Hryllilega gott skap

Veit ekki hvað það er, hvort það sé skálin af ofurhöfrum sem ég fékk mér í morgun, snjóleysið eða bara almenn hamingja og gleði en geigvænlega gott er skapið í kvendinu í dag!

Hélt upp á þetta ágæta hugarástand með eðal fínni vinnuskál af grænmeti, fisk og avocado.

Allt sem er grænt grænt finnst mér vera fallegt... Skreytt með furuhnetum, kókos og graskersfræjum! Rauða dýrðin - rauðlaukur og paprika - fela sig undir grænu gleðinni!

 

 

 

 

 

 

Stórgott hádegisát mín kæru.

Roastbeef og appelsínugulur sætusnúður fyrir æfingu á eftir! Hlakka mikið til að rífa í járnið!

Sami morgunmatur, en samt ekki alveg

Einn einfaldur eftir morgunbrennslu með vanilló, kanilló og hindberjum. Frosnum hindberjum. Þetta er reyndar ekki mynd af sama graut og ég fékk mér í morgun, en sömu innihaldsefni voru í þeim báðum. Þessar myndir eru barasta töluvert ferskari og fínni. Ohhh hvað dagsbirta gerir góða hluti!

Hér er svo mynd af skálinni minni eins og hún lítur út núna! Svo gott sem sleikt!

Hindber eru með eindæmum allsvaðalega góð. Afskaplega falleg og fín líka. Þessar krúttusprengjur skora mörg stig í mínum kladda yfir eðalfæði!

Góður dagur í uppsiglingu... er það ekki bara

Ossobúkkó og eplakaka

Jahérna hér... fuglarnir eru alveg að verða vitlausir! Ég vaknaði upp í morgun við fuglasöng og þeir hafa ekki hætt síðan - dásamlegt alveg hreint!

Fjölskylduhittingur með meiru. Vel heppnað rennsli, góður matur og ránvalginu (rándýr + átvagl) leyft að reika um sléttur Gúmmulaðihallarinnar án fylgdar. Þvílík dýrð og hamingja. Ég fékk yfirumsjón með eftirréttinum, sem var að sjálfsögðu karamellueplasprengja, á meðan móðir kær lét ossobúkkó malla, kjúkling grillast og nautatungu sjóða!

Sjáið bara hvað ossobúkkóið er svaðalegt!! Þetta var súpa fyrir  324 fílhrausta sjómenn og mikið assgoti var hún hryllilega góð!

 

 

 

 

 

 

Þessi pottur mun vera þrýstipottur og er mikið þarfaþing mín kæru. Í þetta kvikindi væri hægt að setja steina og þeir myndu koma úr heitapottinum mjúkir sem bráðið smjer! Pabbi þolir ekki gripinn þar sem hann lenti í miklum þrýstipottshremminum sem barn. Sá pottur sprakk með miklum látum og skildi eftir sig verksummerki í marga mánuði á eftir. Fyrsta skipti sem potturinn á myndunum hér að neðan var notaður hélt pabbúla sig í öruggri fjarlægð á meðan mamma notaði sundurtogað herðatré til að hleypa gufunni út... aðfarirnar voru stórkostlegar!

 

 

 

 

 

 

Kjúllinn fékk að hvíla sig í ofninum og fylgdarlið hans gert reddí. Sykur, rjómi og teitur - þetta bland getur bara ekki klikkað. 

Gúmmulaðihallarmóðir að sýna mikla snilldarinnar kartöflusnúningstakta!

"Wawoohmm!"

 

 

 

 

 

 

Undirbúningur fyrir eplakökumaraþon hafinn.

Byrjunarstig.

Notuð voru 7 epli í þetta monster. Ég var í miklum skrælipælingum og gat með engu móti skinnflett eplin í einu skræli nema eitt.

Ég náði þó að útbúa Barbapabba í nokkur skipti.

5 niðurskorin epli, gomma af hnetum, 4 Snickers, ógrynni af kanilsykri og smá púðursykur.

