Oj hann er bleikur!!!

En góður!! Almáttugur hvað humar er ógeðslega góður!

Rifsberjahlaupshumar a la mamma!

Lítur nú hálf dónalega út svona bleikur... jafnvel eins og fóstur!!!

Eiki bleiki og rækjurnar!

 

Í hádegismat ásamt:

 

Fyrir æfingu ásamt:

 

Vítamínskammturinn fyrir daginn alveg að klárast! Eitt... hálft vítamín eftir!

Þetta var örblogg í boði Elínar! Æfing eftir 10!

Heitt jóga og 66°norður beint í trýnið

Voðaleg frekja er þetta í veðrinu!

Góður grauturinn í morgun. Þessi sami gamli góði einfaldi með hindberjum. Hindberin eru svo geigvænlega glæsileg svona frosin af einhverjum ástæðum - ekki það að þau séu það ekki fersk. Hindber eru góðber!

Svínalundir í hádeginu og vinnugrænmeti! Eins og ég hef áður sagt, þá er ég ekki mikil grísakerling en þetta var afskaplega, afskaplega fínt ét! Ketið mjúkt sem smjer. Reyndar var átvaglið orðið svo hungrað að samstarfsfólk var farið að hafa orð á óhljóðunum sem frá svartholinu komu! Svartholið verandi belgurinn á undirritaðri að sjálfsögðu. Sjáið bara matinn gott fólk! Gvöööð menn góður! Ég dey úr hamingju og fer til himna - helst þó í himneskt bakarí... ef það er til.... og ef það er hægt að leggja inn svoleiðis pantanir!

Að auki við þennan ofurglæsilega disk hér að neðan setti ég ofan í mig tvær kartöflur og nokkrar möndlur. Græðgispúkinn fór hamförum. Djísús - ég ætti að hengja þessa mynd upp á veginn heima!

Hryllilega flottir litir!

Er ég kannski ein um að vera "Dáðst að matnum mínum" perri?

Eins og máluð mynd!! Gleður mín sérlegu augu óstrjórnlega.

Fékk mér svo eina svona eðalkrúttubombu í eftirrétt! Hafrakaka frá því í gær - assgoti massagóðar þó ég segi sjálf frá! Ætla að gera annan skammt við tækifæri - hendi uppskriftinni vonandi inn í kvöld! Þær eru ennþá með knús og kram að utan, mjúkar og djúsí að innan.... mmhmm!

Kannski ágætt að minna sjálfan sig á það að ef halda á úti matarbloggi, þar sem einstaka myndir af höndum/puttum/lúkum eiga það til að láta ljós sitt skína, þá sé gott að vera með almennilega og vel snyrtar neglur!

Til að halda áfram að lista upp allar mínar "syndir" þá er ég með afgangs fisk frá því í gær sem ég ætla að gæða mér á í eftirmiðdaginn ásamt möndlum og almennri hamingju! Fiskiprinsfiskur í dilli og hvítlauk! Það, elsku bestu, er líka assgoti gott ét! Fiskur er kominn ansi nálægt því að vera uppáhalds ket sem undirrituð setur ofan í sig. Ekki í nema nokkurra millimetra fjarlægð frá fiðurfénu og beljunni!

Held að þessi dagur verði einn af "ofurátsdögunum". Þeir eru það reyndar allir en sumir dagar eru bara aaaðeins meira gúrmey en aðrir. Kvöldmaturinn segir til um hvort 23.03.2010 verði extra spes eða ekki.

Annað í fréttum: 

• Hvítt súkkulaði Scitec prótein bíður mín aleitt og grátandi á pósthúsinu... ohmy! Sæki það á morgun. *tilhlökkunartryllingsdans* í bland við smá rúmbu! Hlakka til að smakka! (rímar og allt)
• Hot yoga í kvöld mín kæru!
• Njótið dagsins í botn og brosið út að eyrum 

Afmælisþreyta.. eða er þetta ellin?

Það hlaut að koma að því! Það bara gat ekkert annað verið!

Ég svaf yfir mig í morgun! Það hefur ekki komið fyrir síðan ég byrjaði að vinna! Ég hef ekki sofið yfir mig í 2,5 ár! Ég var svo hissa á þessu að ég leit á klukkuna í þrígang til að vera alveg viss. Get svo svarið það... 09:27 og eina sem ég hugsaði var "Nei andskotinn... hvað er að símanum mínum?"!

