Of gott til að sleppa

Hrærði saman í morgunmatinn minn í dag.. í gær!

Gúmslaði saman 200 gr. hreinu Kea skyri, 1 niðurskornu epli og rúmlega 1 dl. Sólskynsmúslí. Þessu leyfði ég að sitja inn í ísskáp yfir nóttina og í dag var blandan orðin að miklum graut. Sem ég fíla alveg í botn. Þegar ég mætti svo í vinnuna í morgun blasti þetta heimagerða ofurmúslí við mér...

...þið sjáið það bara sjálf. Þetta múslí er of girnilegt til að sleppa. Heilar hnetur, bitar af döðlum, sólblóma- og graskersfræ, furuhnetur og kókos. Mmmm! Ég fékk mér að sjálfsögðu múslí út á skyrið mitt.

Ég varð ekki fyrir vonbrigðum, ónei. Þetta er bland sem ég gæti vel hugsað mér að narta í yfir góðri bíómynd! Erna (yndislega fína eldhússkvísan í vinnunni) þú ert snillingur!

Athugasemdir

[Hungradur (IP-tala skráð) 18.8.2009 kl. 10:54]

Dödlurnar tóku thessa uppskrift á toppinn!  mmmmmm dödlur

[Sigga Hrönn (IP-tala skráð) 18.8.2009 kl. 13:12]

Girnilegt! Það er líka mjög gott að gera svona hnetu - fræ - þurkaðir - ávextir - kókos - músli og setja það út á 1 epli og einn banana. Það er ofurmorgunverðurinn minn!

[Elín Helga Egilsdóttir, 18.8.2009 kl. 13:54]

Mmmm hljómar æðislega vel! Seturðu þá ekki skyr eða neitt slíkt, bara ávextina og múslíið? Ef svo er, þá verð ég að prófa svoleiðis! Ábyggilega geggjað!

[Sigga Hrönn (IP-tala skráð) 19.8.2009 kl. 13:52]

Bara ávextina - svo möndlumjólk með (fyrirgefðu gleymdi því) eða bara mjólk eins og útá venjulegt músli. Þetta er sko hráfæðis morgunverðar múslí ;) Ég er frekar lítið í mjólkuvörunum.......

[Elín Helga Egilsdóttir, 19.8.2009 kl. 14:28]

Ah ég skil. Þetta er mjög æðislegt bland. Mjúkur sætur banani, sætt/súrt brakandi epli og svo crunchy múslí! Fæ vant í munninn hérna! Ég verð að fara að prófa möndlumjólk. Örugglega æðislegt að útbúa hafragraut með henni