Púðursykur, smjer, vanilludropar, kanill og sýróp hrært saman í karamellu og tveimur smátt niðurksornum eplum, ásamt hluta af hnetunum, bætt saman við. Ójá - úr þessu verður svaðaleg sósa og gumsinu hellt yfir stærri eplabátana.

Hveiti, sykur og smjergumsi hrært saman og stráð yfir herlegheitin ásamt smá kanilsykri og suðusúkkulaði! Herre guð og allir englarnir! Þetta voru 400 gr. af sykri, 400 gr. af smjöri, 300 gr. af hveiti og 100 gr. af höfrum.

Guðminngóður!

Hambó á boðstólnum fyrir litla fólkið. Jah... litlu stelpurnar. Við kunnum víst ekki að búa til stráka í þessari fjölskyldu! Nema Dossan komi okkur á óvart núna í næstu viku, hihii!! Get ekki beðið! 

Og jú, Dossan mín á von á litlum Spaghettisen núna í sumar

Veislan eins og hún lagði sig. Leit nú reyndar betur úr án flassins en guð minn góður... þetta var alltaman alveg svaðalegt. Móaflatarkjúllinn! Sósuna vantar inn á myndina - en hún fékk svo sannarlega að vera með.

Ossobúkkóið og Móaflatarkjúllateitur!

Þessi súpa... djísús! Hér tók ég smá pásu á bloggskrifum og stalst í afganga!

Söltuð nautatunga með piparrótasósu! Mikið, svakalegt gúmmulaði!

Mér er sama hvað þið segið/haldið - nautatunga er ekkert nema ógeðslega gleðilegt ét! Get svo svarið það. Köld, daginn eftir, ofan á brauð - mmhmm!

Þeir sem ekki vilja borða tungu sökum þess eins að þetta er jú "tunga", þá skuluð þið hugsa ykkur tvisvar um þegar þið eruð að borða rassinn á nautinu eða lærin! Þið eruð að missa af heilmiklu skal ég ykkur segja.

Allir sáttir með átið enda ekki annað hægt.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Guli kisi fékk hitakast og hlammaði sér á flísarnar sívinsælu með miklum dunk. Það er eins og hann hafi verið skotinn!

Karamellusprengjan alveg að verða til. Bíður sallaróleg og bubblandi eftir að hitta ísinn sem keyptur var með henni.

Come to mama!!

 

 

 

 

 

 

Rjóminn fékk að sjálfsögðu að fylgja með! Það kemur ekkert annað til greina í eftirréttamálum!

Stórkostlegt kvöld, þau gerast varla betri en þetta mín kæru.

Og bara svo þið vitið af því - þá kláraðist eplakökumonsterið í gærkvöldi! 500 kíló af sykri, smjeri og eplaketi - Mafíósarnir standa alltaf fyrir sínu!

Hafra- og hindberjakoddar

Jæja.. önnur tilraun, önnur hráefni. Svolítið samansafn af því sem til var, ef ég á að segja alveg eins og er, en útkoman var bara nokkuð ásættanleg.

Hafra- og hindberjastangir

Hafragums

270 gr. hafrar eða 6 dl

180 gr. eplamauk

3 msk hunang

salt

gomma kanill

1,5 tsk lyftiduft

6 msk vatn

1 tsk vanilludropar

Allt saman í skál...

...hræra vel og voila! Setja til hliðar á meðan hindberjagumsið er útbúið.

Hindberjagums

140 gr. frosin hindber

1/2 msk hunang eða agave

1/2 dl. goji berjasafi (eplasafi, appelsínu..)

Setja í skál og inn í örbylgju þangað til gumsið er orðið heitt...

...hræra þá örlítið saman eða þangað til það lítur um það bil svona út.

Fletja helming af hafradeigi út á bökunarpappírslagðri pönnu/fati/pappír (mæli með ílati sem hefur "kannta")...

...berjagums yfir það...

 

 

 

 

 

 

...og svo rest af deigi þar ofaná. Svolítill Dexter fílíngur í þessu ekki satt!!

 

Inn í 175 gráðu heitan ofn í 30 mín, eða þangað til hafrarnir eru fallega gylltir ofaná og dýrðin um það bil svona útlítandi.

