MEIRA BROKKOLÍ

Daginn.

Veginn.

Eitthvað meira sem endar á -inn!

Er að verða búin með 5 vikur af TRX/Bjöllum. Áhugavert ekki satt?

Jah, eiginlega bara 4 vikur þar sem táin tók sér viku í fýlu og leiðindi. Núna haltra ég um eins og önd á svelli og reyni eftir fremsta megni að hoppa ekki mikið á einari. Amk tábrotnum einari.

Síðustu vikur hafa þó einkennst af dularfullri brokkolí/blómkálsþörf. Ég borða þetta forboðna grænmetissull í öll mál, með öllu, allstaðar og við hvaða tilefni sem er virðist vera. Ef einhver svo gott sem nefnir orðið "brokkolí" þá æpi ég samstundis:

"JÁ....U, JÁ TAKK.. HINGAÐ... KASTAÐU ÞVÍ HINGAÐ, æðislegt, frábært... gott, flott".

Ég held þetta sé orðið sálrænt því ég er farin að dreyma brokkolí í tíma og ótíma.

Fyrir utan blómkál og brokkolí er allt annað ofnbakað grænmeti mín einasta, heitasta, æðislegasta ósk þessa dagana. Ofnbakað, hitað, eldað, soðið, steikt... í hvaða formi sem er í raun.

Svo lengi sem það er ekki í kökuformi, ég þooooooli ekki grænmeti í kökuformum!

Hohohoho...

...HVAÐ? Klukkan er ekki orðin tólf gott fólk. Kastið til mín beini. Húmor fyrir hádegi er ekki meðfæddur.

Hvað sem öðru líður þá hefur kvöldmatur síðastliðinna... kvölda... einkennst af eftirfarandi:

Green Curry súpa m/kókosmjólk og tonni... af grænmeti, ásamt grjónum og almennri gleði.

Einfalt, fljótlegt og ó... svo... ógeðslegaofurbragðgottogákkúratfínt!

Annars spurði hún Sylvía mig í kommentum síðasta pósts, hvort ég hefði verið að gata aumingjans skrokkinn á mér eitthvað frekar.

Og jú, það er víst svo.

Þeir sem finna götin fá verðlaun!! Jííhaawww.

Annars er mjög girnilegur Akureyrarpóstur á leiðinni. Við, the krakks, skelltum okkur í notalegheitakósýferð. Afmælis Egill átti sér stað ásamt allskonar sukki.

AfmælisEgill er meðal annars meðlimur, og söngvari, í hljómsveitinni Nóru sem var að senda frá sér nýtt lag... og ég svoleiðis öööölska þetta lag. Búin að vera táhaltrandi heimahúsum að reyna að kreista fram dans- og dillitakta. Það gengur upp og ofan... þó helst neðan. Áhugasamir geta hlustað hér.

Annars er þetta fyrsta skipti sem átvaglið heimsækir Akureyri almennilega, Brynjuís og Greifamatur þar með talinn.

Tek ekki með Akureyrarskiptið þar sem ég þaut í gegnum bæinn, beint á flugvöllinn, til að komast undan ösku og beint til Ástralíu.

Hef sumsé eytt meiri tíma í Ástralíu en á Akureyri. Nokkuð magnað það.

More to come.

Athugasemdir

[Hulda (IP-tala skráð) 4.10.2011 kl. 10:25]

Akureyri er voða góð  .... og nýju götin maður  þú ert nú meiri töffarinn!!

[Erna (IP-tala skráð) 4.10.2011 kl. 13:11]

Þetta er ógeðslega góð mynd af okkur!

[Elín Helga Egilsdóttir, 4.10.2011 kl. 13:32]

Hulda: Akureyris or ooofur. Mikið elsk í gangi þar.

Erna: Má ekki ljóstra upp of miklu af ferðinni, vöfflukvikindið og móðuísinn eru til að kitla undirmeðvitundina!

En jú, ég er samt sammála. Er að spá í að láta stækka þessa og hengja fyrir ofan píanóið.

[Fjóla (IP-tala skráð) 4.10.2011 kl. 16:28]

Þekki þig ekki baun en ég er afskaplega ánægð með að þú ert ekki hætt að blogga. Og vil ég einnig hrósa þér fyrir frábærlega skemmtilegt blogg og yndislegar uppskriftir :)

[Sylvía (IP-tala skráð) 5.10.2011 kl. 09:05]

oh nýju götin eru svo flott :) var þetta ekkert vont?

[Elín Helga Egilsdóttir, 5.10.2011 kl. 19:03]

Fjóla: Núh hvaaahh... Takk fyrir það mín kæra.

Sylvía: úú, mange takk. Nei veistu, þetta var minna vont en margur heldur. Meira eins og einhver sé að klípa þig :)

[Einar (IP-tala skráð) 5.10.2011 kl. 19:48]

Það er eins og þú sért með 3ju geirvörtuna þarna lengst til vinstri..en annars mjög svo flott og fer þér vel :)

[Elín Helga Egilsdóttir, 6.10.2011 kl. 09:13]

HAHHH... en já. Satt. Marin og blá.

[Steingrímur Helgason, 10.10.2011 kl. 23:18]

Þetta 'gaterí' mun vonandi ekki gleðja málmleitartæki heimzinz að einhverju ógagni...

 Brokkálið, Bruxzzelzzprotar & rózakál, gufuzoðið, takk...

HerreGud matur.

Gaman að zkjá þig til lífz.

[Guðný (IP-tala skráð) 16.10.2011 kl. 21:40]

Þvílíka endemis gleðisprengjan sem þú ert! Er í sæluvímu yfir endurkomunni! Velkomin aftur ;)

[Alda ókunnug (IP-tala skráð) 17.10.2011 kl. 11:35]

Flottasta síðan! :)