Spínat eggjakaka með tómötum.

Konan sem kunni bara að útbúa eggjakökur og haaafragrautaaa!!!!

Virðist vera það eina sem ég set ofan í mig þessa dagana.

Engu að síður. Einfaldara verður það ekki og einfalt er mitt mottó þessa stundina. Er í engu stuði fyrir ofureldamennsku eða fínheit. Stutt og laggott já takk - en bragðgott og gleðilegt í leiðinni.

Spínat á pönnu að kvöldi til!

Spínat á pönnu að kvöldi til með flassi!

Af hverju ég er ekki með stóru myndavélina á bakinu allan sólarhringinn er ofar mínum skilningi?

1 msk olía og hvítlaukur hitað á pönnu og spínatinu bætt út á. Rétt látið koðna niður í 1 - 2 mín, salta, pipra, dukkah. Hella möndlumjólkurblönduðum og krydduðum eggjahvítunum út á! (Reynið að segja þetta 10 sinnum í röð hratt)

Skera niður tómat og ... raða! Smyrja með smá dijon og pipra eftir smekk.

Brjóta saman, balsamik edika!

Ég veit, ég veit - diskurinn er subbó.

Ég hefði nú alveg getað eytt 10 mínútum í að útbúa ferska tómatsalsa með smá baunum. Átti kóríander, rauðlauk, hvítlauk, mango, tomata, pinto... en æji. Letin gott fólk. Letin.

Fíni fíni bitinn! Eins og listaverk.

*rop*

Guð... var þetta ég?

Afsakið!

Athugasemdir

[RM (IP-tala skráð) 10.8.2010 kl. 13:34]

Þvílíkt girnilegt en hvað gerir þú við rauðurnar? Mig hefur alltaf langað að nota bara hvíturnar en aldrei týmt því (nenni ekki að búa til endalaust ís úr rauðunum :). Ég veit að í ameríku er hægt að kaupa bara hvíturnar en ég hef ekki rekist á það hér heima :)

[Elín Helga Egilsdóttir, 10.8.2010 kl. 14:35]

Kaupi hvítur í brúsa hjá Garra (linkur hérna til vinstri á heimasíðuna hjá Garra) Líka hægt að kaupa litla hvítu-brúsa í Fjarðarkaup var mér sagt.

Endalaust ísgerð er samt mjög jákvæður hlutur í minni bók ;D