Hafrar og eggjahvítur - pönnsugrautur

Hafrahvítur? Eggjahvítugrautur? Fullkomið fæði fyrir æfingu!

Eftir margar tilraunir og stúss hef ég nokkurnvegin fundið út hvað mér þykir best að gera við eggjahvíturnar og grautinn á morgnana. Ef ég skúbba þessum hráefnum ekki í eitt stykki pönnsu þykir mér best að, jah, útbúa hálfgerða pönnsuhræru!

Helli eggjahvítunum í skál og inn í örbylgju í 1,5 - 2 mínútur og passa að eggjahvíturnar eldist ekki alveg. Hef smá hvítu lausa og liðuga. Út úr örbylgjunni reyni ég að hakka/hræra hvíturnar sem mest ég má og bæti þar á eftir höfrunum út í. Aukaefnum, gleðiefnum - vanilludropum, kanill, kryddi, hræri ég samanvið á þessum tímapunkti.

Þegar ég hef hrært frá mér vit og rænu helli ég stundum 1 msk af undanrennu yfir. Yfirleitt sleppi ég því. Stundum hendi ég grautnum meira að segja inn í örbylgju í 30 auka sek. áður en ég helli undanrennunni yfir, ef mér þykir hann of blautur - kaldhæðni, ég veit! En eggjahvítublautur og mjólkurblautur er ekki sami hluturinn. ((hrollur))

 

 

 

 

 

 

Loks toppa ég dýrðina með berjum, eða hræri þeim samanvið. Héðan fer hann svo inn í ísskáp og bíður þar eftir mér á morgnana. Hér að ofan er grauturinn eins og hann leit út í gærkveldi, þegar ég bjó dýrið til. Svona leit hann út í morgun, berin orðin mjúk! Come to mama!

Þessi var æði. Vanillu- og rommdropar! Svo verða hafrarnir ofaná stökkir, gumsið mjúkt að innan og á sumum stöðum finnur maður hafra sem hafa kúlað sig saman og myndað hálfgerðan mini-pönnsubita. Húhúúú... Þar sem eggjahvítur eru bragðlausar í sínu próteinríka eðli þá þarf að passa að krydda dýrið vel. Það væri örugglega æði að bæta út í þennan graut örbylgjuðum banana og strá yfir smá hentumixi og hunangi. Jafnvel stinga honum inn í ofn á grill í 2 - 3 mín.

Farin að rækta líkama og sál. Bak, brjóst og hendur mín kæru.

Humar í kvöld?

Athugasemdir

[Hungradur (IP-tala skráð) 19.11.2009 kl. 06:23]

 Mikil Ellugrauta saejens. 

Sá ad thú hafdir keypt Great Value hafra....einhver munur á theim og SOL GRYN?  Gaedi, verd?

Good morning!

[Ellen Ýr (IP-tala skráð) 19.11.2009 kl. 10:18]

Þarna leystust mín helstu morgungrautavandamál! :)

Langar alveg sárasjaldan í hafragraut OG pönnsu í morgunmat.. lagði ekki í tilraunastarfsemi, en þetta er snilld ;)

Get ekki beðið eftir því að preppa þetta í kvöld og smakka í fyrramálið! Vei!

[Elín Helga Egilsdóttir, 19.11.2009 kl. 10:55]

Hungraður: Alveg sömu hafrarnir  Verðið á ég nú reyndar eftir að bera saman við solgryn. Næsta mál á dagskrá.

Ellen Ýr: Já. Þetta er svo lítið gleðileg tilbreyting. Væri næstum hægt að búa til blessaðar pönnsurnar og ekki steikja þær alveg í gegn heldur hræra þeim saman. Þetta er aðeins minni fyrirhöfn. Bara að muna að krydda kvekendið - nema þér þyki eggjahvíturnar góðar að sjálfsögðu. Ég er sek þar

[fríða (IP-tala skráð) 19.11.2009 kl. 11:32]

Er einhversstaðar á síðunni hjá þér uppskrift að epla karmellu sprengjunni??

[Vala Árnadóttir (IP-tala skráð) 19.11.2009 kl. 11:35]

Langaði bara að kvitta fyrir mig og þakka fyrir þetta snilldarblogg, ég er búin að vera hjá Röggu og rakst á síðuna þína þar. Á sko eftir að ganga hér umm "ruplandi og rænandi"  Takk takk

[Elín Helga Egilsdóttir, 19.11.2009 kl. 12:05]

Fríða: Nei.  Reyndar ekki. Ég skal henda henni inn við tækifæri. Þetta er goto kakan mín - hryllilega góð.

Vala: Takk fyrir mig og takk fyrir innlitið. Vertu barasta velkomin hvenær sem er

[fríða (IP-tala skráð) 19.11.2009 kl. 14:23]

Takk, það væri æði, vantar eitthvað alveg geggjað í næsta saumó!!!