Banana og peru kjúlli

Enn einn ofnbakaður kjúklingaréttur...

...en þeir eru bara svo góðir, og þessi... oh men! Hann heppnaðist æðislega vel. Verst að ég skrifaði ekki niður nákvæmlega hvað ég setti í hann! Það vill oft verða þannig - gúmsla einhverju saman og húha, gleði og hamingja í dós... eða fati... eða bökunarformi...

Bjó til marineringu úr létt-AB mjólk, ögn sýrðum rjóma, hunangi, hunangs dijon sinnepi, paprikukryddi, engifer, chilli, salti, pipar og þurrkaðri steinselju. Skar svo niður 1 banana og 1 peru ásamt 1 bolla af grænum baunum. Hræði öllu saman og leyfði kjúklingalundunum að marinerast í 2 tíma tæpa. Stráði loks yfir herlegheitin rauðlauk, og osti yfir helminginn. Inn í ofn í 40 mínútur, um það bil, eða þangað til kjúllinn er eldaður í gegn.

Skemmtileg tilraun. Mikið bananabragð af kjötinu og smá engiferspark í eftirbragð. Perur og bananar með kjúlla er alveg að gera sig. Nú þarf bara að prófa sig áfram þangað til eitthvað stórmerkilegt gerist! Mér þykja þessi hráefni t.d. æpa hástöfum á kókosmjólk og eitthvað gott karrý!

Athugasemdir

[Hungradur (IP-tala skráð) 10.8.2009 kl. 18:54]

Strange kombó!.....ekki viss um ad ég vilji prófa

[Elín Helga Egilsdóttir, 10.8.2009 kl. 22:07]

Hehe... alltaf að smakka allt einusinni