Morgunmatur í kvöldmatinn

Nú er sumarfríið gengið í garð. Það tekur á móti mér með blússandi blíðu, hengirúmi, kettlingum og mikið af mat! Gæti ekki verið betra. Þetta veður er líka ótrúlegt. Verður allt svo mikið fínna og skemmtilegra þegar himininn er blár, grasið er grænt og 66 gráður norður eru ekki frussandi í andlitið á manni!

Þar sem ofáti helgarinnar er nú lokið þá þykir mér alltaf gott að borða ávexti og grænmeti til að, bókstaflega, éta sjálfa mig niður. Það er mjög hræðilegt að virkilega þurfa að jafna sig á ofáti en svona er þetta bara stundum. Eftir einn dag af léttu ávaxta, grænmetis, prótein áti er maður þó pínkulítið sáttari við að eiga heima í sínum eigin skrokki. Þið hljótið sum að kannast við tilfinninguna "Ógvöð, ég borðaði pizzu, nammi og ís og er núna búin að þyngjast um 20 kíló". Crazy, I know, en þetta upplifa allir í amk. eitt skipti!

Í dag hefst líka nýtt ferli í matarmálum, ofáti lokið og eðlilegur matseðill tekinn í notkun á nýjan leik! 

Ég er búin að liggja út á palli í Ásbúðinni, hjá mömmu og pabba, síðastliðna tvo daga og er vel crispy að utan! Það er bara svo notó að flatmaga í hitanum með familíunni. Í gær voru á boðstólnum ískaldir ávextir sem nartað var í yfir daginn. Þessi melóna var líka fullkomin, crunchy, sæt og svakalega safarík. Þið kannist við tilfinninguna að stíga í nýfallinn brakandi snjó? Þannig var þessi melóna, nákvæmlega eins og góðar vatnsmelónur eiga að vera. Mmmmm!

 

Svo komst ég í smá epla- og ostaköku síðan á laugardaginn. Jújú, voru enn svaaakalega fínar. Eftir smá rót í ísskápnum þá fann ég aleinan og yfirgefinn hambó. Það má ekki skilja svoleiðis gersemar útundan. Á aumingjans hamborgarann var ráðist, hann klæddur í brauð, hitaður og étinn með hraði. Ég deildi honum með hinum helmingnum! Rétt náði mynd af síðasta bitanum áður en hann var gleyptur! Óóótrúlega góður!

 

Eftir hambó fórum við að sækja kettlinga til Grindavíkur, þeir voru í pössun hjá okkur yfir nóttina og eru núna frekar bílhræddir á leiðinni á Höfn til Tengdó. Það er ekkert erfitt að knúsa þessa tvo í, svo gott sem, eina klessu ef maður vandar til verks! Sjáið bara hvað þeir eru fallegir! Argh!

 

Öööö... í tilefni kettlinganna?

  '

Miðað við hvernig myndin hér að ofan lítur út þá byrjaði ég 'detox' daginn minn í dag á próteinblandi og ávöxtum. Góð blanda og fallegir litir, fullkomið start á deginum.

 

Toppaði það með eftirfarandi hádegismat - undir ostinum er blessað grænmetið í felum! Bláfjallabrauð og hálf heilhveiti kjallarbolla ásamt ofur crunchy vatnsmelónunni!

 

Hitinn á pallinum átti eftir að hækka um 2 gráður þegar líða tók á daginn. Ljúfa líf! Þessi pallur er líka laus við svo mikið sem golu, eins og að vera inni í ofni. Enda ber ég þess merki, ég er eins og grilluð paprika!

 

Siesta - pabbi og Mosi yfirgáfu hitann og pallinn seinnipartinn. Notalegt ekki satt? ZzZzZzzzZz

 

Þá kem ég loksins að því sem varð kveikjan að þessu blessaða posti mínu. Mér finnst æði að fá mér morgunmat í kvöldmatinn. Eftir helgina, daginn og hitann hafði ég ekki lyst á grill- eða heitum mat. Langaði í eitthvað kalt og ferskt. Ég stökk því inn í ísskáp í mínum helli, gramsaði og fann ískalt skyr, afgangs ávexti og smá múslí. Voila, kvöldmatur. Algerlega æðislegt og hitti beint í mark! Perfecto! Ég rændi líka vatnsmelónu ársins frá heimahúsum... Ahaaa!