Ég er enn hálf gáttuð á þessu!

Sökum ónáttúrulegrar ásóknar í svefn skellti ég próteini, vatni, höfrum, kanil og frosnum bláberjum í skál á innan við 0.05 sek.! Ég setti líka smá múslí í skálina - rétt fyrir kramið. Það tók 0.01 sek.! Ég er ekki hafragrautarhetja að ástæðulausu!

Gærdagurinn var annars hinn besti. Eftir að ég kom heim úr vinnunni biðu mín skúffukaka og bananabrauð frá ömmunni og risastór ofurkaka frá Svöbbu. Svo sætar og fínar þessar kerlingar í fjölskyldunni minni! Stórkostlega ánægð með þetta - og takk báðar tvær.

Afmælismaturinn var hinsvegar kjúlli á Saffran. Ég bara varð.. ég hef ekki fengið mér Saffran síðan fyrir jól og halló allir heilagir andar, óandar og skrandar. Þetta var bara dásamlegt ét - en assgoti stór skammtur. Ég náði rétt að torga einum bita og þá var mælirinn fullur! Það gerist sárasjaldan á öldum átvaglsins!

Þessi mynd gerir kjúllanum samt engin skil, töluvert subbulegri en rétturinn bragðaðist. Sjáið bara hvað grjónin eru eitthvað druslulega dreifð út um allt! Vita þau ekki að þau eru í mynd?

Ekkert að óttast þó, ég skildi ekkert eftir. Afgangarnir notaðir í matinn í dag - með hnetusmjöri! Ójá! Fyrir æfingu á eftir spisa ég svo hinn helminginn af kjúllanum með grjónum! Mhhh hvað ég ölska grjón!

Hlakka til að komast í spriklið. Verður með eindæmum ljúft að fá blóðið aftur á hreyfingu!

Afmæliskaffi hjá Valdísi Önnu litlumús um helgina.

Jahérna hér... ég svaf yfir mig í morgun!

Súrt er gott - en ekki alltaf

Alveg magnað hvað sprungin bláber geta gefið í skyn að einhverju blóðheitu hafi verið slátrað á staðnum!

Mikið hlakkaði ég samt til þess að bíta í kjúllann minn í hádeginu! Ég var búin að hugsa um hann frá því í blóðbaðinu í morgun. Ég safnaði sman á disk ágætis hrúgu af gumsi í vinnunni! Kjúllinn dansaði úr boxinu ofan á grænmetisfjallið og góðum bita komið fallega fyrir á gaffli þegar....

....BLAAARRRRRRHHHHHGGGGG! Kjúllabitanum var skyrpt með stæl langleiðina yfir matsalinn með tilhlaupi, smá snúning og tilheyrandi kokhljóðum. Hænan var súrari en amma andskotans! Fiðurféð ekki hamingjusamt í hádeginu, mér til mikillar sorgar. Próteinleitarinn fór snarlega af stað og hættuástandinu aflýst. Ég náði að redd'essu!

Njótið dagsins

Séð og heyrt á hleðsludegi

Haldið þið ekki að átvaglið og hafragrautarnir hafi birst í Séð og heyrt í dag! Skemmtilegt nokk!

Hleðsludagur í dag! Kolvetni gleypt eins og enginn sé morgundagurinn! Risaskál af einum einföldum hömsuð í morgun. Hádegismatur samanstóð af kjúklinga baguette með hot sauce og grænmeti. Myndavélin mín kær missti vit og rænu áður en ég náði mynd af ofurlanglokunni fullunninni - en trúið mér elskurnar, hún var svaðaleg.

Tex mex súpan var góð en ég fékk mér bara smakk. Notaði pínkulítið af henni sem "sósu" á langlokukvikindið ásamt hot sauce og grænmeti. Kannski 1 - 2 msk.

 

 

 

 

 

 

Gott gott ét! Æfing á eftir. Fætur munu gráta og grettur taka völdin.

Annars er ég alveg að komast í "búum til eitthvað" nýtt gírinn eftir jólatörnina. Ég sé fyrir mér allskonar bökunardót og bakkelsi ásamt ofurgrautum og girnilegum kvöldmat hinumegin við hæðina.

Hvað sagði Tarzan þegar hann sá fílana koma yfir hæðina með sólgleraugu?

