Þykjustunni bolognese sósa

Þykjustunni bolognese af því að alvöru kjötsósur eru stútfullar af krafti og gleðilegheitum. Ég notaði í raun bara það sem ég fann hérna heima. Ekkert- rauðvín, sellerí, sveppir, fersk krydd... en assgoti var hún samt vel heppnuð þessi. Holl, góð, 'fersk' og virkilega skemmtileg! Þarf ekki endilega að setja út á hakk. Væri líka hægt að hræra t.d. saman við spaghetti.

Þykjustunni bolognese sósa - fyrir 2

2 msk olía 

1/2 nokkuð stór rauðlaukur

1/2 stór gulur laukur

3 niðurrifin hvítlauksrif

1/2 tsk kanill

1 msk, tæplega, oregano þurrkað

1 msk, tæplega, basil þurrkað

salt og pipar eftir smekk

2 meðalstórar gulrætur, niðurskornar

4 ferskir tómatar, niðurskornir

2 jalapeno hringir, niðurskornir

1,5 msk, um það bil, tómatkraftur.

Vatn þegar líður á eldunina. Ég notaði 1 dl.

Byrja á því að hita olíuna á pönnu. Þegar olían er orðin heit hella öllum lauk út á pönnuna og steikja þangað til meyr. Bæta þá við kryddum, steikja í 1 - 2 mínútur aukalega, og setja tómatkraftinn út í. Eftir það bæta grænmeti og jalapeno út á pönnuna...

...og leyfa að malla í 30 - 40 mínútur. Jafnvel lengur - eða þangað til sósan lítur um það bil svona út. Á þessum tímapunkti væri snjallt að bæta hakkinu út í sósuna, ef þess er óskað, og leyfa að malla í svolítinn tíma. Það er æði. Við gerðum það reyndar ekki í þetta skiptið. Höfðum hakkið til hliðar, settum í skál og bættum sósu út á eftir smekk.

Bæta núna við 1 dl af vatni, meira eða minna eftir smekk, (hvort sem hakkið er komið út í eður ei) og sjóða í nokkrar mínútur í viðbót, eða þangað til sósan hefur náð þeirri þykkt og áferð sem þér þykir best.

Ohh þetta var svo gott. Virkilega gott. Ég er mikill kjötsósu/bolognese aðdáandi og þessi var æði. Bragðið flott, kanillinn sparkaði skemmtilega í hvern bita, aðeins sterk. Ójá, kem pottþétt til með að nota þessa í lasagna á næstunni. Prófa að bæta við sellerí og sveppum... mmmmhh, góður, góður miðvikudagsmatur. Svo mikið er víst!

Athugasemdir

[Dossa (IP-tala skráð) 16.9.2009 kl. 20:46]

Sá þetta og hugsaði til þín......

 http://www.boingboing.net/2009/09/04/pears-grown-in-the-s.html

 Þú ert hvort eð er alltaf svo andleg með ávextina þína

[Elín Helga Egilsdóttir, 16.9.2009 kl. 21:00]

Hahaha æhj hvað þeir eru fínir! Ætli það sé samt ekki erfitt að bíta í ein svona búdda?

[Guðrún Veiga (IP-tala skráð) 17.9.2009 kl. 06:43]

Þú ert algjör snillingur! Ég skoða síðuna þína oft á dag og enda oftar en ekki í eldhúsinu í kjölfarið.

Ég elska elska elska bloggið þitt og uppskriftirnar ;-)

Takk kærlega fyrir mig! 

[Elín Helga Egilsdóttir, 17.9.2009 kl. 10:20]

Takk kærlega fyrir Guðrún og mín er svo sannarleg aánægjan  

Vá, en gaman að heyra svona. Ég vona bara að þú getir nýtt þér eitthvað af þessu og njótir vel.