Dramatísk endurkynni og brómberjahafrahamingja

BÚÚAHHH... HAHH... brá þér?

Fyrsti grautur síðan 25.05.2011 takk fyrir sælir góðan daginn Illugi og amma hans...

...sem var frekar óhress með uppátækið og bölsótaði ungu kynslóðinni fyrir óæskilegan hárvöxt og ömurlegan tónlistasmekk.

Sem kom grautnum hinsvegar ekki rassgat við!

TADAAA

Hello beautiful!

Þessi skál var ofur. Og innihald hennar ofur í öðru veldi sinnum pí. Skálin var hjúmöngus. Valin með einbeittum brotavilja, enda rúmmál þess sem kvikindið innhét... hjúmöngus.

Innihélt verandi lykilorð.

Brotavilji morgunsins var jafn tær og stærðin á YOYO ísboxunum. Þar eru ekki til lítil box, onei. Þar er einvörðungu ein ríkisstærð af risaboxum sem eru sérstaklega hönnuð með græðgisátvögl í huga því það vita allir að græðgisátvögl kunna ekki að fylla... ekki... upp í allt boxið!

Góður ís engu að síður.

Magnað hafragrautarát gott fólk. Stórmagnað.

Þetta át var svo viðbjóðslega magnað að hvorki ég, né skítfúla amma Illuga, áttuðum okkur á því hvað átt hafði sér stað þegar allt í einu grautur hætti að streyma inn fyrir átvaglsins varir og ekkert heyrðist nema skríkjandi kling og bang í smáskeiðinni þegar hún ítrekaða small í botn, og hliðar, ofurskálarinnar sem nú var orðin tóm.

Jóseppur og Mörfía alls þess sem er mood killer í heiminum.

Þessi upplifun var svo mögnuð að hún var næstum jafn suddaleg og að vera staddur í miðri orgíu þar sem allir eru gullfallegir og æðislegir og viljugir og gjafmildir og þú ert fetishið þeirra...

...get ég ímyndað mér. Því ég veit svo mikið hvernig það er að vera fetish í gullfallegri orgíu.

En það hlýtur bara að vera nokkuð magnað.

Athugið samt að ég sagði næstum... næstum er ekki alveg eins og alveg eins, nei, það er næstum.

ÞETTA er hinsvegar meira en bara næstum. Þetta ER! Ohhhh sweet baby jesus.

• 1/2 bolli hafrar
• 1 msk chia fræ
• 1 msk husk
• Rúmur bolli frosin brómber 
• 1 eggjahvíta
• Skúbba hreint prótein
• Væn lúka möndlur
• Smá salt, vanilludropar, kanill, kaffi, múskat
• Vatn eftir smekk

Eigum við að tala um þykkildisofurhamingju borðað með hníf og gaffli og tuggið svo öll áferðarskilningarvit springa með tilheyrandi fnasi, stunum, rymji og smjatti í bland við óneitanlega dásamlegt bragð af kanil og múskatsparki í bland við dísæt ber og kaffiilm? Ha? Eigum við að ræða þetta eitthvað?

Nei... hélt ekki...

Það tók mig góðar 10 mínútur að klára kvikindið.

Ég brosti og grét, troddaði og brosti... og grét... svo hló ég... troddaði meira, grét smá meira... gleymdi að anda... brosti... mundi að anda... grét... allan tíman.

Þetta át var hvorki tignarlegt, fallegt, siðmenntað eða útpælt. Þetta var hreint og beint trodd.

Ahhhh, hafrar.

...

Hey! Svo útbjó ég þetta um daginn! Það innihélt m.a. banana og meiri karamellu!

MUAAAHAHAHAAAA......

...meira um það seinna.

Adéu!

Athugasemdir

[Bjarni (IP-tala skráð) 8.8.2011 kl. 09:30]

FOOOOOOKK BWAAAAAAHAHAHAHAHAHAAAAAAAA

[Ásta (IP-tala skráð) 8.8.2011 kl. 10:49]

Snillind einar ... eins og s.s. svo oft áður og ekki við öðru að búast af þér :D

[Ásta (aftur) (IP-tala skráð) 8.8.2011 kl. 10:50]

ES... Rakst á þetta app í snjallsímanum mínum og gat ekki annað en dottið þú í hug! http://picdish.com/

[Elín Helga Egilsdóttir, 8.8.2011 kl. 11:03]

Ásta: OMG... hooomygodhomygodhomygod.

Ég þarf að kaupa mér nýjan síma.

[Hulda (IP-tala skráð) 8.8.2011 kl. 11:34]

djöfulsins snillinguuuuuuuurrrr http://www.youtube.com/watch?v=3IDZ6VzDZ5c&feature=related ... sem þú ert Elín Helga  Frábær pistilll og girnileg uppskrift sem mun verða prófuð asap....

[mamma þín mörfía (IP-tala skráð) 8.8.2011 kl. 11:46]

þú ert nú meiri illinn:)

[Guðrún Ýr (IP-tala skráð) 10.8.2011 kl. 15:28]

Vá hvað þessi færsla fékk mig til að brosa út af eyrum!

[Ragnhildur Þórðardóttir, 13.8.2011 kl. 13:51]

úff.. Jónmundur og Jeremías.... þó ekki bæjarstjóri Seltjarnarness... nú þarf ég greinilega að fara á stúfana eftir brómberjum.

Annars ætlaði ég að segja þér frá nýyrðum mínum:

Framtíðarátsspenna: gríðarleg tilhlökkun til átu. Til dæmis þegar maður getur ekki sofnað fyrir spenningi yfir graut morgundagsins

Þátíðarátskvíði: þegar máltíð er lokið og sorg er í hjarta og heitasta óskin er að geta spólað tímann til baka og endurupplifa máltíð.

[Hulda (IP-tala skráð) 17.8.2011 kl. 09:19]

... er þá ekki fyrir(mál)tíðarspenna: gríðarlegur spenningur fyrir komandi máltíð

[Elín Helga Egilsdóttir, 18.8.2011 kl. 08:31]

Bwaahahahahaaaa... mjög gott!! Mjög mjög gott og verður nýtt í komandi framtíð!

Og já.. brómber = ást og friður!

[Ragnhildur Þórðardóttir, 18.8.2011 kl. 11:07]

Fyrirmáltíðaspenna myndi flokkast undir sama hatt og framtíðarátsspenna í mínum bókum - geypileg hamingja yfir áti framtíðarinnar.