 

Svo til þess að fullkomna þennan annars fullkomna dag, þá ætla ég að enda hann á kvöldhlaupi, sturtu og góðri bíómynd! Ahh hvað það er nú notalegt að vera til!

Júróvision hamborgara fiesta 2009

Annað sætið mín kæru, til hamingju með það! Góður árángur hjá stelpunni, stóð sig vel!

Ég stóð mig bara nokkuð vel líka hvað át og meira át varðar. Ég tel sjálfa mig vera fullgildan meðlim í félagi Ofátsgræðgissjúklinga, ef það er til. Ég get borðað ótæpilegt magn af mat, svo mikið að sjálfri mér ofbýður stundum. Ég ætlaði að taka daginn í dag með trompi en datt aðeins ofan í nammiskápinn á föstudaginn, verandi komin í sumarfrí og eintóma hamingju. Ís og popp, nachos og mozzarella, rjómaosts-salsasósu ídýfa ásamt bland í poka svo eitthvað sé nefnt. Igh! Mikið svakalega var það nú eðal fínt alveg... ákvað því að vera nokkuð róleg á laugardaginn, amk fram eftir degi!

Byrjaði daginn því á svakalega fínni æfingu og fékk mér salat og ávexti ásamt skyri með próteini og múslí í hádegismat. Eftirmiðdagurinn skartaði einum penum skammti af próteini. So far so good ey?

 

Svo byrjaði ballið. Ég sá um eftirréttina og foreldrar um aðalréttinn. Ég byrjaði að elda um klukkan 4 og að sjálfsögðu nartaði ég í hnetur, ávexti og fékk mér smakk af og til. Klukkan 6 var haldið í foreldrahús og þar rak ég aukun í þetta...

 

...sem gladdi mig óstjórnlega. Pabbi snillingur! Á borðum var eftifarandi góðgæti til að narta í þangað til maturinn byrjaði...

 

...hnetu- og rúslumix, súkkulaðirúsínur, wasabi-hnetur og hunangsristaðar "pretzels". Allt mjög ávanabindandi og mjög svo étanlegt. Á meðan fjölskyldumeðlimir gúffuðu í sig "Ómægod ég er orðin södd" snakkinu þá var pabbi að dansa stríðsdans við grillið.

 

Sjeis... sjáið þið þessar elskur! 200 grömm stykkið, óh guð, himneskt! Eftir langa, langa mæðu (að mér fannst) við grillið var hamborgaraveislunni hleypt af stokkunum.

 

Mömmufranskar, heimatilbúin kokteil- og sinnepssósa, lauk/chutney gums, beikon og sveppablanda og eðal, ofur, risa hambó - djúsí og bjútifúl! Ohhh!

 

Ég er ekki að ljúga þegar ég segi ykkur að þessi hamborgari var um það bil jafn stór og hausinn á mér. Ég... er með stóran haus! Hver og einn fékk svo að púsla saman sínum draumahambó sem er alltaf jákvætt.

Í hamborgaragleðinni miðri ákvað þessi að kíkja í smá heimsókn. Þetta var svo massíft flugudýr að hún var við það að mynda svarthol.

 

Eftir nokkurn tíma var svartholið skýrt Hólmgeir! Hólmgeiri júróvisjónflugu var svo vísað á útidyrnar og eftirréttirnir tóku við.

Í boði voru tvennskonar eftirréttir. Annars vegar hálfgerð  mascarpone ostakaka með berjum, nóa kroppi og Dulce de leche karamellusósu.

 

Hinsvegar var eðal, syndsamlega góð karamelliseruð eplakaka með crunchy toppi, karamellusoðnum eplum, hnetum og súkkulaði. Með henni höfðum við ís, rjóma og súkkulaðisósu.

 

Guð minn almáttugur eruð þið ekki að grínast með eplakökuna. Ostadýrið var gott en þessi eplakaka... herre gud, ég á eftir að dreyma þetta kvikindi alla næstu viku. Eitt orð....  *B* *O* *B* *A* ! Þvílík sprengja. Allir hollustumúrar heimsins hrynja og krumpast saman. Ef þér þykja eplakökur góðar, þá er þetta pottþétt kaka fyrir þig! Þvílíkt sælgæti ! Eplakökuveikleiki minn er hér með opinberaður!

