ofan á og hella svo möndluflögum yfir.

Þetta var svaka fínt og bragðgott. Næst ætla ég þó að sleppa grænmetinu, steikja rækjurnar upp úr smá olíu og útbúa avocadomús (næstum eins og kartöflumús) til rækjudýfingar! Yrði án efa geggjað! Tómatarnir eru jú nokkuð blautir og að steikja rækjurnar upp úr tómatsafanum deyfði kannski svolítið bragðið, en gott var gumsið engu að síður!

Ætla að sjá hvernig olíusteiking og avocadomús fara með í næsta holli. Alveg spurning hvort þetta nái ekki á uppáhaldslistann eftir slíkt make over!

Athugasemdir

[Dossa (IP-tala skráð) 15.9.2009 kl. 23:03]

U be da cleverezt!

[Sólveig Ara (IP-tala skráð) 15.9.2009 kl. 23:37]

Hugmyndaflugið hjá þér í matargerð er alveg brill......enda ertu alveg brill sjálf

Bestu kveðjur,

Sólveig.

[Elín Helga Egilsdóttir, 16.9.2009 kl. 09:28]

Oh, takk fyrir báðar tvær.