Ég ætla aldrei að borða aftur

Hef látið þessa setningu flakka, nokkrum sinnum á ári, í um það bil 23 ár.

Hún þreytist seint.

En í þetta skipti held ég að ég hafi sprengt allt sem hægt er að sprengja.

Nánast matarskírlífi í 4 vikur, nánast... ekki alveg, en allt að því.

Hleypti villikvikindinu lausu í gær með miklum látum Mikil var dýrðin meðan á því stóð, þó svo hún hafi ekki verið jafn stórkostleg eftirá.

Að auki við ofát og almennt of-allt, þá ákvað ég að fá mér smá hvítt. Því við vorum nú að borða þessa snilld... ha... þá þarf smá hvítt er það ekki?

2 hvít, 1 rautt og undirrituð spangólaði sem mest hún mátti...

"DOOWN ON THE CORNER... HOWDY IN THE STREET"

...ásamt...

"COOVER OF THE ROLLING STOOOONES"

...og talaði út í eitt í um það bil 2 tíma. Hvaðan þessi gífurlegu áhrif alkóhóls komu er enn ekki alveg vitað, en það verður rannsakað af virtum Háskóla í Jemen! Læt ykkur vita hvað kemur út úr því.

Hljóp inn í eldhús eftir spangól og skellti í hindberja og bananakrums, í staðinn fyrir epli því jah, þau voru ekki til.

Þetta er eina sönnun þess að krumsið hafi í raun og veru verið bakað og hafi einhverntíma verið til á þessari jörð!

Eftir krumsát, um 23:00 leitið, lagðist ég aðeins út af sökum átstopps og þeirrar staðreyndar að ég var farin að gráta hindberjum og einstaka hrísgrjóni.

Svo vaknaði ég í morgun, 12 tímum síðar hvorki meira né minna, alveg jafn södd og þegar augun lokuðust... óvart.

Elskurnar mínar.

Ég ætla aldrei... að borða aftur!

Athugasemdir

[Hrönn (IP-tala skráð) 9.10.2010 kl. 17:55]

[hugrún (IP-tala skráð) 10.10.2010 kl. 17:50]

mmm girnilegt, kannast við að ætla aldrei að borða aftur enda get ég borðað á við fullvaxta karlmann og geri það stundum en lofa þá að borða ekki svona mikið aftur ;) Ég hef lengi lesið síðuna þína og skemmt mér konunglega í leiðinni en hef aldrei skilið eftir mig athugasemd.

Hvar er samt heilsupressan? Ég sem var orðin svo spennt að sökkva mér yfir henni í vinnunni um helgina :(

Ég reyndi að elta hlekkinn en það eru engar greinar, var ekki talað um laugardaginn?

[Erna (IP-tala skráð) 10.10.2010 kl. 20:47]

OH NEIIIII!!! Missti ég af hvítu kvöldi hjá þér??? Crapalicious!

Kannast við að teygja á magaþráðunum.. Frekar sveitt og illa gert fyrir líkamann að éta (nánast bókstaflega) á sig gat eftir heilsutörn. Er annars að verða geðbelöð allt í einu á þessu stöðuga átrugli á mér. Hvenær byrjar intervalið í nóvember??

[Elín Helga Egilsdóttir, 10.10.2010 kl. 22:16]

Hugrún: Takk fyrir innlit, kvitt og allt þar á milli. En annars jú, þá var mér nú sagt að þetta ætti að pompa inn í gær. Vona að það geri það sem fyrst!

Erna: Átrugl eru góð í skömmtum! Ætla að sjá hvernig október spilar, annars er það bara 1. nóv ef allir eru reddy-licious! 6 vikur í jólin - ofurmatarræði og nokkrar mínútur á dag.

Væri gaman að sjá hvort rassinn komist í kjólinn fyrir jólin eftir það!

[Ragnhildur Þórðardóttir, 11.10.2010 kl. 08:28]

Ég þarf aldrei að borða aftur, er með birgðir fyrir komandi kynslóðir eftir helgina.

Matarþynnka og bömmer dauðans, var einmitt með sushi og allskonar fyrir aumingja í afmælisbrjálæði á laugardag og leyfði svo púkanum að toga mig yfir "to the dark side" á sunnudaginn og missti ginið ofan í afgangana.... með bumbuna út í loftið í joggingbrókum núna. Svo bregðast krosstré... :/

[Elín Helga Egilsdóttir, 11.10.2010 kl. 09:51]

Ugh.. kannast við matarþynnkuna og bömmerinn. Sérstaklega "óplanað" át bömmer. Þá virðist bumban alltaf vera 6 númerum stærri og lærin mýkri en áður.

En ofvirkir hreyfisjúklingar geta þó hyggað sig við þá staðreynd að vel hefur verið unnið fyrir skammastrikum og útafhlaupum þó súr séu!!