 

 

 

 

 

 

Það væri að sjálfsögðu langsamlega best að hafa þetta í ferkönntuðu formi/fati til að auðvelda skurð og halda fullkomnunaráráttufíklinum hamingjusömum! Ég lét hringlaga smelluform duga.

Ágætt að leyfa "kökunni" að kólna smá áður en eiginlegur skurður á sér stað.

 

 

 

 

 

 

Niðurstaða:

Mjög bragðgott og skemmtilegt krums. Ekki svo ósvipað ofnbökuðum hafragraut (ekki dularfull ráðgáta það), en þéttara í sér og að sjálfsögðu í bitaformi sem auðveldar át ef mikið drífelsis-stress er í gangi. Sýran í berjunum ákkúrat næg á móti sætunni - mér persónulega þykir þetta nægjanlega sætt. Áferðin gleðileg og millilagið kætir átvaglið einstaklega. Gaman að bíta í koddana kalda og Svabban ánægð með útkomuna. Hún snakkaði á tveimur í morgun með skyri!

Hvað myndi ég gera öðruvísi næst?

• Tvöfalda berjagumsið, bæta út í það vanilludropum og sterkju til að þykkja. Nota bláber. Setja jafnvel nokkur heil frosin ber í millilagið áður en rest af deigi er smurt yfir.
• Nota grófa hafra. Annaðhvort græna solgryn eða tröllahafra. Setja helming af höfrum í matvinnsluvél og mylja smátt.
• Bæta út í hafragumsið t.d. muldum hörfræjum, þurrkuðum ávöxtum, hnetum...

Verður eitthvað næsta skipti?

Jább - með viðbætum, ábætum, úrbætum og einhverjum öðrum bætum!

Æfing eftir einn og hálfan

Skoh! Ég sagði það! Roastbeef og appelsínugul krúttusprengja! Heimalagað ofurRoastbeef í þokkabót - við skulum ekkert ræða þetta neitt frekar og njóta átsins!

 

Ein svaðalegasta örbylgjaða sæta kartafla fyrr og síðar. Hver einasti biti eins og snakk - karamellukennt, crunchy snakk! Guðminngóður!

1. Eftir 80 mínútur munu fætur gráta og rasskinnar brenna.
2. Eftir 95 mínútur verð ég að borða súkk og kók... eða súkk og beyglu. Ekki búin að ákveða.
3. Eftir 120 mínútur verð ég nýbúin að sturta mig.
4. Eftir 160 mínútur verð ég flöt eins og pönnukaka í sófanum fyrir framan tímaþjófinn og ætla að nýta kvöldið í nákvæmlega ekki neitt!

Ég get ekki beðið!

57 dagar...

 ...að einum viðbættum og voila... 1. maí er genginn í garð! *Gleðisprengjuhamingjukast*

Snjórinn kom, sá og stoppaði umferð í nokkra daga. Nú mætti hann, blessaður, fara að láta sig hverfa. Ég veit, ég veit... ekki kvörtunarvænt þar sem núverandi ástand hefur rétt staðið yfir í rúma viku og íslenskir vetur eru í flestum tilfellum stórkostlegri í umfangi en snjópísl undanfarinna daga. En vitið þið hvað? Mér líkar píslin barasta ágætlega vel í mínu stolta, harða, íslenska "Ég fer út á berrassgatinu í -20° frosti og borða grílukerti" víkingahjarta. Ég gæti vel lifað hamingjusömu íslensku töffaralífi án sex mánaða snjótíðar. Hnatthlýnun og gróðurhúsaáhrif! Jahérna hér!

Annars var eggjahvítugrautur maximus á boðstólnum í morgun. Soðinn upp með banana og skreyttur með múslí og frosnum hindberjum. Ég át hann samviskulaust án myndavélarinnar þar sem hungur í bland við leti yfirtók átvaglið eftir fyrsta bitann. Grauturinn hvarf á hraða ljóssins - ég rankaði við mér þegar ég beit í skálina. Það var ekki ákjósanlegur endir á annars góðu áti!

