Grísaflensa

Erna vinkona á tvo litla naggrísi og bað mig um að passa þá yfir helgina. Hún skrapp út úr bænum. Báðir tveir, greyin, eru með lungnabólgu og það þarf mikið að hugsa um þá og gefa þeim til að koma aftur á legg. Þetta er brot af leiðbeiningunum sem hún skildi eftir handa mér.

Það þarf að gefa þeim sýklalyf, sveppalyf, recovery mat, c-vítamín og magnyl svo eitthvað sé nefnt. Sumt af lyfjunum er grísunum gefið með sprautu, eins og sýkló og sveppó!

Grísunum til mismikillar skemmtunar. Greyið!

Annar grísinn er líka veikur í kjálkunum og getur því ekki tuggið sjálfur. Hann þarf að handmata gegnum sprautu. Tilfæringarnar eru miklar...

...stundum aðeins of miklar!

Fúsi og Gnúsi.

Gnúsi er mikill heygrís og borar sig ofan í heyið sitt þegar færi gefst. Rétt glittir í bakið á honum í græna búrinu.

Annars fékk ég mér banana-ís í morgunmat. Gerði svolítið sniðugt. Í staðinn fyrir að planda próteininu við, í matvinnsluvélinni, bleytti ég upp í því og bætti svo banana-ísnum við það, eftir að hann fékk að maukast. Þá veður blandan ekki svona svakalega fluffy! Með þessu hafði ég svo rúsínu-kanil möndlusmjör í skeiðinni og múslí mér til gmans og gleði. Þetta var gott. Svaka gott!

Næst á dagskrá: Ræktin, stúss, meiri grísagjöf og brúðkaup. Muna bara að mæta ekki í brúðkaupsfötunum í grísagang í eftirmiðdaginn! Útkoman gæti orðið skrautleg!

PS: Engir grísir eða sófar hlutu skaða á meðan grísagjöf stóð.

Athugasemdir

[Hungradur (IP-tala skráð) 9.8.2009 kl. 14:51]

Vá!...gott ad eiga thig ad.  Ég thakka thér fyrir hönd vinkonu thinnar...great job!

[Elín Helga Egilsdóttir, 9.8.2009 kl. 16:00]

Takk fyrir það. Þetta var nú bara skemmtilegt. Alltaf svo æðislegt að sjá og finna þegar dýr taka mann í sátt og fara að treysta manni. Þeir voru farnir að rabba mikið við mig á laugardaginn - sérstaklega kátir að fá matinn sinn, þó svo hann hafi verið í gums- og sprautuformi

[Erna (IP-tala skráð) 12.8.2009 kl. 10:53]

Hahaha ég var ekki búin að sjá þetta!  Er þér ævinlega þakklát fyrir þetta ógeðslega vesen. Grísir eru bara mestu vesensdýr í heimi!

En þú ert hinsvegar besta vinkona í heimi!