Kvöldmatur 1, 2 og 3

Sársvöng þegar vinnu lauk klukkan 17:00 í dag. Ekkert merkilegt til í gúmmulaðihellinum svo við hentumst inn í Hagkaup og keyptum lauk, sveppi, papriku og tilbúinn kjúlla! Hvað svo? Inn í ísskáp sá ég graskersmaukið góða og hálftóma dós af tómatpúrru. Skyndilega kviknaði pínkulítið ljós! Graskers kjúklinga kássa! Hljómar ekki vel, en kom á óvart og bragðaðist sérstaklega gleðilega!

Graskers 'kjúklinga' kássa 

Fyrir 3 svanga eða 4 ekki svo svanga.

Sauð upp kjúklingakraft (notaði tening) og setti til hliðar. Steikti á pönnu, uppúr 1 msk olíu, 1 rauðlauk, nokkra niðurskorna sveppi, papriku og 1 smátt skorið hvítlauksrif. Þegar rauðlaukurinn var orðinn mjúkur þá færði ég rúmlega helminginn af gumsinu í skál (hélt þetta yrði of mikið). Kryddaði laukgumsið sem eftir var á pönnunni með 2 tsk paprikukryddi, 1 tsk kanil, 1 tsk cumin og chillipipar. Ef ég hefði átt kóríander hefði ég notað það líka. Þessu leyfði ég svo að malla í 2 - 3 mínútur. Þá hellti ég 1,5 bolla af kjúklingasoðinu saman við, ásamt 1 bolla graskersmauki, 1/2 niðurskornu epli og 1 msk tómatpúrru. Þessu leyfði ég svo að malla þangað til þeirri þykkt og áferð, sem mér þykir best, var náð. Rétt áður en ég bar gumsið fram þá kreysti ég smá sítrónusafa út í. Hér er þetta enn bara graskers kássa. Sem er reyndar líka æðisleg og hægt að nota í, og með, allskonar réttum.

Ég guggnaði og bætti kjúllanum ekki samanvið, eins og ég litla ljósið sem kviknaði hafði ætlað - hafði hann sér til að byrja með.

En bara til að byrja með!

Hér verður graskers 'kjúklinga' kássan til. Það væri örugglega æðislegt að stinga þessu inn í pítabrauð eða rúlla upp í tortillu.

Þetta var virkilega gott. Graskersmaukið er alger snilld í svona. Væri hægt að útbúa pottrétt (fisk eða kjúkling) og setja ost yfir og inn í ofn, lasagnað sem ég tala endalaust um, pastasósu! Næst prófa ég pastasósu og fiffa uppskriftina aðeins. Bæti út í hana einhverjum góðum osti! Bara æðislegt, sérstaklega þar sem 1 bolli af graskersmauki eru 80 hitaeiningar. Það er ekki neitt!

Mjög gaman þegar tilraunir heppnast vel!

Athugasemdir

[Hungradur (IP-tala skráð) 30.7.2009 kl. 08:01]

Thetta er bara lekkert hjá thér.  Thú vissir af thessari sídu?:  www.allrecipes.com 

Prófadu thetta:  Sodin ýsa maukud, sodnar kartöflur í skífum. söxud raud paprikka, ólífuolía, laukur í hringjum og rifinn hvítlaukur....allt sett í eldfast fat og svo gódur slatti af mygluosti ofaná...smellt í ofninn og hitad.

Bordad med fínrifnum gulraetum....á rifnu gulraeturnar er settur appelsínusafi og púdursykur...hraert saman.

Ef thú prófar thetta vaeri gaman ad vita hvernig thér líkar.

[Hungradur (IP-tala skráð) 30.7.2009 kl. 08:05]

...ó...og svo hvítur pipar og salt eftir smekk

[Hungradur (IP-tala skráð) 30.7.2009 kl. 08:06]

...á fiskinn

[Elín Helga Egilsdóttir, 30.7.2009 kl. 10:56]

Góðan og blessaðan daginn... nei, ekki búin að reka augun í þessa síðu! Takk fyrir þetta! Og jú, ég skal svo sannarlega láta vita hvernig mér líkar rétturinn ef ég skell í hann á næstunni...

Gaman að fá svona test-uppskriftir

[Sigrún Óskars, 30.7.2009 kl. 22:12]

kaupir þú graskersmaukið tilbúið eða býrðu það til sjálf ??

ég nota grasker mjög mikið - rosalega gott !!

[Elín Helga Egilsdóttir, 30.7.2009 kl. 22:23]

Ég fann þetta mauk tilbúið í Hagkaup. Libby's. Hægt að kaupa graskersmauk og "pumpkin pie" mix. Ég kaupi alltaf hreint mauk. Alveg sammála þér, grasker kemur sterkt inn í matseldina hjá mér

Vildi bara óska að það væri oftar til "ferskt" grasker hérna á Íslandinu.

[Sigrún Óskars, 30.7.2009 kl. 22:53]

það er alltaf til grasker í Fjarðarkaup, þessi "litlu" - (ekki þessi risastóru)

[Elín Helga Egilsdóttir, 31.7.2009 kl. 06:20]

Það vissi ég ekki... mikið góðar fréttir þetta

Þetta skal kannast og kaupast sem fyrst. Takk kærlega fyrir Sigrún!

[Hungradur (IP-tala skráð) 31.7.2009 kl. 09:11]

YO YO YO!!  Ég var ad skoda rúgbraudsuppskrift á netinu...thar er notud maelieiningin bolli!  Ég veit ad bandaríkjamenn nota thetta sem maelieiningu....en hvad er íslenskur bolli?

http://uppskriftir.jaginter.net/index.php?ID=208&uflokkur=35&aflokkur=11

[Elín Helga Egilsdóttir, 31.7.2009 kl. 09:41]

Ég held að bolli séu um það bil 2 dl. Eitthvað sjóleiðis. Þóttist hafa mælt þetta mjög tæknilega um daginn.

[Hungradur (IP-tala skráð) 31.7.2009 kl. 12:54]

Já...thú talar reyndar um bolla í thinni uppskrift hér ad ofan.  Sem sagt 3 dl. af kjúklingasodi? (1½ bolli)

Ertu thá ad mida vid kana-bolla?  Rakst á thetta hér:

http://www.gestgjafinn.is/matarspjall/nr/238

Annar skiptir thetta ekki neinu máli svo sem.....en alltaf er gott ad hlutföllin séu rétt í bakstri.   Í matargerd er thad tilfinningin sem raedur ríkjum.

[Elín Helga Egilsdóttir, 31.7.2009 kl. 13:59]

Mikið rétt! Annars er bollinn sem ég nota amerískur með meiru og eru um það bil 2 dl íslenskir