Scitec bjargar deginum...

...jah, svona næstum því. En ég var mjög hamingjusöm eftir æfingu áðan. Pantaði mér hreint Scitec um daginn, Súkkulaði-Mokka, og var að smakka það í fyrsta skipti áðan.

 

Þetta er án efa, besta.. besta besta hreina prótein sem ég hef smakkað. Öll hrein prótein sem ég hef smakkað eru væmin og þunn eins og vatn en þetta - ohohoo! Meira að segja ungfrú Elín, prótein súkkulaði anticristur át súkkulaðigumsið með bros á vör. Ég hristi þetta saman með Kelloggs Special K eftir æfingu og dýrðin varð eins og þykkur búðingur! Enginn klaki eða neitt. Guð má vita hvað gerist þegar ég hræri þetta saman í blender með klökum! Kannski Arnold schwarzenegger birtist í eldhúsinu mínu? Ég setti annars inn mynd af gleðinni - ég hætti næstum við því hún er jafn grinileg og tásveppur. En ég læt vaða engu að síður!

Næstsíðasti jóladagatalskassinn!

 

 

 

 

 

 

 

Sjáið svo bara hver kíkti á mig í gegnum tölvuskjáinn þegar ég kveikti á vélinni minni í morgun! Vinnan veit líka að jólin eru að koma... jebb. Ég fékk jólakipp í hjartað... hihi!

Kíkti annars við hjá afanum mínum, í Garðabæinn, í gær þar sem hann er með málverkasýningu. Ég bara mátti til með að sýna ykkur hvað hann gerir fínar myndir. 

 

Ég öölska myndirnar hans. Ég er með þrjár myndir eftir hann hérna heima, hver annarri flottari. Líka svo yndislega fínt að vera með myndir upp á vegg eftir einhvern sem þér þykir vænt um. Það eru bestu og "eigulegustu" hlutirnir að mínu mati. 

Þessi eru í uppáhaldi hjá mér. Er meira að segja að spá í að setja upp hvolpasvipinn og sjá hvort hún bætist í safnið mitt

Með tilheyrandi blikkum væri ég alveg til í að sjá þessar upp á vegg hjá mér líka. Græðgi og frekja?

Já, ég er enn að reyna að læra á nýju, glæsilega fínu Nikon myndavélina mína. Hún gerir þessum málverkum hinsvegar lítinn greiða eins falleg og þau eru.

Svo gaf amma mér hring sem hún bjó til. Svaðalega hæfileikaríkt móðurforeldra sett sem ég á... hoho

Huhh! Þessi pistill var um allt og ekki neitt! Kvöldmatarblogg verða ansi fátíð þar sem öll kvöld hjá mér, þessa vikuna, fara í bakstur og almenna gleði. Jú, ég borða ennþá og jú, ég borða "rétt" en reiði á einfalda, endurtekna rétti sem klikka aldrei. Ekkert nógu spennó til að henda hingað inn. Þetta reddast eftir helgina - þangað til lifir þetta svaðalega "heilsublogg" á smákökum og konfekti. Kaldhæðið nokk!

Hafið það gott í dag. Bara 10 dagar í jólaönd, jólagraut og fyllingu sem fengi fullvaxta Spartverja til að gráta.

Athugasemdir

[Erna (IP-tala skráð) 15.12.2009 kl. 10:37]

Oh hvað fjallamyndin er floooottt!! Snillingur hann afi þinn (og amma greinilega líka) og okkur Jens þykir erum ekkert smá ánægð með blásýnið okkar sem hann gerði. Hann er litasnillingur!

Mér fannst bootkampf próteinið geðveikt gott með klökum.. Mmmmm.

[Erna (IP-tala skráð) 15.12.2009 kl. 10:37]

Ok. Fjallamyndin var kannski full vítt lýsingarorð. Þessi hvíta. ;)

[Elín Helga Egilsdóttir, 15.12.2009 kl. 10:40]

Já þessi hvíta er æði! Maður sogast alveg inn í hana... einhvurnveginn!

Og já, bootcampf próteinið var nefnilega geðveikt gott! Man ekk hvað það heitir - þarf að leita það uppi!

[Helga B (IP-tala skráð) 15.12.2009 kl. 10:45]

Hæ Elín!

Ég hef verið tryggur lesandi síðan ég rakst á hafragrautasafnið þitt, delish:) Mig langaði að spyrja þig hvar þú færð þetta prótein, scitec?

[Elín Helga Egilsdóttir, 15.12.2009 kl. 10:57]

Hellú Helga. Þú getur sent póst á siggi (hjá) fitness.is og pantað þar. Hann sendir á þig med det samme 

[Heba Maren (IP-tala skráð) 15.12.2009 kl. 12:38]

elskan þessi prótein eru svaðaleg.. prufaðu að hita smá vatn og hella próteinunu og smá kanil út í heitavatnið..þá eru komin með geðveikt kakó..jólajóla !!

[Holmfridur Gestsdottir (IP-tala skráð) 15.12.2009 kl. 17:30]

Ein spurning Ella - þú segir hreint prótein og að það sé súkkulaði - mokka. Ég er kannski ljóska í dag en fæ þetta ekki til að stemma - er hreint prótein ekki = óbragðbætt? Eða ertu að vísa til að þetta sé 100% mysuprótín eða hvað ertu að meina?

[Elín Helga Egilsdóttir, 15.12.2009 kl. 17:49]

100% hreint whey! Það getur veri bragðbætt þó það sé hreint, það eru bara engin önnur prótein að þvælast fyrir eins og eggja, mysu, casein ofr! Hreint prótein er sumsé ekki próteinblanda

[Elín Helga Egilsdóttir, 15.12.2009 kl. 17:55]

100% whey = hreint mysuprótein. Afsakið.. gleymdi því.

[Holmfridur Gestsdottir (IP-tala skráð) 15.12.2009 kl. 17:58]

OK fínt að fá þetta á hreint :) Takk takk - ps ekki verra að sjá hugmyndina um kakó

[Ragnhildur Þórðardóttir, 16.12.2009 kl. 07:39]

Hreint mysuprótín = engin kolvetni í skammtinum. Getur verið hvaða bragðtegund sem er. Scitec er án efa konungur allra prótíndufta.... hnébeygjan í prótinheiminum. Ég hef prófað hinar ýmsu tegundir og það er ekkert sem kemst með tærnar þar sem Scitec hefur hælana.

[Elín Helga Egilsdóttir, 16.12.2009 kl. 09:21]

Ahh.. gott að fá Röggu-input og já! Þetta prótein er geggjað!

[Harpa Sif (IP-tala skráð) 16.12.2009 kl. 10:34]

Þetta Scitec prótein, hvaðan ertu að kaupa það? Er hægt að skoða þetta e-ð á netinu?

En annars, alveg geðveikar myndir hjá honum afa þínum :)

[Elín Helga Egilsdóttir, 16.12.2009 kl. 10:49]

Ég pantaði í gegnum hana Röggu. Held þetta sé á Akureyri - er samt ekki alveg viss.  Getur sent póst á siggi (hjá) fitness.is ef þú vilt panta :)

Annars er google frændi alltaf til taks ef þú vilt fá upplýsingar um próteinið.

Oh takk fyrir myndaafann, hann er snillingur mikill.

[Harpa Sif (IP-tala skráð) 16.12.2009 kl. 11:10]

Takk fyrir það :)

[Ragnhildur Þórðardóttir, 17.12.2009 kl. 10:57]

Harpa, sendu mér póst á [e-mail] ef þú vilt tékka á Scitec.