Kálfar eru ekki sem verstir

Kálfakjöt í hádeginu! Ég fékk mér smakk - það var æði! Með þessu dýrindis fóðri borðaði ég að sjálfsögðu grænmeti.. ferskt spínat. Ohhh.. mikið er ferskt spínat gleðilegt að bíta í og borða.

Glæsilega fínir litir!

 

 

 

 

 

 

 

Í spínatinu földu sig líka nokkur jarðaber! Grænn og rauður gerir góða hluti í myndatökum. Það verður bara að segjast.

 

 

 

 

 

 

 

Hamagangurinn var annars svo mikill í átinu að einn kálfurinn tók á rás og halelúja hoppaði með stæl út af disknum. Paprikan fylgdi í humátt á eftir. Ég reddaði ástandinu þó án þess að margir tækju eftir - meira að segja með myndatöku innifalinni.

Stuttu seinna, um það bil einum munnbita seinna, tók ég svo assgoti vel á öðrum bita á disknum mínum að hann spratt upp með tilhlaupi og subbaðist á borðið með hljóðum og óhljóðum "slubbbfff". Tók að sjálfsögðu með sér í stungunni nokkrar paprikur! Veit nú ekki hvaða dularfulla vinasamband er á milli paprikunnar og kálfsins!

Mikil hádegisátstilþrif í dag! 

Jæja.. æfing á eftir. Ég get ekki beðið! Hihhh...

Athugasemdir

[Hildur Helga Sigurðardóttir, 10.2.2010 kl. 14:39]

Hljómar eins og dýrindis máltíð ! Amma mín eldaði besta kálfakjöt í heimi, í rjómasósu með sveskjum. Hvers vegna er kálfakjöt varla borðað lengur á Íslandi ?

Spínat rokkar svo bara með öllu !

[Elín Helga Egilsdóttir, 10.2.2010 kl. 15:11]

Oh já, þetta var æðislega fínt! Held ég hafi sárasjaldan borðað kálfakjöt - svo langt síðan að ég man amk. ekki eftir því.

[Heba Maren (IP-tala skráð) 10.2.2010 kl. 21:39]

ég er svo heppinn að kæróinn minn er úr sveit og við fáum heimalagað folaldakjöt, hrossakjöt og hakk, lamb ofl alveg fríkeipis... og folaldakjötið er bara mjög gott. en getur verið seigt undir tönn ef það er of eldað..

[Hildur Helga Sigurðardóttir, 10.2.2010 kl. 22:40]

Fyrir mörgum árum kom ég á bæ þar sem feitt hrossakjöt var á borðum. Þetta var ólseigt og trefjótt -og fitan gulgræn !

Það var nóg til og gestir óspart hvattir til að taka nú vel til matar síns. Vildi ekki særa þetta góða og gestrisna fólk með gikkshætti og borgarstælum, enda almennt ekki matvönd. Borða hins vegar ekki hrossakjöt síðan -ótileydd.

[Vilhjálmur Örn Vilhjálmsson, 10.2.2010 kl. 23:41]

Sjaldan launar kálfur ofeldið. Af myndunum að dæma, er þetta enginn ungkálfur sem þú gerðir að fyrirsætu í dag. Eru jarðaberin farin að spretta í hitanum á Íslandi?

[Elín Helga Egilsdóttir, 11.2.2010 kl. 02:42]

Jahh... ungkálfur eður ei - ketið var gott og það væri óskandi að fá jarðaber í febrúarhitanum. Furðuveður með eindæmum.

[Anna Ágústa Bjarnadóttir, 11.2.2010 kl. 09:56]

þetta með kálfakjötið,þá hef ég verið svo heppinn að fá ekta ungkálfakjöt í sveitinni,,svona þegar við eigum leið þangað,,og þá er það eldað ekki ósvipað og nautakjöt,svo hrikalega gott en ólíkt meðlætið með ketinu í sveitinni,en hér suður með sjó

góður sveitamaturinn

[Erna (IP-tala skráð) 11.2.2010 kl. 10:37]

Svo girnilegir hjá þér diskarnir alltaf, litríkir og stútfullir af vítamínum! :)

[Ragnhildur Þórðardóttir, 11.2.2010 kl. 12:05]

Kálfar, folöld, kjúklingar, egg... af hverju er allt ungviði svona bragðgott??

Tja, nema lamb reyndar.

[R (IP-tala skráð) 11.2.2010 kl. 13:21]

Innilega sammála fyrri ræðumanni :) Og ánægð með að vera ekki eina manneskjan 'í heiminum' sem er ekki hrifin af lambakjöti :p

[Sylvía (IP-tala skráð) 11.2.2010 kl. 18:02]

ég skal taka undir ykkur með það, mér finnst lambakjöt ekkert spes...  Gleymdir folaldakjöti Ragga, það er yndislegt...!!

[Elín Helga Egilsdóttir, 11.2.2010 kl. 18:18]

Sammála - lamb og svín eru ekki í uppáhaldi hjá mér. Folald og naut er efst á vinsældarlistanum.

[Ragnhildur Þórðardóttir, 12.2.2010 kl. 12:08]

Neibb gleymdi því ekki neitt enda í miklu uppáhaldi *slef*