Góðverk og marblettir

Við skvísurnar í vinnuhópnum mínum tókum okkur til, í tilefni góðverkavikunnar, og jú... gerðum "góðverk". Matur kætir alla og góðverkið samanstóð því af gleði og hamingju fyrir bragðlaukana. Stilltum upp herlegheitunum og buðum restinni af fyrirtækinu í smá "brunch" og spjall.

 

 

 

 

 

 

 

 

 

 

Þetta vakti mikla lukku og kátínu. Svava frænka með eindæmum hress!

Í boði var guacamole a la Sigga Harpa. Grjúvulega, gvendsamlega gott!

Ostasalat og nýbakað Parmesan/Cheddarostabrauð frá Inger.

 

 

 

 

 

 

 

Vinabrauðið sívinsæla og skyrterta frá Liljunni. Vinabrauðið gengur milli manna - þarf að fá afhent deig til þess að mega útbúa eitt slíkt og það tekur 10 daga fyrir brauðið að "gerjast" í stofuhita áður en það má baka. Vænleg og djúsí gomma af sykri fylgir brauðinu - svo vænleg að Lilja minnkaði skammtinn all svaðalega. Kannski þessvegna sem þetta er kallað vinabrauð... ég væri ekki hissa á því, enda var Guðmundurinn góður!

 

 

 

 

 

 

 

Frönsk fallin súkkulaðsprengja frá átvaglinu. Ég tók eggjahvíturnar og þeytti þær í algleyming við súkkulaðikrumsið og úr varð frönsk flatkaka - en góð var hún bölvítið á henni!

Æðisleg bláberja ostakaka frá Bryndísi!

Pestó og ostabakki með flundurnýju brauði frá Sollu.

Þetta var gaman. Fólki þótti sérlega vænt um þetta framtak. Æði!

 

 

 

 

 

 

 

 

 

 

 

 

 

Hér eru svo elskulegar eldhússkvísurnar mínar!  Þórunn og Erna. Steinarr er með eindæmum ánægður þarna í baksýn. 

Gaman að þessu mín kæru. Alltaf gaman að sjá fólk njóta þess að borða og hangsa saman, sérstaklega ef maður á sjálfur einhvern þátt í fiestunni. Hér erum við góðgerðakerlingarnar svo allar saman komnar. Skuggalega æðislegur hópur af ofurkonum, eðalkvendum og sérstaklega sætum kvensum! (Svo kunnum við líka allar að búa til eitthvað gott.. ójá)

Valkyrjur frá vinstri: Solla, Lilja, Sigga Harpa, Bryndís, Átvaglið og töffarinn Inger er þarna fremst í flokki. Óskaplega væntumþykjanlegar konur - allar með tölu!

Annað öllu ógirnilegra í fréttum.

Ég skumflasaðist við að detta beinustu leið á trýnið fyrir tveimur dögum - sem er ekki frásögu færandi (þar sem mínir sérlegu fettmúlafætur eiga afskaplega erfitt með að fóta sig í hálku) nema fyrir þær sakir að ég uppskar þennan líka glæsilega fína barnamarblett.

 

 

 

 

 

 

 

Þetta eru stórgott dæmi um hinn týpíska fimm ára marblett. Fimm ára marblettir eru iðulega á hnjám barna eftir hrynjur, fettur og dettur ýmiskonar á viðburðarríkum leikstundum! Nú geng ég um fyrirtækið og monta mig af þessu líka svaðalega tjóni!

Njótið dagsins elsku bestu.

Athugasemdir

[Inger E (IP-tala skráð) 4.3.2010 kl. 14:28]

við erum náttúrulega mega ROKKARAR þegar kemur að góðum mat!!!!!

"no fat is sweeter than the one that is sticking to my bones"

eða "I paid good many for my size and I intend to hang to my investment"

[Elín Helga Egilsdóttir, 4.3.2010 kl. 14:30]

Bwaahahahahaha!!

[Ragnhildur Þórðardóttir, 4.3.2010 kl. 15:37]

Sjæse kona!!!.... þetta er matarklám and I like it. Ég hefði sko tekið Ólympíuleikana í áti þarna, allt svo sóðalega girnilegt.

Þarf að fara að komast í svona kaffihlaðborð og hleypa villidýrinu lausu. Veistu hvar er að finna bestu veitingarnar? Í barnaafmælum!!

En það nennir enginn að fá barnlausa fitness frík í sín barnaafmæli. Er alvarlega að hugsa um að skella í einn krakka bara til að fá fleiri boð í svoleiðis gúmmulaðiveislur... ho ho ho

[Elín Helga Egilsdóttir, 4.3.2010 kl. 16:10]

Eins og eðal fermingaveisla! Ég var samt nokkuð svellofurköld og fékk mér bara eitt bita af vinabrauðinu og nokkuð af guacamole!

Barnaafmæli! Logged and noted! Alveg sammála - það er gersamlega hægt að missa sig í svoleiðis fiestum! Kannski maður verði bara með í að fjölga mannkyninu - nokkur svoleiðis sykurpartý væru kærkomin "viðbót" hahh

[Heba Maren (IP-tala skráð) 4.3.2010 kl. 17:26]

sjitt.. þetta er eðall ... brauð... ummm best ever..  sjitt hvað þetta lítur girnilega út.. props til ykkar að vera svona æðislegar

[Hungradur (IP-tala skráð) 4.3.2010 kl. 18:26]

Allir thessir réttir eru svakalega girnilegir.  Vinaflokkur thinn samanstendur af séníum.  Hvílík snilld...slef slef slef.

[Hungradur (IP-tala skráð) 4.3.2010 kl. 18:45]

Hvad thessi er ad hugsa:

[Hungradur (IP-tala skráð) 4.3.2010 kl. 18:55]

Jákvaed undrun

[Frk. Laxmýr (IP-tala skráð) 4.3.2010 kl. 20:19]

Er að spá í að sækja um vinnu þarna Hvað setur þú í gvaggamóleiðið?

[Elín Helga Egilsdóttir, 4.3.2010 kl. 22:27]

Heba Maren: hoho..

Hungraður: Þetta eru eðalskvísur skal ég segja þér.

Frk. Laxmýr: Bezt í heimi! Svo einfalt. Avocado stappað, smátt skorinn rauðlauk, kraminn hvítlauk, tómat (skafa innan úr tómati og skera smátt). Salt, pipar og smá sítrónusafi svo dýrið verði ekki brúnt á litinn. Svo bara leika - hægt að setja út í þetta kóríander (margir sem gera það), lauk, meira krydd... mmm!

[Kristín (IP-tala skráð) 5.3.2010 kl. 08:14]

aaahhhh verð bara að segja að ég elska síðuna þína .... kem í heimsókn ekki einu sinni heldur allavega 2svar á dag hehe ..... er nýbúin að prenta út einhver ósköp af uppskriftum og setja í möppu :P

[Elín Helga Egilsdóttir, 5.3.2010 kl. 13:11]

Kristín: Oh gaman að heyra það Kristín. Takk fyrir mig :) Vona bara að þér líki vel mín kæra nú eða getir fiffað eitthvað af þessu malli mínu í takt við þitt småg og behåg.