Inglorious Basterds og harðfiskur

Fór í þrjú bíó í dag. Hahh... eitthvað sem ég hef ekki gert í ansi langan tíma. Myndin kom mér nokkuð á óvart, væri vel til í að góna á þessa ræmu aftur. Eins og sönnum Íslending sæmir tók ég galvösk til harðfisk og pecanhnetur áður en lagt var af stað í bíóför. "Bíónamminu" kom ég fallega fyrir í tveimur aðskildum pokum og arkaði, stórum skrefum, framhjá nachos, ostasósu og bíópoppinu sem tekur á móti manni í bíóhúsum landsins. Svellköld! Mynd af herlegheitunum var ekki fest á filmu sökum myrkurs í bíósal, en harðfiskinn ákvað ég að geyma eftir mikið hugsana- og átvaglastríð við sjálfa mig - það er líklegast ástæða fyrir því að 'illa' lyktandi fæða er ekki seld til snæðings í litlum, þröngum rýmum!

Beint úr bíó og heim til ofur ömmunnar í mat. Kjúlli og grænmeti. Einfalt, fljótlegt, nom.

Að sjálfsögðu var ís í eftirrétt. Myndin segir ekki alla söguna en góður var hann. Heslihnetur og smartís skreyttu dýrðina. Margfaldið þessa skál með 2,5... og nokkrum smartísum!

Gúmmulaðihellirinn tók loks við og undirbúningur, fyrir morgundaginn og vikuna, hófst. Grillaði kalkúnabringu í herra Foreman. Hún kemur til með að fæða okkur tvö í hádegis og kvöldmat. Gleðilegt nokk. Það sem kemur, meðal annars, til með að fylgja mér í vinnuna á morgun er biti af ofurbringunni.

Valhnetu-, banana og kanilgums.

Já gott fólk... Lucky Charms! Ég mæli ekki með þessu í morgunmat fyrir nokkurn mann - ekki einusinni kettina mína. En þetta kemur til með að fara ofan í mig eftir æfingu á morgun. Það skal líka viðurkennast, hér og nú, að það er ekkert slæmt að narta í Charmsið!

Það er alltaf að verða erfiðara og erfiðara að taka fínar flasslausar myndir á kvöldin. Sérstaklega með rassmusar týpunni af mini-vél sem fylgir mér hvert sem ég fer. Ætli ég endi ekki á því að útbúa mér ponsulítið stúdíó í einu horni Gúmmulaðihallarinnar. Þar gæti ég stundað brjálæðislegar matarmyndatökur langt frameftir nóttu...

...matarklám af sverustu gerð! Herre gud og allir englarnir!

Athugasemdir

[Dossa (IP-tala skráð) 21.9.2009 kl. 00:28]

U dirty food porno basterd!

og btw wise call með harðfiskinn - er viss um að ég hefði buffað hvern þann sem hefði verið að rífa í sig harðfisk í bíósal meðan ég væri að reyna að gúffa hið góða bragðlausa upphitaða bífópopps

[Elín Helga Egilsdóttir, 21.9.2009 kl. 06:06]

Hahaha.. ég sá að mér! Voru aaaðeins of margir í bíó á þessum tíma til að gúffa í sig harðfisk. Mjög úthugsað bíónammi finnst þér ekki? (eða þannig)

[Ragnhildur Þórðardóttir, 21.9.2009 kl. 13:24]

Færð fullt af hollustustigum fyrir þennan gjörning í bíóinu. Fór einmitt með kjúlla + hnetusmjör í bíó hér í DK um daginn og kellan við hliðina á mér var ekki að ráða við glápið þegar ég smurði bitann með vænum slurki og stakk svo upp í túlann. Svo gróf hún auðvitað hendinni ofan í spikfeitan popp-poka.

[Elín Helga Egilsdóttir, 21.9.2009 kl. 14:01]

Hahh.. snilldin einar! Svona á að gera þetta! Ég þarf að prófa kjúlla og hnetusmjör - það er bara eðal hugmynd!!!

[Rosa G Jonsdottir (IP-tala skráð) 1.10.2009 kl. 16:36]

Langar bara að láta þig vita hve gaman ég hef af að lesa matarbloggið þitt -   

svo er svo margt sem mann langar til að prófa!

Kær kveðja, Rósa