-Ekki neitt, hann þekkti þá ekki!

 

Já ég veit... þetta var stórkostlegur brandari!

Smjörepli og soðinn fiskur

Fiskur í hádeginu. Vinnufiskur. Ansi langt síðan ég borðaði hinn klassíska soðna fisk og gvöðmöndör góði og allir hans fylgdarsveinar (ef einhverjir) hvað hann var góður. Ég svoleiðis hamsaði þetta villikvikindislega.

Eftrréttur samanstóð af tveimur eplum. Þessi epli eru alveg að gera sig í minni bók. Ég veit ekki af hverju, en ég finn smjörbragð af þeim! Nú veit ég ekki hvort bændur lumi á hræðilegu leyndarmáli eða hvort bragðlaukarnir í mér séu í fönki af bestu gerð. Já.. bestu gerð! Hvort heldur sem er þá kem ég ekki til með að hætta að éta þessar smjörbombur fyrr en bragðið lætur sig hverfa - og varla þá, epli eru svo góð þegar þau eru góð.

Kjúlli og sæt kartafla fyrir æfingu! Með eindæmum gott að örbylgja sæturnar, þó svo þær verði ekki fallegar fyrir vikið, en pínkulítið stökkar/þurrar sem jafngildir áferð/bragði á frönskum kartöflum eða kartöfluflögum. Það gerist varla betra fyrir átvaglið og græðgispúkann. Þessi mynd er samt hræðilegri en orð fá lýst. Keith Richards kjúlli?

Eðal æfing framundan - hvort ég haldi hana út eða ekki á eftir að koma í ljós. Barsmíðar gærdagsins skildu svo sannarlega eftir sig merki.

Hvað skal etið í dag?

Ég er hið minnsta búin að gúffa í mig þessari skál!

Í minni nánustu framtíð sé ég mjög líklega fyrir mér kjúlla!

Hakk... pottþétt hakk!

Kannski smá lax og pottþétt möndlur! Ó möndlur...

Annað í fréttum: Vinna á föstudaginn. Formlegu letilífi líkur, við tekur blákaldur raunveruleikinn (sem er eiginlega meira rauðgulur með gylltu og nokkuð hlýr) regluleg bloggskrif, ræktarstúss og matarplön fram í rauðan dauðan (sem er aftur á móti grænn).

Rútínan kemur til með að smella saman eins og enginn væri morgundagurinn! Ekki það að mér líki letilífið ekki - þetta er gvöðdómlegt með eindæmum!

Þangað til næst - teiknaðu kona... teiknaðu á þig gat!

Bragðlaukarnir í viðbragðsstöðu

Ágætis dagur að kveldi kominn. Á morgun verður aðeins meira slökunarstúss, fíníseringar á jólapökkum og Gúmmulaðihelli. Lilla Au púslað saman, skreyttur á þorlák og þá - þá mega jólin koma. Fékk mér annars Serrano í hádeginu ásamt Ólínunni. Fékk innvoslið úr burrito á svona líka fínum disk.

Tæmdi næstum því hot sauce yfir og gleypti í mig með tilheyrandi snýtum, fnasi og tárvotum augum. Alveg þess virði...

Fyrir æfingu gúmslaði ég í mig ómynduðu hakkgumsi, mjög vel krydduðu og sterku, ásamt sætri kartöflu og eftir æfingu gleypti ég þessa skál með feld og skinni - hrískökum og próteini!

Hræra saman... það þarf alltaf að hræra saman!

 

 

 

 

 

 

Áferðaperrinn klappaði mér á bakið fyrir þessa skál, mjög hamingjusamur. Þann perra þarf líka að rækta eins og átvaglið - ekkert gaman að bíta í áferðalausan mat endalaust! Guð forði mér frá því að lifa á súpum og graut alla mína ævi!

Eins og þið eflaust sjáið þá er maturinn minn þessa dagana jafn spennó og klósettbursti. Ástæðan fyrir því er einföld - jólin eru eftir 3 daga!!! Það er ekki af því að það er "nammidagur" á aðfangadag eða neitt síkt, mig langar bara svo svaðalega að njóta þess að borða jólamatinn. Ekki það að ég myndi ekki njóta þess að borða hann væru veislur á hverjum degi fram að jólum! Ég er að undirbúa bragðlaukana - byggja upp jólastemmarann í mátarmálum! Ohhh hvað ég get ekki beðið!

