Súkkulaðibitakökur

Jújú. Helgarnammistuð í gangi - 75% súkkulaðibitar notaðir í kökurnar í staðinn fyrir döðlur eða þurrkaða ávexti. Ómæ... en gott, ómæ!

Súkkulaðibitakökur - 8 stórar kökur

Stilla ofn á 200 gráður.

Þurrefni:

1/2 boli heilhveiti

1/2 bolli hafrar, ég notaði grófa.

1/4 tsk matarsódi

dass salt

1/4 bolli súkkulaðibitar

1/4 bolli hnetur eða þurrkaðir ávextir eða meira súkkulaði

Blautefni:

2,5 kúfaðar msk hnetusmjör. Ég notaði 1 msk aðkeypt og 1,5 heimagert möndlusmjör.

1 msk olía

1/2 dl hunang

2,5 msk Undanrenna

1 tsk vanilludropar

Hræra þurrt saman í stórri skál og setja til hliðar. Blanda blautu saman í annarri skál og hella yfir þurrefni og blanda vel. Móta kúlur úr deiginu og þrýsta vel á þær, því kökurnar koma ekki til með að leka mikið út sjálfar í ofninum. Ég hafði mínar t.d. aðeins of þykkar því deigið er nokkuð klístrað. Ætla að nota blauta skeið næst þegar ég geir þetta og hafa þær næfurþunnar.

Inn í ofn í um það bil 7 mínútur, eða þangað til fallega gylltar.

Nohhhm!

Best að borða þær heitar með mjólkurglasi! Mhmmm... æðislegt að mylja þær yfir graut á morgnana, út í skyr/jógúrt, með banana-ís...

...nú eða bara narta þegar nartarinn lætur í sér heyra!

Niðurstaða:

Æðislegar. Mjög bragðgóðar. Stökkar að utan, mjúkar að innan - meiriháttar áferð. Kannski svolítið þurrar en ekkert til að æpa yfir. Til að gera þær allar stekkri er spurning hvort notaður sé 1 dl sykur í staðinn fyrir 1/2 dl hunang?

Hvað myndi ég gera öðruvísi næst?

Gera kökurnar þynnri og stærri og baka aðeins skemur. Nota valhnetur eða pecanhnetur í staðinn fyrir möndlur og jafnvel nota létt AB-mjólk í staðinn fyrir mjólk og/eða meira af olíu til að reyna að gera þær meira "djúsí"? Allar ábendingar, úrbætur, viðbætur vel þegnar að sjálfsögðu

Verður eitthvað næsta skipti?

Ójá... 

Athugasemdir

[Helena (IP-tala skráð) 30.7.2009 kl. 14:00]

úú ég ætla að prófa þessar, en þar sem ég er kókos fíkill mun ég bæta kókos samanvið herlegheitin!!

[Elín Helga Egilsdóttir, 30.7.2009 kl. 15:04]

Mhmm.. hljómar mjöög vel! Þær bjóða líka upp á allskonar tilfæringar!!

[Katla (IP-tala skráð) 30.7.2009 kl. 16:38]

Hæ,hæ,

Ég er búin að lesa síðuna þína í smá tíma síðan hún kom fyrir tilviljun upp á google hjá mér um daginn þegar ég var að leita að einhverri uppskrift. Frábær síða sem ég kíki nánast daglega á, fæ hugmyndir og verð svöng :)

Ég bakaði ekki ósvipaðar kökur í vikunni. Þær voru úr grófum höfrum, oggulitlu heilhveiti, hnetum, súkkulaðibitum, 2 eggjum, agave sýrópi og eplamús. Eplamúsin gefur bæði sætu og fitu-bindi-eitthvað sniðugt. Þær allavega urðu rosa góðar, mæli með eplamús ;)

[Elín Helga Egilsdóttir, 30.7.2009 kl. 16:47]

Hæ katla og takk så mukket fyrir mig

Já, eplamúsin kemur nefnilega sterkt inn! Nota hana stundum í staðinn fyrir AB-mjólk. Ætla að prófa það næst í þessar! Alveg pottþétt!

Takk fyrir gott ráð!!!

[Hungradur (IP-tala skráð) 31.7.2009 kl. 13:06]

Sleeef........thetta er ROSALEGT!!!