Berjasósa með chia fræjum, skyr og krums

Æji maður!

Gumsið var svo gott. Of gott.

Ég er hálf miður mín að þetta sé þátíðarát.

Er því verr og meður ekki með skref fyrir skref því þetta varð eiginlega "óvart" til í gær. Ætlaði að fá mér graut en snarsnerist og sveik lit.  Ég sveik grautarlit fyrir fjálubláan berjaskyrlit!

Óóóó skömmin! Maður á samt alltaf...

...hmmm! Alltaf?

Maður á samt yfirleitt að gera það sem átvaglið segir og skrokkurinn heimtar. Í gær gargaði mitt innra villikvikindi hástöfum á nákvæmlega þessa skál af berjum, hamingju og regnbogum. Enda var átgleðin epísk með tilheyrandi tárum, fnasi og stappi.

Blá- og hindberja balsamic sósa, blönduð með chia fræjum (þarf ekki) með skyri! Guð... berjaguð og ská frændi hans Skyrmill! Svo gott á bragðið - súrsætt með balsamic sparki í bland við torani mildað skyrið.

Ooommpfh gompfh!

Næst fara chia gleðibomburnar út í skyrið og sósan fær að dúlla sér á kanntinum. Held meira að segja að ég geymi sósuna í sér skál inní kæli og helli yfir rétt fyrir át.

Þetta var eitt... gott... ét! Það humlaði í mér á meðan ég reyndi eftir fremsta megni að borða hægt. Það reyndi meira á en stunuæfingin sem ég tók í morgun.

Ætli ég hafi ekki verið með 1/2 bolla af frosnum berjum, rúmlega. Setti út í það 2 tappa af balsamic ediki, 2 tappa af torani heslihnetu og 1 tappa af torani vanillu. Örbylgjaði svo í spað, bætti chia útí og leyfði að standa þangað til þykkt.

Þið getið líka gert sovsen ofaní potti, oná hellu, uppá stól. Jafnvel undir borði ef þið vijið og ef ykkur er illa við örbylgjurnar blessaðar.

En ég er letihrúga... kærið mig!

Blanda hamingjunni út í vantsblandað, og vanillu torani bætt, skyr ásam lúku af grófum höfrum. Rétt hræra, kanilla, ísskápa!

Verður þykkara yfir nóttina!

Toppa með muldum möndlum og smá múslí fyrir kram.

ÓMÆGOD?

Ekki satt?

Ef þið vissuð ekki að þið væruð með munnvatnskirtla, þá vitið þið það vonandi núna!

Berjasósur og skyr.

Já takk fyrir og amen eftir efninu.

Athugasemdir

[Sól (IP-tala skráð) 26.10.2010 kl. 14:50]

Hæ Elín

Ummmm....ekkert smá girnilegt :O)  Þú ert snillingur

Veist þú hvort kínóa fræ og Chia fræ er það sama eða ekki??

[Ragnhildur Þórðardóttir, 26.10.2010 kl. 14:52]

ohhhh kona þú drepur mig... hausinn á mér er orðinn svo uppfullur af hafragrauts klámi og sora hugsunum að ég er orðin eftirlýst hjá Interpol. Þessi sósubrjálæðingur setti allt á annan endann í munnvatnskirtlunum.

[Hulda (IP-tala skráð) 26.10.2010 kl. 17:43]

váháháááá ég segi það sama..... munnvatnsframleiðslan í hámarki og bragðlaukarnir hoppa af tilhlökkunarkæti

Smakkast í fyrramálið..... ohmnohmnohm

[Fannar Karvel (IP-tala skráð) 27.10.2010 kl. 05:33]

Þessar myndir jaðra við blætisdónaskap og girnd!

Eeeeeen þær eru girnó og verða prófaðar :D

[Elín Helga Egilsdóttir, 27.10.2010 kl. 09:38]

Sól: Quinoa er ekki það sama og Chia nei. Chia fræ eru líkari hörfræjum en Quinoa. Full af "hollri fitu", trefjum og próteinum og innihalda lítið af kolvetnum miðað við magn. Quinoa er meira í ætt við.. jah.. grjón eða kúskús. Hafra.

15 gr. (1 msk) chia = 70 kaloríur, 7 gr. kolveti, 2 gr. prótein, 5 gr. trefjar, 4 gr. fita

Munurinn:

100 gr. chia = 462 kaloríur, 46,2 gr. kolvetni, 13,2 gr. prótein, 33 gr. trefjar, 26,4 gr. fita

100 gr. quinoa = 380 kaoloríur, 64 gr. kolvetni, 14 gr. prótein, 7 gr. trefjar, 6 gr. fita, 52 gr. sterkja.

Ragga: Þetta sovs ... er snilld! Ég segi það satt. Út á skyr eða graut eða... bara.. beint upp í túlann! Hægt að bæta út í þetta hvaða kryddi sem er... uuugh!

Hulda: Vona að þetta smakkist vel ;)

Karvelio: All in the eye of the beholder! You dirty dirty man!

En jú.. ég er sammála... þetta er pervertískt á mjög dónalega klámfenginn hátt! lol