Fyrsta Spaghettisengrill ársins 2010

Það var þá aldeilis að það byrjaði snemma í þetta skiptið. Fjölskylduma(t)fíósasumarfíesturnar eru stórkostlegar, allar með tölu, og því fyrr sem við getum byrjað því betra! 13. mars tekinn með trompi og úlfunum boðið í hryllilega góðan grillmat, og heitan pott, hjá hinum Ásbúðarátvögunum!

Byrjaði allt á einu sopasmakki af súkkulaðibjór frá Ölvisholti! Ég hef sagt það áður og segi það enn - ég er ekki áfengiskvendi, hvað þá bjórkvendi, svo ég hef lítið um þennan grip að segja annað en "Tastes like chicken"! Í þessu tilfelli malt.

Lamb og svín á boðstólnum. Svínið var svakalegt! Alveg svakalega gott! Og ég er jafn mikil svínakerling og ég er bjórkerling!! Stórtíðindi skal ég ykkur segja.

Pottormar!

Átvaglið að hræra í "Tzatziki"!

Grísk jógúrt, salt/pipar, gúrka, hvítlaukur, krydd og smá sítrónusafi. Gríska jógúrtin er án efa með skemmtilegri afurðum! Elska hana!

Valdi stóð sig vel í gúrkurífelsi! Mjög fagmannlega, og einstaklega vel, niðurrifin gúrka!

Salatmeistarinn á fullu í grænmetisskurði! Ef það er eitthvað sem mér þykir leiðinlegt í matargerð - þá er það grænmetisskurður! Get svo svarið það mín kæru... ((hrollur))

Kartöflur að hvíla sig í ofninum! Vorum löt og nenntum ekki að álpappíra þær og grilla - alveg jafn ofurfínar svona.

VEIII....sluborðið eins og það lagði sig. Sjáið bara hvað ketið er grjúvulega glæsilegt.

Grænmetishliðin og hin ótrúlega vel hrærða tzatziki sósa! Sjáið bara áferðina... mætti halda að skálarófétið hafi verið blessað af alheilögum anda og amk. einum engli!!

Diskurinn minn... númer eitt! Ég kem ekki til með að kjafta frá hversu oft ég fékk mér, en þið getið margfaldað þessa dýrð með um það bil fjórum.. milljónum og tveimur!

Svínahnakki, svínarif og lambaprime! Óguðminngóður!

Það er ekkert sumarlegra en grill! Jah.. grill og lykt af nýslegnu grasi - það er sumar í mínum kladda!

Góð helgi að baki. Nú verður það harkan sex fram að páskum. Verðum að ná amk fimm upphífingum fyrir þann tíma ekki satt?!?

Athugasemdir

[Dossan (IP-tala skráð) 14.3.2010 kl. 23:10]

Ohhhh - nú lang ég í meir svín

[Svava (IP-tala skráð) 14.3.2010 kl. 23:19]

...og ég skellti mér bara aftur á svínið í kvöld ! ;-))

[Elín Helga Egilsdóttir, 15.3.2010 kl. 10:16]

Þetta var eitt gott svín!

[Hulda (IP-tala skráð) 15.3.2010 kl. 15:18]

Rooooosalega girnilegt! Ég mæli með því að setja cummin á hnífsoddi útí tzatziki sósuna... það gerir hana extra groooovy!

[Elín Helga Egilsdóttir, 15.3.2010 kl. 16:33]

Ohhhoo Hulda - góð hugmynd! Prófa það pottþétt næst!

[Heba Maren (IP-tala skráð) 15.3.2010 kl. 22:53]

úúú ég ætla að prufa að gera svona sósu næst... alveg 100% leyfileg :)

[Elín Helga Egilsdóttir, 16.3.2010 kl. 09:07]

Jessörrí! Hún er ofurfín og fersk!