Gæti samt verið að ég sé ranglega samsett. Líkurnar á því eru geigvænlegar. Þegar ég var yngri þá átti ég það til að stilla vekjaraklukkuna á laugardögum, mjög snemma, til þess eins að vakna, slökkva á henni og vita að ég gæti sofið til hádegis! Já, það er möguleiki að vitlausa beinið hafi lent í höfðinu á mér. Það var bara svo notalegt að þurfa ekki að dröslast frammúr, klæða sig, út í kuldann og beinustu leið í skólann. Ég veit þó fyrir víst, hef fyrir því staðfestar og áreiðanlegar sannanir, að ein önnur manneskja sem ég þekki hefur tekið laugardagsvakninguna ógurlegu með sama tilgangi og ég! Það eru því fleiri með vitlausa beinið á röngum stað en bara ég! Ég þyrfti að stofna vekjaraklukkufélag!

Aaaallavega... hættum þessu tuði. Sit hér heima í rólegheitunum með bók og nýt þess að slappa af ásamt fleirum.

 

 

 

 

 

 

 

 

 

 

 

 

Eigið gott kvöld mín kæru.

Hleðsludagur, taka tvö

Ég lærði mína lexíu síðasta laugardag - það er betra að hafa hleðsluna inn í miðri viku þar sem laugardagar eru þekktir sem "slepptu þér manneskja - éttu þangað til augun standa út úr höfðinu" hjá fleirum en mér! Þó svo "svindlið" hafi ekki verið stórt þá var það svo sannarlega bannað og fimmtudagar eru fullkomnir fyrir jóla-bökunar-nammiátvagl sem smámsaman er að jóla-áts-bugast. Þar sem fimmtudagur er jú fimmti dagurinn í vikunni og skv. mínu tímatali, vinnudagur, þá er aðeins erfiðara að hafa gúrmey stemmara í hleðslunni. En myndirnar láta ekki á sér standa - ég hafði það assgoti gott í dag!

Fyrir æfingu 

Rjómakenndur bananagrautur með rúslum

Sami grautur og síðast, sömu hráefni, sama magn - önnur aðferð, önnur áferð.

Eggjahvítur örbylgjaðar þangað til stífar og hrærðar í spað. Hafrar settir í pott með tvöföldu magni af vatni, stöppuðum banana, vanilló og kanilló. Soðið upp, eggjahvítum bætt út í þegar þykkt á graut er að þínu skapi, hellt í skál og rúslum stráð yfir. Svoooo gott! Bananinn gerir grautinn ekki bara sætan, heldur að algerum rjómakenndum fluffypúða. Lovit. Sjáið t.d. muninn á þessum graut og síðasta hleðslugraut! Setti núverandi reyndar í ísskáp yfir nótt og í morgun var hann eins og karamella. Hefði verið geggjað að setja rommdropana út í þennan - hefði komið vel út.

 

 

 

 

 

 

Eftir æfingu 

Stútfull skál af dísætu Kelloggs Special K með "Vanilla Ice" prótein búðin

Ice ice baby! Hrærði próteinið þykkt með vatni og klaka, hellti í skál plastbox og morgunkornið yfir. Eftir nokkra stund hrærði ég þessu þó öllu saman og borðaði eins og bragðaref. Svínvirkar og kornið gúffað hratt og örugglega.

 

 

 

 

 

 

 

Hádegismatur 

Kínanúðlur með eggjahvítum og grænmeti

Sama og síðast. Ég stóðst ekki mátið! Þær voru.. eru bara of góðar. Nohm! Ég er með kínanúðluþráhyggju á háu stigi þessa stundina. Enn og aftur kom magnið mér á óvart og enn og aftur kom ég sjálfri mér á óvart með því að klára þetta allt!

 

 

 

 

 

 

 

Kaffi

Kjúklingapíta kramin í grilli

Ostur og deig klikkar aldrei! Hafði kjúklinginn í hunangsdijon/vinagrette og steinseljulegi í nótt. Hvað annað? Troddaði inn í pítabrauðið ásamt grænmeti, eplasneiðum, 9% osti og kramdi... kramdi frá mér allt vit! Samstarfsfólk góndi og glápti forviða þegar ég stóð við grillið hlæjandi tryllingslegum vondukallahlátri. Þið verðið svo að fyrirgefa mér myndirnar, litla fína myndavélin mín er að geyspa golunni held ég.

