Olíu- og mjólkurlaust banana speltbrauð með bláberjum

Fyrir þá sem eru með mjólkuróþol og... olíu... óþol! Ekki það að ólífu olían myndi skemma nokkuð, holla fitan er nauðsynleg. En þetta er gott, gott brauð. Mjög djúsí og skemmtilegt. Bragðgott með eindæmum og endalaust hægt að leika sér með deigið.

 

Olíu- og mjólkurlaust speltbrauð með banana og bláberjum 

3 vel þroskaðir bananar, stappaðir

2 msk ferskur sítrónusafi (jafnvel nota smá sítrónubörk líka)

1/3 bolli + 2 msk möndlumjólk (eða sveskju/eplamauk)

2 msk hunang

1/3 bolli púðursykur (ég notaði muskovado)

1 tsk vanilludropar

1 tsk möndludropar

1 bolli bláber, fersk eða frosin

2 bollar spelt

1/2 bolli múslí (ég notaði sólskyns)

3/4 tsk lyftiduft

3/4 tsk matarsódi

1/2 tsk salt

Aðferð:

Stappa banana og blanda fyrstu 8 atriðunum saman. Banana - bláber. 

Er alltaf með einn "draslaradisk" þegar ég er að baka undir hrat og skítug áhöld. Þarna get ég plantað notuðum skeiðum, berki, skafi, hýði, afgangs smjeri... ekkert subb á borðið. Þó það útbúi einn auka disk sem þarf að þrífa. Það er nú ekkert svo hræðilegt! Fyrir utan þá Über alles mikilvægu staðreynd að ég veit alltaf hvert ég set dótið mitt ef ég er með draslaradisk

Næst blanda saman þurrgumsinu...

...og gúlla svo þurrgumsi í blautgums og rétt hræra. Muna að hræra ekki of mikið, bara rétt þannig að allt blandist.

Hella í olíusmurt brauðform og baka í 40 - 50 mínútur við 175 gráður. Ég var með mitt brauð inni í 50 og það varð svona líka mjúkt og djúsí.

Núh.. ef þið eigið ekki brauðform þá leika af fingrum fram!! Ójá! Álpappír og eldfast mót! Verður ekkert voðalega fallegt í laginu, hvað þá á þessari mynd, en alveg jafn fínt á bragðið.

Og svona leit kvekendið út nýkomið úr ofni.

Ohmn nom nom!

Hvað myndi ég gera næst!

Bæta við chia- eða hörfræjum og möndlum fyrir hollu fituna. Nú eða öðrum hnetum/fræjum, líka til að gefa bragð/áferð og kram. Jafnvel eplum eða meira af berjum (hindber, jarðaber..). Þurrkaðir ávextir... 

Verður eitthvað næst?

Já... ójáhá!

Athugasemdir

[Ásta (IP-tala skráð) 3.8.2010 kl. 13:16]

Mhh lúkkar og hljómar mjög vel   Næstum eins og brauð dulbúið sem kaka ... þetta verð ég að prófa

[Halla (IP-tala skráð) 3.8.2010 kl. 13:34]

mhm en girnilegt! lítur út fyrir að vera svo djúsí en samt svo hollt, verð að prófa þetta :p

[Elín Helga Egilsdóttir, 3.8.2010 kl. 13:45]

Þetta var alveghreint eðalfínt. Bananarnir verða að vera súúper vel þroskaðir og bláberin gefa enn meiri djúsí áhrif.

Varð reyndar svolítið kökulegt svona útflatt og ekki í laginu eins og brauð :)

Geggjað nýkomið út úr ofni með smá grískri og osti. Tala nú ekki um smjöri. Oghhh...

[Sól (IP-tala skráð) 4.8.2010 kl. 09:13]

Hæ skvís - er búin að sakna síðunnar þinnar á meðan þú varst í útlandinu ;O)

Hvað er 1 bolli mikið á þínum mælikvarða 2 dl eða 21/2 dl??

Kveðja Sól

[Elín Helga Egilsdóttir, 4.8.2010 kl. 09:20]

Þetta er eitt stykki amerískur bolli og ég held að einn slíkur séu um það bil 2,3 eða tæpir 2,4 minnir mig.

Svaðalga nákvæmt hérna. Svaðalega. ;)

[Sól (IP-tala skráð) 4.8.2010 kl. 22:19]

Hehehehe...greinilega allsvaðalega!!  Takk fyrir þessar upplýsingar Elín :O) 

Annað svaðalegt....þegar þú varst að byrja í "léttingu" tókstu þá algjörlega til í mataræðinu eða varstu með einn nammidag?  Lagðirðu mikla áherslu á próteinið og varstu að æfa með eða??

Kveðja Sólin

[Elín Helga Egilsdóttir, 5.8.2010 kl. 09:19]

Þegar ég byrjaði fyrst þá tók ég einn nammidag, svo prófaði ég að sleppa nammidögum og í raun allir "óhollustu" í heilan mánuð og uppskar svaðalegan ofur árangur, en ég gæti ekki sleppt nammi og gúmmulaði alveg. Ég myndi krumpast saman eins og álpappír.

Ég lagði mikla áherslu á hreint prótein já, eftir lyftingar æfingar, en það er eini tími dagsins sem ég fékk mér prótein í duftformi. Lyfti 3x í viku og var að brenna í og með eftir nennu :)

[Hungradur (IP-tala skráð) 6.8.2010 kl. 19:01]

nice