Hádegismaturinn samanstóð af eftirfarandi litadýrð og fiðurfé í stil. Saffran kjúllinn - ég fæ bara ekki nóg.

 

 

 

 

 

 

 

 

 

 

 

 

 

Ég mátti til með að mynda hádegismat vinnufélaga míns. Afmælisbarn með meiru svo ég óska honum hér með til hamingju með daginn. Mér er slétt sama hvað fólk fær sér að borða, ekki halda annað elsku bestu - þótti þetta bara fyndið. Munurinn á mínum disk og hans. Hann fær þó plús í kladdann fyrir að fá sér svolítið af mat með sósunni. Þessi diskur kætti mitt fasíska sjálf óstjórnlega.

Talandi um fasískar venjur. Annar vinnufélagi kom niður í matsal, þar sem ég sat með myndavélina og tók matardiskinn í gegn, og sagði "Ahh.. grænmetisbuff og salat, klukkan er 11:30, Elín er að taka mynd af matnum sínum... allt eins og það á að vera"! Matarmyndatökuáráttan er farin að trodda sér inn hjá nærstöddum átfélögum.

Roastbeef og sæt fyrir æfingu á eftir, súkk- og kók eftir æfingu og Ossobúkkóveisla í Gúmmulaðihöllinni á morgun a la madre. Famelían saman, matur, kósýness og krúsíbombur ásamt nokkrum köttum og hundum.

Stundum er ekkert nema gleðilega fyndið að vera til.

Góðverk og marblettir

Við skvísurnar í vinnuhópnum mínum tókum okkur til, í tilefni góðverkavikunnar, og jú... gerðum "góðverk". Matur kætir alla og góðverkið samanstóð því af gleði og hamingju fyrir bragðlaukana. Stilltum upp herlegheitunum og buðum restinni af fyrirtækinu í smá "brunch" og spjall.

 

 

 

 

 

 

 

 

 

 

Þetta vakti mikla lukku og kátínu. Svava frænka með eindæmum hress!

Í boði var guacamole a la Sigga Harpa. Grjúvulega, gvendsamlega gott!

Ostasalat og nýbakað Parmesan/Cheddarostabrauð frá Inger.

 

 

 

 

 

 

 

Vinabrauðið sívinsæla og skyrterta frá Liljunni. Vinabrauðið gengur milli manna - þarf að fá afhent deig til þess að mega útbúa eitt slíkt og það tekur 10 daga fyrir brauðið að "gerjast" í stofuhita áður en það má baka. Vænleg og djúsí gomma af sykri fylgir brauðinu - svo vænleg að Lilja minnkaði skammtinn all svaðalega. Kannski þessvegna sem þetta er kallað vinabrauð... ég væri ekki hissa á því, enda var Guðmundurinn góður!

 

 

 

 

 

 

 

Frönsk fallin súkkulaðsprengja frá átvaglinu. Ég tók eggjahvíturnar og þeytti þær í algleyming við súkkulaðikrumsið og úr varð frönsk flatkaka - en góð var hún bölvítið á henni!

Æðisleg bláberja ostakaka frá Bryndísi!

Pestó og ostabakki með flundurnýju brauði frá Sollu.

Þetta var gaman. Fólki þótti sérlega vænt um þetta framtak. Æði!

 

 

 

 

 

 

 

 

 

 

 

 

 

Hér eru svo elskulegar eldhússkvísurnar mínar!  Þórunn og Erna. Steinarr er með eindæmum ánægður þarna í baksýn. 

Gaman að þessu mín kæru. Alltaf gaman að sjá fólk njóta þess að borða og hangsa saman, sérstaklega ef maður á sjálfur einhvern þátt í fiestunni. Hér erum við góðgerðakerlingarnar svo allar saman komnar. Skuggalega æðislegur hópur af ofurkonum, eðalkvendum og sérstaklega sætum kvensum! (Svo kunnum við líka allar að búa til eitthvað gott.. ójá)

Valkyrjur frá vinstri: Solla, Lilja, Sigga Harpa, Bryndís, Átvaglið og töffarinn Inger er þarna fremst í flokki. Óskaplega væntumþykjanlegar konur - allar með tölu!

