Feita kæfan og mjóa kæfan

Hvað gerir maður við 107000 milljón ára gamla frosna rollu?

Jú!

Sýður hana í 107000 milljón sekúndur, ásamt kryddi, þangað til hún breytist í muss ásamt öllu sínu speki!

Annan helminginn sigtar maður eilítið. Hinn lætur maður standa óhreyfðan og önaðslegan. Þið megið geta hvoru megin feita kæfan er!

Þannig var sagan af feitu kæfunni og mjóu kæfunni.

Ekki það að kæfa sé í einhverjum tilfellum mjó í sínu kæfulega eðli. Ekta gammeldansk íslenskar hestamannaeftirátsferðarkæfur! Söfnum saman rollunum og fáum okkur svo að éta kæfa. Fyrir tíma hersins kæfa.

Hún var suddalega góð.

Den tid, den sorg þó. Kæfuát átti sér stað fyrir tíma detox - fyrstu tvær vikurnar að verða yfirstaðnar og ganga svona glimrandi ofurvel. Engin dreplöngun eða hræðilegheit enn sem komið er. Styrkurinn að heilsa upp á skrokkinn á nýjan leik og andnauð að hverfa. Skoh - tók nú ekki nema tvær vikur að reddessu. Kannski ég reyni að halda hreinfæðisátið út í 2 - 3 vikur í viðbót? Sjáum hvað átvaglið segir. Það vita allir sem átvaglið þekkja að átvaglið ræður...

...átvaglið ræður alltaf!

Epli í morgunsárið og chiaskyr gúllað rétt í þessu. Maginn sáttur sem... á... ttur?

Ekki girnó að sjá feitu- og mjóu kæfuna og svo beint í skyrið?

150 gr. skyr, 1 msk chia, 1 tsk hörfræ, torani vanillu sýróp, smá sítrónudropar og beint inn í ísskáp í morgun eftir eplaát.

Ég var mjög hamingjusöm á meðan áti stóð.  Það verður ekki af chiaskyrinu tekið, föllkomið í sinni einföldustu mynd.

Ætla að taka þessa æfingu eftir rúman klukkutíma og svo ætla ég að njóta laugardagsins sem mest ég má. Eggjahvítukaka og kjúlli í minni nánustu framtíð!

Vona að kvöldið verði ykkur ljúft mín kæru!

Athugasemdir

[Guðný (IP-tala skráð) 18.9.2010 kl. 17:18]

hæhæ - þetta er allt saman voðalega girnilegt hjá þér - mig langar að vita hvað er Chia og hvað gerir það gott fyrir okkur

kveðja

[Elín Helga Egilsdóttir, 18.9.2010 kl. 17:59]

Hola

Chia er hið nýja svart! Eða.. svona um það bil! Hörfræ * 23. Stútfull af omega3, próteinum, andoxunarefnum trefjum... holla fitan... holla fitan!

Hér er ég að tala svolítið um þessi fræ.

Svo er líka alltaf hægt að spyrja bara google frænda. Hann veit helling

[Harpan (IP-tala skráð) 18.9.2010 kl. 18:41]

Mér líst ferlega vel á þessar æfingar hennar Zuzönu.... held að þetta henti vel sem brennslu- og þolæfingar með lyftingum. Er nú viss um að hún rífi eitthvað í lóð (?) En sæll! þetta eru intence æfingar margar hverjar....og vó ég var alveg viss um að bobbingarnir myndu stökkva út úr haldaranum þarna á tímapunkti!

[Hungradur (IP-tala skráð) 19.9.2010 kl. 08:11]

Mig langar í kaefu!

Ég hef lesid ad "Omega 3" úr vaxtaríkinu sé gagnslaust....ad einungis Omega 3 úr dýraríkinu sé reglulega gott fyrir heilsuna.

Ég er sannfaerdur um ágaeti Omega 3.  Ad mínu mati er besta adferdin til thess ad fá í sig Omega 3 ad borda sardínur. (lax, síld og annar feitur fiskur gagnast líka)  

Sardínur eru gódar ad thví leiti ad thaer eru framarlega í faedukedjunni og innihalda thess vegna lítid sem ekkert kvikasilfur (minna en flestir adrir fiskar).  Kvikasilfur ekki er gott fyrir heilsuna.

Hrökkbraud med sardínur sem álegg ásamt thví ad sötra te..nammi namm.  Holt og gott.  Reyni ad borda thetta á hverjum degi.  Gódur morgunmatur eda bara gott ad borda thegar madur er svangur.

[RH (IP-tala skráð) 19.9.2010 kl. 20:17]

Hæhæ, er alltaf að kíkja á síðuna og skima eftir nýju bloggi ;)

En allavegana ertu búin að smakka GRS 5 proteinið með Banana bragði ? Það freistar mín en er hrædd um að það sé kannski of gervilegt :/

[Elín Helga Egilsdóttir, 20.9.2010 kl. 05:48]

Harpan: Það er mesta furða að le boobies heilsi ekki upp á mannskapinn í hverju hoppi en æfingarnar eru assgoti fínar. Hún hefur verið að... lóða (HAHH) í fyrri tíð og jú, aldrei veit maður hvað gerist bak við tjöldin. Hver veit nema hún stundi laumulyftingar þegar hún er ekki í mynd ;)

En það sem hún er að gera byggist svolítið á Tabata minnir mig og það er þrusu fínt system.

Hungraður: Held ég sé sammála þér þar. Ég gúlla yfirleitt í mig omega3 lýsi eða tek inn omega3 lýsistöflur. Gerir gæfumuninn! Sardínur eru eðalfínar, sérstaklega brytjaðar niður og út í t.d. avocadomaukeggjahvítuhræru eða pasta eða... hef reyndar ekki hrökkbrauðað þær. Þarf að testa við fyrsta tækifæri.

RH: Hef ekki orðið svo fræn að prófa banana GRS-5, bara vanilluna. En þetta prótein er alger snilld og æðislegt áferðarlega séð.