Einn, tveir og föstudagur

Viljið þið bara sjá hvað beið mín glæsilega fínt þegar ég mætti í vinnuna í morgun!

Það fyrsta sem ég gerði!

Ég þefaði reyndar af gumsinu áðu en ég smakkaði!

Antje mín kær útbjó graskers og gulrótarsultu í gær og gaf mér afleggjara!

Sultan er stútfull af engifer og kanil og kryddum og allskonar gleðilegu skemmtilegu. Sultan... er... æði! Ég sé allskonar grautar- og/eða skyrgleði fyrir mér á komandi dögum!

Takk fyrir eeeeeelsku besta að hugsa til mín

Er annars mikið að gúddera grænmetisátið í eftirmiðdaginn. Þykir það með eindæmum gott og gleðilegt. Fyllir svartholið, friðar átvaglið og þessa furðulegu þörf mína fyrir að... jah... tyggja?!?

Hljómar kjánalega en ég hef því miður ekki betri skýringar á þessu athæfi sem stendur.

Spáið svo í því elsku fólk. Nóvember! Nóvember eftir tvær vikur og þið vitið að maður telur aldrei líðandi mánuð svo það er eiginlega bara mánuður í jólin! Hversu ógeðslega æðislegt er það?

Rökfræði mín í niðurtalningum er óbrigðul!

Dagskrá næstu vikna er annars sem hér segir:

• Erna vinkona flytur eftir tæpa viku! Við erum búin að bíða í 7 mánuði eftir því. Já við.. ég er svo gott sem alveg jafn óviðráðanlega spennt!
• Ég flyt eftir 1,5 viku! Jebb... meira um það síðar :)
• Okkar árlega fjölskyldu Halogenpartý eftir tvær vikur.
• Uppáhaldshittingur eftir 2,5 vikur.
• Árshátíð eftir 3 vikur.
• Árleg Þakkargjörðarháðtíð okkar vinanna í lok nóvember og svo barasta... jólin! Ööööölska jólin!
• Jólaskraut, jólaljós, jólabíltúrar, bakstur, smákökur, jólaönd, jólafylling, graflax, risalamande, kertaljós... jólajóla!

Ok.. að öðru!

Ég hef ákveðið að kaupa mér kort í ræktarhúsi. Já, ætla að taka intervalæfingarnar og jú, ég kem kannski til með að hvíla lyftingar á meðan, en það er ágætt að hafa aðgang að stöð sé veðrið Ömmi eða eitthvað álíka.

Þar af leiðandi langar mig að bera eina spurningu undir ykkur.

Hvar mynduð þið kaupa ykkur kort? Meðmæli, mótmæli, afmæli?

Þar sem ég hef bara verið að sniglast í Sporthúsinu, síðastliðin 3 ár eða svo, þekki ég lítið annað. Hið fínasta ræktarhús. Bara spurning hvort ég prófi eitthvað nýtt?

Annars er aftur kominn föstudagur, fyrir ykkur sem ekki tókuð eftir því. Munið þið ekki? Yfirleitt kemur sunnudagur svo mánudagur. Hálfur þriðjudagur og svo... föstudagur! Ástæðurnar fyrir þessum hamagangi í tímanum eru óútskýranlegar og dularfullar mjög. Veit ekki hvert innvols vikunnar hverfur alltafhreint, en eitthvert fer það, svo mikið er víst.

Mitt takmark í lífinu verður því hérmeð að komast að því... ásamt því að finna uppskrift að hinni fullkomnu ostaköku.

Ábendingar/tillögur vel þegnar.

Og af því hún Dísa bað svo fallega, þá er þetta tannburstinn minn!

Hann heitir Jóhannes!

Athugasemdir

[Hungradur (IP-tala skráð) 22.10.2010 kl. 16:01]

Kaupi ekki kort og get thví ekki hjálpad thér thad....minn tannbursti heitir Brown (rafbursti).

Antje er hetja!

[Hungradur (IP-tala skráð) 22.10.2010 kl. 16:02]

...hjálpad thér thar...

[Kristín (IP-tala skráð) 22.10.2010 kl. 20:03]

Getur örugglega fengið vikupassa víða til að prófa - ég mæli með Hreyfingu :)

[Fannar Karvel (IP-tala skráð) 22.10.2010 kl. 22:21]

Verandi á ENGAN hátt hlutdrægur, þá segji ég Sporthúsið. Gaman að sjá einhvern taka almennilega á því á morgnana :)

[Ásta S (IP-tala skráð) 22.10.2010 kl. 23:32]

Hreyfing er málið ... :)

[Hulda B (IP-tala skráð) 23.10.2010 kl. 18:43]

Ég mæli með Heilsuakademíunni.

[Steingrímur Helgason, 24.10.2010 kl. 00:37]

Hrezz, Linda er fín & ztutt að fara úr Ázbúðinni.

[Soffía Sveinsdóttir (IP-tala skráð) 24.10.2010 kl. 17:02]

Sporthúsið, feels like home

[Erna (IP-tala skráð) 24.10.2010 kl. 22:12]

Já jiminn hvað það er mikið að gerast á næstunni! Bara skemmtilegast sko!! :D Mmmmm tugurkeyyyy..

Þú ert nú svolítið mikið krútt að setja minn flutning fyrir ofan þinn flutning í þessari upptalningu þar sem þeir eiga sér stað á sama tíma.. ;) en við tökum þetta allt í sameiningu og DoubleD-um báðar íbúðirnar í hakk!! :)

Er ekki best fyrir þig að ræktast sem næst annað hvort komandi heimilinu eða þá vinnunni??

[Elín Helga Egilsdóttir, 25.10.2010 kl. 09:08]

Hungraður: Já, hún Antje er ofurkona!

Kristín: Satt - sniðugt að prófa það!

Fannar: Hahah  Eins og Soffía segir - heima er best!!

Ásta/Hulda/Steingrímur: Kannski ég vikupassi þessar stöðvar - takk fyrir ábendingarnar

Erna: Tugurkey indeed! Hahh.. við rústum, mössum, og eitthvað meira kúl, þessum flutningum!!!

Það væri æskilegt að ræktarhúsið væri í leiðinni í vinnuna jú - nema ég dembi mér í þetta intervalheimadæmi - sjái svo til eftir jólin!

Sem minnir mig á það - þarf að skerpa aðeins á þessu við "áhugasama"