Haustboðar

Veðrið er æðiber!

Ber?

Bláber?

Já takk!

BBB - Bláber í Blárrri Buddhaskál

20 gr. hafrar, 1 msk chia, vatn, 2 eggjahvítur, 1 tsk ómægod3 lýsi, salt, 1 msk múslí, Buddhalicious og eðalskeið.

Ásamt nokkrum dropum af vanillu Capella.

Ella.... Vanella!

Ó.. óhó, hvað það þarf lítið til að sparka í Egóið.

Gamli vin!

Ohh... sorgin.

Nú fer hengirúmstíðin brátt að líða undir lok. 

Á nú eftir að sakna þess svolítið að dóla...róla? mér svona í morgunblíðunni með grautinn í einari og myndavélina í hinari.

Þetta var dæmi um mjög góða íslensku!

HENGIRÚMSHRÆRA!

Berin olíuborin og ofur. Væri svoleiðis hægt að dressa þau upp og flengja þeim beint upp á svið í þessu ástandi.

Bregðum undir okkur betri fætinum og hoppum á honum í vinnuna.

Ekki annað hægt þegar guli hlunkurinn heiðrar okkur með sinni sjaldséðu nærveru.

Mjög gaman þegar ég var að labba þarna í gegn að heyra poppið í lúpínufræbelgjunum. (annað dæmi um mjög góða íslensku) Var hálfgerður konsert í gangi.

Sjáið hvað þetta er nú fallega fínt.

Svo rakst ég á Rip, Rap og Rup í svaðilför minni í morgun.

Þeir voru hressir.

Svampafjölskylda.

Sveppir... orðið "sveppur" er orð sem finnst á fyndnuorðalistanum mínum. Þar er t.d. líka að finna orð eins og "fés", "skunkur", "kryppildi", "strumpur".

Stráin farin að fölna.

Svolítið eins og biðukollan hún amma mín þessi.

Þetta segir mér að haustið sé hinumegin við hæðina... eins og Tarzan.  (ohh ég fæ ekki nóg af þessum eðal brandara) 

Lúpínufræsprengju-máli mínu til stuðnings kemur svo hér sérlegt lúpínufræsprengju-myndskeið. Þó svo það heyrist gott sem ekki neitt, sökum umferðar af ýmsum toga, þá eru nú nokkrir belgir sem poppa þarna í byrjun ef þið hlustið fallega og vel.

Ææææhji hvað haustboðar eru með eindæmum fínir boðar. Sérstaklega í svona veðráttu.

Athugasemdir

[Rut R. (IP-tala skráð) 9.8.2010 kl. 14:16]

ohhhh ég svo mikið elska að lesa bloggið þitt, verð alltaf svo kát við lesturinn

En ég hef verið að velta einu fyrir mér..... með grautinn... sullaru bara öllu saman og hrærir eða er það vatn, hafrar, eggjahvítur í pott og hrært eða hvað?  

[Elín Helga Egilsdóttir, 9.8.2010 kl. 15:09]

Hoho já. Sulla saman, hræra, örbyglja.

Yfirleitt fara í skálina mína:

Eggjahvítur, hafar, chia, smá vatn - hræra.

Örbylgja - hræra.

Örbylgja - hræra - kannski bæta við meira vatni.

Örbyglja.... voila. Vanilludropar, smá salt, meiri dropar, ber, skraut.

Ef ég er að potta, þá fer allt í pottinn nema skrautið. Hrært þangað til þykkt er að þínu skapi :)

[Ásta María (IP-tala skráð) 9.8.2010 kl. 23:18]

Ó þú dásemd!

Bjargaðir mér frá því að halda að ég væri klikk! Fór í ofurgöngu með hvuttann í dag og ég heyrði snark út um allt og ég Í ALVÖRU hélt ég væri með ofheyrnir! En þá bara kemuru með þetta! Lúpínupopp í gangi! ALDREI HEYRT UM ÞETTA ÁÐUR!

[Rut R. (IP-tala skráð) 10.8.2010 kl. 00:31]

ok kúl. Núna skil ég þetta miklu betur, ég hélt að þú værir að borða þetta bara hrært og kalt og ekkert búin að örbylgja/potta.

Ætla að farað skella mér í berjamó og búa svo til svona gúmmilaði :)

[Elín Helga Egilsdóttir, 10.8.2010 kl. 09:28]

Ásta María: hahah jæja, gott að maður nái að varpa ljósi á annað en bara endalaust át.

Rut: Ahh já, suma grauta borða ég þannig - aldrei eggjahvítugleðina. Hana skal ætíð hita/elda. Amk áður en stungið er inn í ísskáp, ef þú vilt hvítur í grautinn og grautinn kaldan.

[Aníta (IP-tala skráð) 11.8.2010 kl. 02:27]

Ógó flottar skálar ! Hvar fær maður svona ? ... og já takk fyrir æðislega hressandi blogg :-)))

[Elín Helga Egilsdóttir, 11.8.2010 kl. 10:35]

Hellú Aníta

Hægt að finna link á þær hér.

Mæli samt með því að ef þú þekkir einhvern á leið til the US&A að þú fáir að senda á viðkomandi. ;)