 

 

 

 

 

 

 

Brenndur ostur, ég veit ekki hvað gerist en stórkostlegt er það. Ég eeelska... brenndan ost. Þetta er örugglega óhollt úr því það hlakkar í átvaglinu - en ó... gleðin einar. Bráðinn ostur er ekki verri! Ostur og deig.. ostur og deig! *hamingja*

 

 

 

 

 

 

Ohhh... búið!

Kvöldmatur

Bolognese hambó

Ég á engin orð. Engin. Þetta var svakalegur hambó. Semi bolognese sósa. Skar niður hvít- og rauðlauk ásamt púrru og steiki í 30 sek á pam-aðri pönnu. Hellti þarnæst niðursoðnum tómötum frá Ítalíu (enginn sykur, salt...) út á pönnuna og 1 dl vatni ásamt smátt skornum gulrótum, sveppum og papriku. Kryddaði með oregano, basil, steinselju, salti, pipar, cumin, kanil og kóríander. Ffjúhh! Lét malla þangað til þykkt. Hambó púslaði ég saman úr kannski 3 gr. eggjahvítu, 96% hakki og kryddum. Steikti með sósunni og púslaði svo dýrðinni saman!

 

 

 

 

 

 

Sósa á botninn, hambó, ostur, tómatar, rauðlaukur, paprika, meiri sósa og hamborgaralok! Hrmpfh!

 

 

 

 

 

 

Fyrir svefninn

Banana og próteinbúðingur með frosnum jarðaberjum

Frosinn banani hrærður í muss, próteini bætt út í og örlitlu vatni og vanillu. Blandan verður mjög þykk. Jarðaber sett í skál og banana/prótein blöndunni hellt út á. Láta bíða smá í ísskáp þangað til þolinmæðin er á þrotum. Þá étið með áfergju. Gott slútt á massa fínum hleðsludegi.

 

 

 

 

 

 

Niðurtalning er hafin að nýju. Þakkargjörð á laugardaginn, Boston helgina á eftir. Helgina eftir Boston verður líklegast jólahlaðborð og þar á eftir fyrsta fríhelgin í "sumarfríinu" mínu og svooo...

Kjúlli, hnetur og hnetusmjör

Einhæft eða hvað? Einhæft en góð..hæft. Ef það er þá orð.   Engu að síður, þá læt ég það standa.

Kjúlli, gulrót og hnetusmjör. Beint af kúnni, allsbert og gleðilegt. Merkilegt nokk, þá eru gulrætur og hnetusmjör svaðaleg blanda! Mæli með því!

 

 

 

 

 

 

 

Meiri kjúlli og ... tadaaa... gleðimöndlur! Stútfullur diskur af salati og hamingju... og möndlum. Ahh! 

 

 

 

 

 

 

 

Viðurkenni það fúslega að ég skoða oft stjörnuspána mína í gamni. Stundum á hún vel við, stundum ekki. Maður virðist þó alltaf ná að samsama lesturinn við eitthvað sem á hefur dunið í lífinu. Stjörnuspáin mín fyrir daginn í dag kætti kvendið mjög.

VATNSBERI 20. janúar - 18. Febrúar

Hvöt þín til óhófs spennist sífellt á móti fjárhaslegri visku. Ef þú ert að sækja í enn betri vinnufélaga, getur þetta verið stórkostleg hugmynd.

Höfum þetta stutt:

Hvöt til óhófs = Endalaus bakstur. Þarf maður virkilega að tilraunast?

Fjárhagsleg viska = Alltaf að kaupa meira og meira bökunardót. Kreppa?

Betri vinnufélagar = Smakkararnir mínir. Fullur kökumagi jafngildir glaðri sál - yfirleitt.

Stórkostleg hugmynd = JÁ! JÓLIIIIN.... afsakið, veit ekki alveg hvaðan þetta kom!

Þá held ég áfram að láta eins og bökunarbestía, eyða pening í sykur og hveiti og vinn mér inn, í kjölfarið, ást allra minna vinnufélaga þar sem ég held að þeim kökum og gúmmulaði allan liðlangan daginn!

Góður matur, glaður magi og maginn ræður alltaf.