MEIRA.... spínat, MEIRA...chia

Nú úr því ég keypti spínatpoka sem dugar ofan í 32,5 svangar Elínar þá er eins gott að nýta það.

Eins og Stella í orlofi og laxaævintýrið!

Spínatbollur, spínatsamlokur, spínatgrautar, spínatnammi...

...spínat í eggjahvítuköku ásamt grænu, dijon og smá balsamic?

Jebb. Fékk mér svoleiðis í morgunmat. Nánari útlistun er væntanleg síðar en í eggjahvítukökunni leynist...

 ...CHIA! Jebb. Blandaði þeim við hvíturnar í gærkveldi. Aftur... nánari útlistun væntanleg síðar en gaf skemmtilegt kram fyrir áferðaperrann.

Konan sem át einvörðungu spínat og chia og lifð hamingjusöm til æviloka...

...þangað til súkkulaðiframleiðslu alheimsins var hætt, kaffibaunum stútað, kveikt í öllum chiaplöntum og ís þurrkaður af yfirborði jarðar sökum einskærrar illkvittni og allmenns leiðindapúkaskapar!

Almenns... leiðindapúkaskapar?  Hmmm!

Einn gúllsopi af þessu og ómyndaður kaffibolli sem ég er að sötra núna.

Þó svo gumsið hafi verið æði gott, og ég á góðri leið með grænmetisátfjölgun, þá þykir mér alltaf svo dónalegt að fá mér ekki graut eða skyr eða eitthvað... jah... sætt, í morgunmat. Morgunmatur er helgistund fyrir átvaglið mín kæru. Eitt af mínum uppáhalds étum! Fyrir mér eru eggjahvítukökur, grænmeti, pulsur, salt salt salt, eitthvað sem maður borðar í hádeginu eða kvöldin. Var svolítið eins og morgunmatnum hafi verð rænt af mér í dag. Sorgin einar!! Bætti því smá vanillu torani út í eggin áður en ég steikti, bara til að fá fílínginn en jú, er hálf allsber og ómöguleg í morgunmatsperranum á mér!

*grát* átið var samt skemmtilegt og gleðilegt og fiðrildi og regnbogar *grát*

Tók svo eina Stunu í morgun. Eitt klapp fyrir því!

Krappedísúlu!! Armbeygjur langsamlega erfiðastar og froskar stúta fótum.

38:26 mínútur. Í staðinn fyrir "moon runner", þar sem ég var ekki með svona ægilega fínt dýfutæki, tók ég venjulegar dýfur á bekk, tekur skemmri tíma.

Góður dagur í dag? Já... já það held ég nú takkfyrirsælir!

Athugasemdir

[Unnur (IP-tala skráð) 12.10.2010 kl. 12:51]

Vá verð að prófa eggjahvítur og Chia !

[Harpan (IP-tala skráð) 12.10.2010 kl. 16:13]

Hæ... Mér var sagt að maður eyðileggi næringarefnin í chia fræjunum ef maður eldar þau?? Vildi bara láta þig vita

[Elín Helga Egilsdóttir, 12.10.2010 kl. 16:39]

Unnur: Þetta var skemmtilegt fyrir áferðaperrann!

Harpan: Já, held það sé sömu sögu að segja með hnetur/fræ ofr. Of mikill hiti = death.

[Erna (IP-tala skráð) 13.10.2010 kl. 09:04]

Segi það sama með morgunmatinn. Mikilvægasta máltíð dagsins hjá mér og ef ég fæ ekki góðan þá er ég ónýt!