Nýtt Scitec komið í hús

Ójá! Hvítt súkkulaði Scitec. Er búin að vera að pissa í mig af tilhlökkunarspenningi í allan dag. Eftir æfingu máltíðin kallaði úr töluverðum fjarska klukkan 10 í morgun en þetta hafðist!

Tadaa! Hvítt súkkó og biscuits eftir æfinguna!

Beint í skál...

...undir krana og smávegis vatn...

...ekki nóg vatn...

...smá vatni bætt við og voila!

Ekki alveg jafn ofurþykkt og skemmtilegt eins og Súkkulaði/Mokka. Það prótein er sér á báti skal ég segja ykkur. Fluffast upp og verður eins og herra Royal! En þetta, mín elsku bestu, var eins og bráðið... hvítt... súkkulaði! Ég segi það satt!

Geri reyndar sjaldan eins og flestallir aðrir, setja í blender með klaka. Það er að sjálfsögðu hamingjan einar og verður eins og ís! Leitipúkinn tekur við eftir æfingar - þá vill skrokkurinn mat 1, 2 og sjóhattur!

Rískexið sívinsæla! Eðalfínt út í svona gums - krums og kram!

Mylja út í og blanda smá!

Að sjálfsögðu bætti ég kanil út í. En ekki hvað? Enda varð þetta eins og hrísgrjónagrautur! Hinsvegar, allt sem gæti mögulega verið vanillu-eitthvað + kanill = hrísgrjónagrautur!

Hamingja í skál og hamingjusamt átvagl! Þetta er einstaklega bragðgott prótein! Alls ekki væmið að mér finnst, en á móti kemur að ég er mikill vanillumisnotari!

Uppskrift af hafrakökum kemur á morgun. Það á eftir að taka mig allt kvöldið að henda inn myndasyrpunni sem fylgir þeirri gleði! Húha!

Athugasemdir

[Ragnhildur Þórðardóttir, 24.3.2010 kl. 19:45]

Ég sagði þér það... þetta er sóðalegur Sæmundur og allir vinir hans... eini gallinn sem mér fannst eins og þér... verður ekki eins þykkt og súkk-mokka. Reyndar gildir það um 100% whey, verður ekki eins þykkt og Delite-ið.

Mér finnst þetta kombó þitt með kanilnum vera fáránlega girnó... næste gang verður þessu slátrað eftir djöfulganginn.

[Elín Helga Egilsdóttir, 24.3.2010 kl. 19:59]

Ohhh þetta er geðveikt gott á bragðið - eins og súkkulaði, get svo guðsvarið fyrir það. Hlakka óstjórnlega til eftir næstu æfingu, svo mikið er víst!

Já whey er yfirleitt þunnt sem vatn - fyrir utan súkk/mokka dýrðina. Þessi scitec prótein eru samt svo eðalfín á bragðið. Áferðin líka flott.

Næst verður það súkkulaði/kókos!! Ohohoo!

[osk (IP-tala skráð) 24.3.2010 kl. 20:24]

Hæjj hvar get ég fengið Hvítt súkkulaði Scitec prótein

Til hamingju með æðislegan  árangur.

[Heba Maren (IP-tala skráð) 24.3.2010 kl. 21:32]

umm þessi blanda virðist ekkert smá girnó.. hris-prótein og kanill-

ég held samt að ég þori ekki i hvitt sukkul.. þvi alvöru sukkul próteinið er SVO gott...

en sukk kókos.. ummm hljómar VEL .

[Harpa Sif (IP-tala skráð) 24.3.2010 kl. 22:04]

Ekkert smá girnó :)

Var að velta því fyrir mér hvað svona Scitec prótein dunkur kosti?

[Sylvía (IP-tala skráð) 24.3.2010 kl. 22:21]

hann er kominn með heimasíðu, scitec.is eða sci-tec.is :)

[Harpa Sif (IP-tala skráð) 25.3.2010 kl. 08:10]

Úú ég ætla að athuga það :)

[Elín Helga Egilsdóttir, 25.3.2010 kl. 09:12]

Mikið rétt. Síðuna er að finna hér. Þá er líklegast barasta hægt að panta þetta í gegnum netið í staðinn fyrir að hringja í kauða. Það er snillingslegt!

Mjög gott að hafa kommentara eins og ykkur.. mjööög gott!

[Guðbjörg (IP-tala skráð) 25.3.2010 kl. 09:59]

Svona af því þú varst að panta Scitec, hvað finnst þér það besta sem þú hefur pantað? :)

[Hulda (IP-tala skráð) 25.3.2010 kl. 10:49]

Súkkulaði og kókos er bara dásemd.... love it

[Elín Helga Egilsdóttir, 25.3.2010 kl. 11:05]

Guðbjörg: Hef bara smakkað hvítt súkk og súkk/mokka. Bæði æðislegt á bragðið en súkk/mokka vinnur sökum áferðar!

Hulda: Ójeah! Það er sko næst á dagskrá!

[Heba Maren (IP-tala skráð) 25.3.2010 kl. 11:10]

mer finnst hreint sukkulaði.. algjör unaður... liður eins og eg se að borða súkkulaði :)og vanillu/ananas er rosagott i pönnsurnar.. næst á dagskrá er að prufa sukkulaði kókos::)

[Elín Helga Egilsdóttir, 25.3.2010 kl. 11:37]

Ég er svoddan súkkulaðipróteinskræfa. Súkk/mokka náði þó að snúdda því dæmi við svo það gæti vel verið að ég láti slag standa og súkkulaði mig upp í náinni framtíð! Scitec er gvöðdómlegt.

[Ásdís (IP-tala skráð) 25.3.2010 kl. 11:57]

Hefur einhver smakkað http://scitec.is/mos/232/ með karmellu bragði? sé bara fyrir mér karmellubúðing...ummmmmm ;)

[Guðbjörg (IP-tala skráð) 25.3.2010 kl. 18:32]

Já, ég á svona karamellu :)

Mér persónulega finnst mikið gervibragð af því og óætt..:/

Ég er líka með Very Berry mér finnst það betra :)

[Elín Helga Egilsdóttir, 25.3.2010 kl. 21:41]

Get trúað því að karamellu sé svolítið gervó - karamellubragð verður það yfirleitt. Eins og þegar reynt er að trodda jarðaberjabragði í mjólkurvörur! Get svo svarið það - ónátturulegra gerist það ekki fyrir minn sérlega munn!

Át jarðaberjaís í tonnatali sem krakki, get það barasta ekki í dag. Herre gud!

[Guðbjörg (IP-tala skráð) 25.3.2010 kl. 22:26]

Mhm!

Loksins einhver sem er sammála mér með jarðaberjabragð :)

Ég á hinsvegar hindberja-prótín sem ég lova :)

Hinberjabúðingur með hlaupi eftir æfingar..

Ég get varla beðið eftir morgundeginum!

...Hlakka hinsvegar til að prófa hnetusmjörskökurnar :)

[Elín Helga Egilsdóttir, 26.3.2010 kl. 10:12]

Hindber eru bara dásamleg! Get vel trúað því að það sé gott. Þarf að smakka við tækifæri!!