Dollugrjón og þvottahvítur

Sjáið hvað ég fann í Krónunni!

Er ég kannski svona sein í þessu öllusaman? Er þetta búð að vera til að eilífu?

Var svo spennt að ég opnaði sullið í bílnum í dag og jah...

...bragðlaust!

Áferðin hin ágætasta svosum... kannski svolítið hlaupkennt, en virkar.

Smá vanilludropar + kanill og þið hafið til taks nokkuð fjarskyldan frænda risalamande en étanlegan engu að síður.

Alltaf er maður að finna eitthvað "nýtt".

Talandi um eitthvað "nýtt".

Fann einnig þessa snilld í Krónunni blessaðri! Jebb... þetta... er bara eggjahvítugleði! 1000 kall brúsinn.

Var einmitt að útbúa mér graut fyrir morgundaginn úr þessu.

Þetta lítur samt út eins og þvottalögur.

Ef annað augað byrjar að herpast óeðlilega mikið saman að grautaráti loku skal ég láta ykkur vita.

Athugasemdir

[Rut R. (IP-tala skráð) 27.9.2010 kl. 10:27]

Vá hvað ég verð að komast úr sveitinni og í Krónuna!!!!!!

[Elín Helga Egilsdóttir, 27.9.2010 kl. 15:20]

Já.. Eggjahvítur og Torani sýróp!

Næstum allt sem þarf í grautinn ;)

[Halla (IP-tala skráð) 27.9.2010 kl. 20:14]

ég þá líka sein og hef aldrei séð grjónagraut í dollu! er hann jafn góður og homemade??

þarf að finna þessar eggjahvítur í krónunni, finnst 2,5 lítrarnir aðeins of stór brúsi fyrir minn smekk! líter er hæfilegur, rúmast líka betur í ísskápnum og minni líkur á því að kallinn hendi honum sökum plássleysis ;)

[Elín Helga Egilsdóttir, 27.9.2010 kl. 20:25]

ohh get ekki sagt að hann bragðist jafn vel nei - hálf bragðlaus og hlaupkenndur, en reddast með vanilludropum og smá örbylgju :)