Annað öllu ógirnilegra í fréttum.

Ég skumflasaðist við að detta beinustu leið á trýnið fyrir tveimur dögum - sem er ekki frásögu færandi (þar sem mínir sérlegu fettmúlafætur eiga afskaplega erfitt með að fóta sig í hálku) nema fyrir þær sakir að ég uppskar þennan líka glæsilega fína barnamarblett.

 

 

 

 

 

 

 

Þetta eru stórgott dæmi um hinn týpíska fimm ára marblett. Fimm ára marblettir eru iðulega á hnjám barna eftir hrynjur, fettur og dettur ýmiskonar á viðburðarríkum leikstundum! Nú geng ég um fyrirtækið og monta mig af þessu líka svaðalega tjóni!

Njótið dagsins elsku bestu.

Fiskar og skeldýr

Hef ekki getað hugsað um annað síðan í gær. Fiskur, meiri fiskur - sjávarfang! Ohhggg!

Tileinkaði því deginum í dag þessu dýrindis fóðri. Lax í hádeginu og rækjukokteill í eftirmiðdaginn! Laxinn eru leyfar frá því í gær og því miður ekki alveg nógu girnilegur til myndatöku og ég var svöng og í smá tímaþröng... og...

...en hann var góður! Með spínati, grænmeti og kasjú í eftirrétt! Fallegir, fallegir litir!

Skrokkurinn æði sáttur og hamingjusamur með átið! Saffran í kvöld og súkkulaðibúðingur fyrir svefninn! Ahhh.. gott að vera til!

Hvaða hrúga er þetta?

Ég tók mig til og útbjó hafrastangir um helgina. Hafra- og bláberjastangir. Tókst ekki betur til en svo að það sem líta átti út eins og stöng breyttist í óskilgreinda hrúgu af gumsi sem var ljótara á litinn en myglublettur á fituskán! Ágætlega bragðgott en ekki nánda nærri jafn gullfallegt og átvaglið hefði á kosið.

Þar af leiðandi koma engar myndir af krumpinu fyrr en fullkomnað er! Ég held ég viti hverju ég klikkaði á, kemur í ljós í næstu tilraun!

En svona til að halda í hefðir þá var þessi diskur gleyptur í hádeginu! Gullfallegafínn ekki satt?

Öreindarifnar gulrætur og paprika með túnfisk er ótrúleg hamingja! Blanda gumsinu saman og voila! Sérstaklega fiskurinn og paprikan. Stórskemmtilegt!

 

 

 

 

 

 

 

!KASJÚ! -> Guð blessi þig!

Gvöð hvað maður er nú kómískur svona á mánudegi!

Kjúlli í dag, hafrastangir á morgun

Kreppa hvað? Velmegunarmælirinn spryngur, bráðnar og breytist í svarthol!

Fór í klippingu í dag og skellti mér svo í bæinn með systur minni ástkærri og leyfði henni að gera gömlu kerlinguna upp! Jú, ég á það til að kaupa mér utanáklæðnað - gerist annanhvern ársfjórðun á fjólubláu tungli.

Nú er ég nokkrum þúsundköllum fátækari og nokkrum flíkum ríkari. Hárið aðeins tekið stakkaskiptum og veðrið að bæta upp fyrir snjóleysiskast janúar og febrúar! Hann má nú samt alveg missa sín snjórinn - ágætt ef veðrið tekur Ísland á þetta og rignir duglega í næstu viku.

Við stukkum inn á Serrano þegar maginn var farinn að baula og átvaglið byrjað að naga neglurnar.

 

 

 

 

 

 

 

Burrito í skál með tvöföldum kjúlla, fullt af jalapeno og að sjálfsögðu hot sauce, sem bætt var samviskusamlega út á gumsið þar til skálin var tóm!

Svabban át quesadilluna sína með ofurlist og ostasósu. Svövudýrið var samt öllu hressara en á þessari mynd og quesadillan var með eindæmum gúrmey!

Ohhhhh... búið!

Við systur erum sérlega leðurklæddar og punk-ass í góða veðrinu! Stórkostlegur útbúnaður í snjó!