Punktarnir yfir Ö-ið!

Hot Yoga var óneitanlega mjög hot! Kom mér skemmtilega á óvart og skrokkurinn, þó sérstaklega fætur og bak, glimrandi hamingjusamur og slakur! Þetta verður stundað hér eftir 2 - 3 sinnum í viku þar til rass-prikið sívinsæla hefur með öllu verið fjarlægt!!

Fyrir hot yogað fékk ég mér léttan og laggóðan lax og tómata. Hryllilega góður þessi, reyktur. Graðgaði hratt og örugglega í mig tómötunum og ákvað svo að krydda ketið með dilli og steinselju. Ójá! Ómyndaðar möndlur fengu að sjálgsögðu að vera memm.

Sjáið bara hvað laxinn er svakalega flottur!! Eins og listaverk!

Átdeginum svo formlega lokað og læst með hreinu guðdómlegu KEA eftir yoga og ennú ómynduðum möndlum! Ætli möndlugreyin fari nokkuð að taka þetta nærri sér?

Það er föstudagur á morgun vinir mínir! Magnað hvað tíminn líður hratt - páskar eftir 2 vikur og svo mín elskulegu bestu.. hihiiii... sumar, grænt gras, grill og gleðilegheit!

*tilhlökkunarspenningstryllingur*

Eigið gott kvöld og njótið morgundagsins - takk fyrir daginn í dag og nótt í hausinn á ykkur

Athugasemdir

[Steingrímur Helgason, 19.3.2010 kl. 00:11]

Alltaf, alltaf, gargandi zkemmtileg að leza, laxinn er flottur, en KEA er zkyrið.

[Elín Helga Egilsdóttir, 19.3.2010 kl. 09:46]

Það er rétt!! KEA er það víst satt og rétt!!

Snarlega umsnúið og breytt!!

[Gústi (IP-tala skráð) 19.3.2010 kl. 16:54]

Ég datt inn á þessa síðu fyrir nokkru síðan og þykir stórkostlegt að finna loksins einhvern sem ekki er litaður af samfélagsvandræðum, kreppu og almennum leiðindum. Stórskemmtilegur penni og æðislegt að fylgjast með þér í gegnum máltíðirnar þínar. Hvað þú ert að bardúsa og bralla - næstum eins og saga.

Líka gaman að sjá hvað þú ert alltaf jákvæð og kát - skín vel í gegn hversu mikilli "ástríðu" þú berð fyrir mat og matargerð. Ákkúrat það sem hinn almenni borgari vill fylgjast með - almennum borgara! Metnaðarfull íþróttakona í þokkabót - og heldur þér réttu megin við línuna án þess að það verði leiðinlegt.

Ómissandi lesning á hverjum degi. Kemur mér í gott skap og léttir lundina.

Þakka þér kærlega fyrir!

[Elín Helga Egilsdóttir, 19.3.2010 kl. 18:45]

Almáttugur - nú er orðabelgurinn galtómur!

Elsku besti takk fyrir kærlega. Maður verður með eindæmum hamingjusamur í hjartanu að heyra svona! Þykir afskaplega vænt um að vita þetta.

Gaman ef ég kem einhverjum til að brosa - það gleður meira en orð fá lýst.

Bestu þakkir fyrir Gústi minn og góða helgi