 

Ég fékk mér stóran góðan bita af ostakökunni. Yndislegt bragð, skemmtileg áferð. Sætt, súrt, crunchy og smá selta úr botninum. Skemmtilegt bragð af ostinum, æði. Svo fékk ég mér annan.. og einn til viðbótar!

 

Eplakakan var étin með mikilli gleði. Deigið ofan á bakast fullkomlega og verður stökkt og krispý með karamellukeim en mjúkt þar sem það snertir eplin. Eplin steikjast fullkomlega með sykrinum sem karamelliserast og einstaka sinnum bítur maður í fullbúna, yndislega karamellu sem fer svo endalaust vel með mjúkum eplunum og deiginu. Svo er að sjálfsögðu frábært að bíta í salthnetur og súkkulaðibita þegar maður á síst von á því - meiriháttar! Hún sló í gegn. 

Ég fékk mér nokkuð mikið meira en bara 1,2 eða 3 skammta af ofur eplaklessunni. Svo fékk ég mér aftur klukkan 22:00, aðeins meira hálftíma seinna. Eftir það stal ég mér risastórri gúmfey peysu af pabba til að fela velmegunar-bumbuna, í kreppunni, og var á leiðinni í meiri eplaköku þegar kötturinn stoppaði mig af.

 

Stuttu eftir að þessi mynd var tekin fannst ég nærri dauða en lífi hér..

 

... á þessum tímapunkti hafði ég borðað svo mikið að ef ég hefði opnað augun, er mjög líklegt að þau hefðu poppað út úr höfðinu á mér! Ég afrekaði það að éta hann karl föður minn undir borðið með 1,5 hamborgara, ótæpilega mikið af fyrir mats gúmmulaði og eftirréttsáti sem á með réttu heima í heimsmetabók Guinness!

Æðislegur dagur í alla staði, æðislegt veður, æðislegur matur og yndislegt fólk. Íslendingar í öðru sæti, undirrituð sátt með átið og hengirúmið alveg að gera sig!

Helgarmatur er góður matur

Ég hlakka alltaf til helganna hvað mat og át varðar. Laugardagar eru að sjálfsögðu ét-dagar með meiru og ég hef alla vikuna til að finna mér eitthvað gott til að elda um helgina. Morgun, hádegis- og kvöldmatur! Þarf ekki að vera flókið til að bragðast vel og fullnægja matarperranum within!

Morgunmatur:

Niðurskorið mangó og vatnsmelóna - bregst ekki. Skyr, Cookies and Cream prótein, bláber, hunangsristað heimagert múslí, 1 tsk hnetusmjör og nýbökuð muffins með gráfíkjum. Muffins kakan var djöðveikt góð - kem með póst á hana fljótlega. Hnetusmjör er eitthvað sem ég verð að bíta í á hverjum degi og bláberin... jah... ber eru bara æðiber! Ég elska, elska ber og allt sem þessu orði tengist. Vera ber, allsber.... vera ber að borða ber er að sjálfsögðu toppurinn! Allir velkomnir í morgunmat til mín ;)

Andoxunarefnin í toppi, vítamín, prótein, flókin kolvetni og trefjar - vatsmelónan basabomba dauðans! Góður, úrvals morgunverður krakkar mínir! 

Sjáið þið líka hvað bláberjagumsið er flott á litinn! Verður ekki girnilegra. Langar ykkur ekki að bíta í þetta með mér? 

 

Hádegismatur:

Steiktir sveppir og steiktur ferskur aspas með salti og pipar ásamt plómutómötum og eggjaköku! Smá sletta af tómatsósu og voila, hádegismaturinn tilbúinn. Fullur af próteinum og omega 3 fitursýrum úr eggjahvítunum. Trefjum, kolvetnum og vítamínum úr grænmetinu! Og vá hvað lyktin og bragðið af steiktum sveppum er ofboðslega... ohhh, díses. Ég elska steikta sveppi! Sjáiði bara hvað þeir eru ofboðslega bjútifúl og girnilegir á pönnunni!

Einstaklega fullnægjandi og góður hádegismatur. Aspasinn er líka svo góður svona steiktur á pönnu! 

 

 

 

 

 

Kvöldmatur:

Ætli ég hiti ekki upp afgangs tuna-burger, drekki honum í grænmeti og njóti vel!