Það var þá að janúar mætti á svæðið

Ég get svo svarið það - ég held að glirnurnar hafi kristallast á labbinu inn í ræktarhús í morgun! 

Túnfiskur í hádeginu. Mikið óskaplega getur það vera grautleiðinlegt að borða þennan blessaða fisk allsberan, beint uppúr dollunni! Ég saltaði því dýrið, pipraði smá - sletta af hot sauce og voila! Andaði herlegheitunum að mér með vinnugrænmeti og gleði í hjarta!

Haldið þið svo ekki að ég hafi gleymt möndlunum mínum heima! Greyin, aleinar og óétnar! Neyðin kennir möndlulausu átvagli þó að redda sér og ég stalst í nokkrar ekta fínar jarðhnetur í vinnunni!

 

Ég hef sagt það áður og segi það enn! Hnetur eru ekkert nema dásemdin einar!

Athugasemdir

[Klara (IP-tala skráð) 3.2.2010 kl. 14:49]

Hæhó

Hvað má borða mikið magn af hnetum á dag ? Ég elska hnetur og hnetusmjör t.d.

Ég er hálf hrædd við að fá mér hnetusmjör vegna þess að ég veit ekki rétt magn ;)

Takk fyrir frábæra síðu :)

[Elín Helga Egilsdóttir, 3.2.2010 kl. 15:07]

Hæ hæ

Það fer svolítið eftir því hvenær dags þú ert að æfa og hvort þú sért í hvíld eða ekki en það kemur fram hér svona um það bil skammtastærð pr. nokkrar hnetutegundir. Svo er um það bil 1 msk hnetusmjör það sem má gúlla af því - mér til ævarandi hamingju. Ég fæ mér möndlur/hnetusmjör á hverjum degi. Stundum með hverri einustu máltíð  

[Klara Lind (IP-tala skráð) 3.2.2010 kl. 19:15]

Takk kærlega fyrir aðstoðina ;)

[klara (IP-tala skráð) 3.2.2010 kl. 19:15]

Takk kærlega fyrir aðstoðina ;)

[Elín Helga Egilsdóttir, 4.2.2010 kl. 10:37]

Ó elsku besta, það var nú afskaplega lítið.